Heydər Əliyev
yeni azerbaycan logo

Ana səhifə / YAP xəbərləri / Şəmkirdə 20 Yanvar şəhidlərinin xatirəsinə həsr olunmuş anım mərasimi keçirilib

Şəmkirdə 20 Yanvar şəhidlərinin xatirəsinə həsr olunmuş anım mərasimi keçirilib

22.01.2014 [11:38]

Şəmkir rayon İcra Hakimiyyəti və Yeni Azərbaycan Partiyası (YAP) Şəmkir rayon təşkilatının birgə təşkilatçılığı ilə 20 Yanvar şəhidlərinin xatirəsinə həsr olunmuş anım mərasimi keçirilib. Tədbirdə çıxış edən Şəmkir rayon İcra Hakimiyyətinin başçısı Nazim Veysov bildirib ki, 1990-cı il yanvarın 20-də ölkəmizə qarşı ərazi iddiaları irəli sürən Ermənistanın təcavüzkar siyasətinə və keçmiş SSRİ rəhbərliyinin onlara havadarlığına etiraz edən geniş xalq kütlələrinə qarşı sovet ordusunun Bakıya yeridilmiş döyüş hissələri Azərbaycanda misli görünməmiş faciə törətdilər. Həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucaldılar. N.Veysov qeyd edib ki, böyük itkilərlə, günahsız insanların qətli ilə nəticələnən 20 Yanvar faciəsi M.Qorbaçov başda olmaqla, cinayətkar imperiya rəhbərliyinin Azərbaycana qarşı xəyanətkar siyasətinə dözməyən, öz azadlığına, müstəqilliyinə can atan xalqımızın mübarizliyini, əyilməzliyini, məğrurluğunu bir daha nümayiş etdirdi.
Sonra çıxış edən YAP Şəmkir rayon təşkilatının sədri Fəxrəddin Vəliyev deyib ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən, sovet ordusu Azərbaycana qarşı hərbi əməliyyatlara başladı. Faciə zamanı 147 insan öldürüldü, 700-dən çox insan ağır xəsarət aldı, 841 nəfər isə qanunsuz olaraq həbs edildi və çox sayda insan itkin düşdü. Lakin bu amansız qırğına baxmayaraq, Azərbaycan xalqı öz mübarizliyindən geri çəkilmədi və uzun illərdən bəri arzusunda olduğumuz müstəqilliyə qovuşdu, ölkəmiz suverenlik əldə etdi: “Bu qanlı hadisələrdən illər keçsə də, xalqımız o dəhşətli gecəni daim xatırlayır, bu faciəni törədənlərə öz dərin nifrətini bildirir. Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir”.
Tədbirdə çıxış edən rayon Təhsil şöbəsinin müdiri Məcid Şıxlinski və digərləri də bildiriblər ki, 20 Yanvar həm də xalqımızın möhtəşəm qəhrəmanlıq salnaməsidir.

Paylaş:
Baxılıb: 1017 dəfə

Xəbər lenti

Hamısına bax

YAP xəbərləri

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30