Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir

Bakı:

30 °C

43 %

9 m/s

AZ RU EN

Ana səhifə / YAP xəbərləri / Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir

Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir

23.06.2026 [16:02]

Azərbaycan Respublikasında güclü və peşəkar ordunun formalaşdırılması dövlət siyasətinin əsas prioritet istiqamətlərindən biridir. Ulu Öndər Heydər Əliyevin əsasını qoyduğu ordu quruculuğu siyasəti bu gün Prezident, Silahlı Qüvvələrin Ali Baş Komandanı İlham Əliyev tərəfindən uğurla davam etdirilir. Son illər ərzində Azərbaycan Ordusunun müdafiə qüdrətinin artırılması, döyüş hazırlığının yüksəldilməsi və maddi-texniki bazasının möhkəmləndirilməsi istiqamətində ardıcıl və məqsədyönlü tədbirlər həyata keçirilmişdir.Ordunun müasir silah və hərbi texnika ilə təchiz olunması daim diqqət mərkəzində saxlanılır. Dünyanın qabaqcıl hərbi sənaye müəssisələri ilə əməkdaşlıq çərçivəsində Azərbaycan Ordusunun arsenalı ən müasir silah sistemləri, pilotsuz uçuş aparatları, raket kompleksləri və digər texniki vasitələrlə zənginləşdirilmişdir. Bu isə Silahlı Qüvvələrin döyüş imkanlarının daha da genişlənməsinə, qarşıya qoyulan vəzifələrin yüksək səviyyədə yerinə yetirilməsinə şərait yaratmışdır.Hərbi qulluqçuların peşəkarlığının artırılması məqsədilə mütəmadi olaraq təlimlər, komanda-qərargah məşqləri və müxtəlif hərbi manevrlər keçirilir. Azərbaycan Ordusunun şəxsi heyəti beynəlxalq standartlara uyğun hazırlıq keçərək müasir döyüş üsullarını mənimsəyir. Döyüş hazırlığının yüksəldilməsi istiqamətində görülən işlər ordumuzun çevikliyini, operativ fəaliyyət imkanlarını və müdafiə qabiliyyətini daha da gücləndirir.Orduda xidmət şəraitinin yaxşılaşdırılması, hərbi qulluqçuların sosial müdafiəsinin gücləndirilməsi də dövlətin diqqətində olan əsas məsələlərdəndir. Yeni hərbi hissələrin, yaşayış komplekslərinin, qərargah binalarının və digər infrastruktur obyektlərinin tikintisi şəxsi heyətin xidmət və məişət şəraitinin daha da yaxşılaşmasına xidmət edir.2020-ci ildə Vətən müharibəsində qazanılan tarixi Zəfər Azərbaycan Ordusunun yüksək döyüş hazırlığının, peşəkarlığının və gücünün bariz göstəricisi oldu. Qələbədən sonrakı dövrdə də Silahlı Qüvvələrin modernləşdirilməsi, komando birliklərinin yaradılması, yeni hərbi texnologiyaların tətbiqi və müdafiə imkanlarının genişləndirilməsi istiqamətində mühüm addımlar atılmışdır.Bu gün Azərbaycan Ordusu regionun ən güclü ordularından biri kimi ölkəmizin müstəqilliyinin, suverenliyinin və ərazi bütövlüyünün etibarlı təminatçısıdır. Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının daha da yaxşılaşdırılması istiqamətində həyata keçirilən tədbirlər gələcəkdə də davam etdiriləcək, Silahlı Qüvvələrimizin gücü və qüdrəti daha da möhkəmlənəcəkdir.

Fidan Qorxmazova

YAP Qusar rayon təşkilatının fəalı

Paylaş:

Baxılıb: 299 dəfə