Azərbaycan–Özbəkistan münasibətləri: qardaşlıqdan strateji tərəfdaşlığa, qarşılıqlı etimaddan iqtisadi əməkdaşlığa

Bakı:

26 °C

47 %

4 m/s

AZ RU EN

Ana səhifə / YAP xəbərləri / Azərbaycan–Özbəkistan münasibətləri: qardaşlıqdan strateji tərəfdaşlığa, qarşılıqlı etimaddan iqtisadi əməkdaşlığa

Azərbaycan–Özbəkistan münasibətləri: qardaşlıqdan strateji tərəfdaşlığa, qarşılıqlı etimaddan iqtisadi əməkdaşlığa

25.08.2026 [15:16]

Hüseyn Süleymanov
YAP Kəngərli rayon təşkilatının sədr müavini
Azərbaycan Respublikasının Prezidenti İlham Əliyevin 2026-cı il avqustun 23-də
Özbəkistan Respublikasına dövlət səfəri Azərbaycan–Özbəkistan münasibətlərinin
yüksək inkişaf səviyyəsinin və strateji tərəfdaşlığının növbəti mühüm göstəricisi
olmuşdur. Səfər iki qardaş ölkə arasında siyasi dialoqun, qarşılıqlı etimadın, iqtisadi
əməkdaşlığın və xalqlarımızı birləşdirən mənəvi bağların daha da möhkəmləndirilməsi
baxımından mühüm əhəmiyyət daşımışdır.
Dövlət səfəri çərçivəsində Prezident İlham Əliyevin Özbəkistan Prezidenti Şavkat
Mirziyoyevlə görüşü və Azərbaycan–Özbəkistan Ali Dövlətlərarası Şurasının üçüncü
iclasında iştirakı ikitərəfli əlaqələrin inkişafında xüsusi əhəmiyyət kəsb etmişdir. Keçirilən
görüşlər zamanı iki ölkə arasında mövcud əməkdaşlığın vəziyyəti, əldə olunan nəticələr
və gələcək perspektivlər ətrafında geniş fikir mübadiləsi aparılmışdır. Ali Dövlətlərarası
Şuranın fəaliyyəti isə qarşılıqlı münasibətlərin sistemli şəkildə inkişaf etdirilməsi və əldə
olunan razılaşmaların praktiki müstəviyə keçirilməsi baxımından mühüm platformaya
çevrilmişdir.
Prezident İlham Əliyevin səfər zamanı mətbuata verdiyi bəyanatda
Azərbaycan–Özbəkistan münasibətlərinin xarakterini müəyyən edən mühüm
məqamlardan biri onların həm mənəvi, həm də maddi təməl üzərində qurulması ilə bağlı
olmuşdur. Azərbaycan və Özbəkistan xalqlarını birləşdirən tarixi, mədəni və milli-mənəvi
dəyərlər dövlətlərarası münasibətlərin möhkəm əsasını təşkil edir. Qarşılıqlı hörmət və
qardaşlıq münasibətləri siyasi əlaqələrin inkişafına mühüm təsir göstərməklə yanaşı,
iqtisadi əməkdaşlığın da davamlı xarakter almasına şərait yaradır.
Bu münasibətlərin maddi təməlini isə son illərdə sürətlə genişlənən iqtisadi
əməkdaşlıq təşkil edir. Azərbaycan və Özbəkistan arasında iqtisadiyyatın müxtəlif
sahələrində əməkdaşlıq uğurla davam edir. Sənaye, energetika, nəqliyyat, kənd
təsərrüfatı, bankçılıq, turizm, tikinti və digər istiqamətlərdə həyata keçirilən layihələr
qarşılıqlı iqtisadi əlaqələrin çoxşaxəli xarakterini nümayiş etdirir. Azərbaycan şirkətlərinin
Özbəkistanda, Özbəkistan şirkətlərinin isə Azərbaycanda fəaliyyətinin genişlənməsi iki
ölkənin biznes subyektləri arasında əlaqələrin daha da möhkəmlənməsinə imkan
yaradır.
Dövlət səfəri çərçivəsində Azərbaycan şirkətlərinin Özbəkistanda həyata keçirdiyi
müxtəlif layihələrin açılış və təməlqoyma mərasimlərinin keçirilməsi iqtisadi tərəfdaşlığın
konkret nəticələrini nümayiş etdirmişdir. Bankçılıq, sənaye, təhsil, enerji, turizm, yaşayış
infrastrukturu və kənd təsərrüfatı sahələrini əhatə edən bu layihələr qarşılıqlı
investisiyaların artırılması, yeni iş yerlərinin yaradılması və müasir texnologiyaların
tətbiqi baxımından əhəmiyyətlidir. Bu proses Azərbaycan–Özbəkistan iqtisadi

əlaqələrinin yalnız ticarət münasibətləri ilə məhdudlaşmadığını, birgə investisiya və
istehsal layihələri ilə daha da zənginləşdiyini göstərir.
İki ölkə arasındakı iqtisadi əməkdaşlığın mühüm istiqamətlərindən biri də
nəqliyyat və tranzit sahəsidir. Azərbaycanın Avropa ilə Asiyanı birləşdirən mühüm
nəqliyyat qovşaqlarından biri kimi mövqeyi, Özbəkistanın isə Mərkəzi Asiyada
yerləşməsi qarşılıqlı nəqliyyat imkanlarının genişləndirilməsi üçün əlverişli şərait yaradır.
Bu əməkdaşlıq təkcə iki ölkənin iqtisadi maraqlarına deyil, bütövlükdə regionda ticarət
və logistika əlaqələrinin inkişafına xidmət edir.
Azərbaycan və Özbəkistan arasında əməkdaşlığın mühüm xüsusiyyətlərindən
biri də qarşılıqlı dəstəyin konkret layihələrdə öz əksini tapmasıdır. Özbəkistanın
Azərbaycanın işğaldan azad edilmiş ərazilərində həyata keçirdiyi layihələr qardaşlıq
münasibətlərinin praktiki ifadəsi kimi qiymətləndirilə bilər. Bu cür təşəbbüslər xalqlarımız
arasında mənəvi yaxınlığın dövlətlərarası əməkdaşlığın bütün istiqamətlərinə sirayət
etdiyini göstərir.
Prezident İlham Əliyevin Özbəkistana dövlət səfəri Azərbaycan–Özbəkistan
münasibətlərinin strateji xarakterini bir daha təsdiqləmişdir. Səfər zamanı keçirilən
görüşlər, Ali Dövlətlərarası Şuranın iclası, əldə olunan razılaşmalar və iqtisadi layihələr
iki ölkə arasında əməkdaşlığın ardıcıl şəkildə genişləndiyini nümayiş etdirir. Bu gün
Azərbaycan–Özbəkistan münasibətləri tarixi və mənəvi yaxınlıqla yanaşı, konkret
iqtisadi maraqlar, qarşılıqlı investisiyalar və birgə layihələr üzərində də möhkəmlənir. Bu
isə qardaş iki ölkənin gələcəkdə də bütün sahələrdə əməkdaşlığı daha yüksək
səviyyəyə qaldırması üçün möhkəm zəmin yaradır.