İşğaldan azad olunmuş Laçında yeni inkişaf mərhələsi

Bakı:

26 °C

47 %

4 m/s

Əlaqə

AZ RU EN

Ana səhifə / YAP xəbərləri / İşğaldan azad olunmuş Laçında yeni inkişaf mərhələsi

İşğaldan azad olunmuş Laçında yeni inkişaf mərhələsi

25.08.2026 [15:54]

Azərbaycanın dilbər guşələrindən olan Laçın şəhərinin tarixi 1923-cü ildən başlayır. Həmin il
Abdallar kənd yaşayış məntəqəsinin adı dəyişdirilərək Laçın adlandırılıb və yaşayış məntəqəsinə şəhər
statusu verilib. 1930-cu ildə isə Laçın rayonu inzibati ərazi vahidi kimi yaradılıb. 8 avqust 1930-cu ildə
təşkil olunan rayonun inzibati mərkəzi Laçın şəhəri müəyyən edilib.
1992-ci il mayın 18-də Ermənistan silahlı qüvvələri tərəfindən Laçın rayonu işğal edilərkən 300-
dən çox hərbi və mülki şəxs həlak olub və ya itkin düşüb. İşğalçılar tərəfindən 217 mədəniyyət, 101 təhsil,
142 səhiyyə müəssisəsi, 462 ticarət, 30 rabitə, 133 idarə və müəssisə, 5 musiqi məktəbi, 2 avtonəqliyyat
və müxtəlif təyinatlı istehsalat müəssisəsi və digər infrastruktur obyektləri talan olunaraq məhv edilib.
2020-ci il sentyabrın 27-də başlayan və 44 gün davam edən Vətən müharibəsi nəticəsində 30 illik
işğala son qoyuldu. Azərbaycan Prezidentinin diplomatik məharəti, prinsipiallığı, dəmir iradəsi və
Ordumuzun sarsıdıcı zərbələri Ermənistanı kapitulyasiyaya və əraziləri boşaltmağa məcbur etdi.
Azərbaycan, Rusiya və Ermənistanın liderlərinin imzaladığı üçtərəfli Bəyanata əsasən, 2020-ci il dekabrın
1-də Laçın rayonu Ermənistan ordusu tərəfindən boşaldıldı. Bundan əvvəl, noyabrın 9-u isə Laçın
rayonunun Güləbird, Səfiyan və Türklər kəndləri Azərbaycan Silahlı Qüvvələri tərəfindən azad edilmişdi.
2022-ci ilin avqustun 26-da Qarabağ Zəfərinin davamı olaraq Laçın şəhəri, Zabux və Sus kəndləri
nəzarətə götürüldü. Bu, şanlı Zəfər tariximizə daha bir hərbi və diplomatik qələbə kimi yazıldı.
İşğaldan azad olunmuş digər yurd yerləri kimi, Laçına da həyat yenidən qayıdır, burada sürətli
bərpa-quruculuq işləri aparılır. Laçın rayonunda ümumi gücü 65,5 MVt, illik elektrik enerjisi istehsal
potensialı 194 milyon kilovat-saat olan 9 su elektrik stansiyası fəaliyyət göstərəcək. 2021-ci ildə Laçın
rayonunda generasiya gücü 8 meqavat olan Güləbird Su Elektrik Stansiyası işə salınıb. Stansiya
təxminən 7000 nəfər əhalinin elektrik enerjisi ilə təminatında mühüm rol oynayacaq. Burada istehsal
olunan elektrik enerjisi Qubadlı rayonunun Xanlıq kəndini, Laçın rayonunun cənub hissəsini və ərazidə
yerləşən digər infrastruktur layihələrini elektrik enerjisi ilə təmin edəcək. Laçın rayonunda Həkəri çayının
ən böyük qolu olan Hoçaz çayı üzərində yerləşən və ermənilər tərəfindən tamamilə dağıdılan 14,25
meqavat gücündə “Ağbulaq”, 8,25 meqavat gücündə “Mişni” və 6 meqavat gücündə “Alxaslı” Su Elektrik
stansiyaları tam yenidən qurulub. “Mişni” və “Alxaslı” Kiçik Su Elektrik stansiyaları 2023-cü il avqustun 25-
də, “Zabux” və “Qarıqışlaq” Kiçik Su Elektrik stansiyaları isə 2024-cü il mayın 10-da işə salınıb. 2025-ci il
mayın 27-də “AzərEnerji” “Aşağı Malıbəyli” və “Mirik” su elektrik stansiyalarının (SES) açılışı olub. Hər iki
stansiya Həkəri çayının sağ qolu olan Zabux çayının Laçın rayonunun Malıbəyli və Mirik kəndlərinin
ərazisindən keçən hissəsində inşa edilib.
2026-cı il iyulun 11-də Laçında Hoçaz çayının üzərində yerləşən 14,7 meqavatlıq “Ağbulaq-1”,
14,25 meqavatlıq “Ağbulaq-2” və 4 meqavatlıq “Şeylanlı” su elektrik stansiyalarının açılışı olub. Laçın
rayonunun 8-10 MVt-lıq elektrik tələbat gücü tam olaraq yaşıl enerji hesabına qarşılanır. Artıq qalan enerji
isə ölkə enerjisisteminə ötürülür. Hazırda ümumi gücü 10,7 MVt olan 3 yeni SES-in tikintisi davam edir və
onlar bu ilin sonunadək istismara veriləcək. Laçın rayonunun 2040-cı il perspektivində elektrik tələbat
gücünün 80 MVt olacağı gözlənilir. Mövcud və tikintisi planlaşdırılan SES layihələri nəzərə alınmaqla,
rayon 15 il sonra da tam olaraq yaşıl enerji ilə təmin ediləcək. Prezident İlham Əliyevin sərəncamına
əsasən tikilən Kəlbəcər-Laçın avtomobil yolunun uzunluğu 75,8 kilometrdir və mövcud yoldan 32,2
kilometr qısa olacaq. I və II texniki dərəcəli bu yol iki, üç və dörd hərəkət zolaqlı olacaq. Yeni yolun
üzərində 17 tuneldən 16-da tikinti işləri uğurla davam etdirilir. Tunellərin ümumi uzunluğu 13,3 kilometrdir.
Bundan başqa, yol üzərində ümumi uzunluğu 4163 metr olan 23 körpü də inşa edilir. İşğaldan azad
olunmuş ərazilərdə, o cümlədən Laçında hava limanının inşası bölgənin beynəlxalq statusunu
artıracaqdır.

Laçının azadlığı Azərbaycan xalqının tarixi ədalətin bərpasına olan inamının və dövlətimizin
qətiyyətli siyasətinin mühüm nəticələrindən biri kimi tarixə düşdü. Müzəffər Ali Baş Komandan Prezident
İlham Əliyevin sərəncamları ilə Laçın rayonunun işğaldan azad edilməsi uğrunda aparılmış döyüş
əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı
Qüvvələrinin 8418 hərbi qulluqçusu “Laçının azad olunmasına görə” medalı ilə təltif olunmuşdur.
Azərbaycan Respublikasının Prezidenti İlham Əliyevin 31 iyul 2023-cü il tarixli Sərəncamı ilə
işğaldan azad edilmiş ərazilərdə şəhər günlərinin təsis edilməsi qərara alınıb. Həmin Sərəncama əsasən,
26 avqust Laçın şəhəri günü kimi müəyyən edilib.Bu tarix Laçının azadlığı ilə yanaşı, şəhərin və rayonun
yeni inkişaf mərhələsinin başlanğıcını da simvolizə edir. 26 avqust 2022-ci ildə Laçın şəhərinin
Azərbaycanın nəzarətinə keçməsindən sonra burada genişmiqyaslı bərpa, quruculuq və yenidən
məskunlaşma işlərinə başlanılıb.
Bu gün Laçın müasir şəhərsalma prinsipləri əsasında yenidən qurulur, yeni yaşayış məhəllələri,
sosial obyektlər və infrastruktur layihələri həyata keçirilir. Doğma yurda qayıdan sakinlərin rahat
yaşayışının təmin edilməsi ilə yanaşı, Laçının turizm, kənd təsərrüfatı və iqtisadi potensialının inkişaf
etdirilməsi istiqamətində mühüm addımlar atılır.
YAP Naftalan şəhər təşkilatının sədri Rövlan Heydərov