Şəmkirdə Xocalı soyqırımının 22-ci ildönümünə həsr edilən anım mərasimi keçirilib

Bakı:

27 °C

61 %

4 m/s

Əlaqə

AZ RU EN

Ana səhifə / YAP xəbərləri / Şəmkirdə Xocalı soyqırımının 22-ci ildönümünə həsr edilən anım mərasimi keçirilib

Şəmkirdə Xocalı soyqırımının 22-ci ildönümünə həsr edilən anım mərasimi keçirilib

26.02.2014 [09:34]

Dünən Şəmkir rayon İcra Hakimiyyəti və Yeni Azərbaycan Partiyası (YAP) Şəmkir rayon təşkilatının birgə təşəbbüsü ilə Xocalı soyqrımının 22-ci ildönümünə həsr edilən anım tədbiri keçirilib. Şəmkir şəhər Ə.Cavad adına Mədəniyyət Mərkəzində baş tutan anım mərasimində YAP Şəmkir rayon təşkilatının sədri Fəxrəddin Vəliyev çıxış edərək deyib ki, 1992-ci il fevralın 26-da Ermənistan hərbi birləşmələri 7 min əhalisi olan Xocalı şəhərində soyqırımı aktı həyata keçirib. Xocalı soyqırımı zamanı 613 nəfər öldürülüb, 1000 nəfər müxtəlif yaşlı dinc sakin aldığı güllə yarasından əlil olub, 106 nəfər qadın, 63 azyaşlı uşaq, 70 qoca öldürülüb, 8 ailə tamamilə məhv edilib, 25 uşaq hər iki valideynini, 130 nəfər valideynlərindən birini itirib: “Amma Xocalı faciəsinin ağırlığı o zamankı Azərbaycan hakimiyyəti tərəfindən lazımınca qiymətləndirilməmiş, soyqırımı aktının qarşısının alınması üçün zəruri tədbirlər görülməmişdir.
Yalnız Ümummilli lider Heydər Əliyev xalqın təkidli tələbi ilə hakimiyyətə gəldikdən sonra Xocalı faciəsi ermənilərin Azərbaycan xalqına qarşı həyata keçirdikləri soyqırımı aktı kimi öz qiymətini alıb, soyqırımının dünyaya çatdırılması istiqamətində xeyli iş görülüb”.
F.Vəliyev qeyd edib ki, bu soyqırımı cəzasız qalmamalıdır. Beynəlxalq təşkilatlar, dünya dövlətlərinin parlamentləri Ermənistan Respublikasının Azərbaycan torpaqlarında törətdiyi hərbi cinayətə - Xocalı soyqırımına, soyqırımı hadisəsi kimi beynəlxalq siyasi-hüquqi qiymət verməlidirlər.
Daha sonra Şəmkir rayon İcra Hakimiyyətinin başçısı Nazim Veysov çıxış edərək bildirib ki, bəşər tarixinə öz vəhşiliyinə və qəddarlığına görə ən qanlı kütləvi terror hadisəsi kimi düşmüş Xocalı soyqırımının törədilməsindən artıq 22 il ötür. Xocalı faciəsinin ermənilərin Azərbaycan xalqına qarşı apardıqları müharibənin tərkib hissəsi olduğunu deyən N.Veysov vurğulayıb ki, 1992-ci il fevralın 25-dən 26-na keçən gecə keçmiş SSRİ-nin 366-cı motoatıcı alayının köməkliyi ilə ermənilər tərəfindən həyata keçirilən Xocalı qırğını bəşəriyyət tarixində insanlığa qarşı törədilmiş ən böyük cinayətlərdən biridir.
Daha sonra çıxış edənlər - Şəmkir rayon İcra Hakimiyyəti Aparatının məsul işçisi Sona Əliyeva, bu soyqırımının canlı şahidlərindən olan Xocalı rayon sakini Baxşeyş Əhmədov qeyd ediblər ki, Xocalı soyqırımının günahkarları, təşkilatçıları və icraçıları layiqli cəzalarına çatmalıdırlar.
Anım mərasiminin sonunda Şəmkir rayon Mədəniyyət və Turizm şöbəsi və Ə.Cavad adına tam orta məktəbin şagirdləri tərəfindən ədəbi-bədii kompozisiya nümayiş etdirilib və Xocalı faciəsi haqda şeirlər söylənilib.

Paylaş:

Baxılıb: 1236 dəfə