Qələbələrimiz xalqımız üçün müstəsna əhəmiyyət daşıyır

Bakı:

23 °C

56 %

4 m/s

Əlaqə

AZ RU EN

Ana səhifə / YAP xəbərləri / Qələbələrimiz xalqımız üçün müstəsna əhəmiyyət daşıyır

Qələbələrimiz xalqımız üçün müstəsna əhəmiyyət daşıyır

17.09.2026 [12:28]

Azərbaycan 44 günlük Vətən Müharibəsində möhtəşəm Zəfər qazanmaqla şanlı tarix yazdı. Bundan sonrakı mərhələdə isə cəmi bir günlük antiterror tədbirləri nəticəsində ölkəmizin suverenliyi tam təmin edildi, sərhədlərimiz bütövləşdi. Bu tarixi uğurlar dünya durduqca Azərbaycan xalqının əbədi qürur mənbəyi olacaq. Müzəffər Ali Baş Komandan İlham Əliyevin qətiyyətli siyasi iradəsi nəticəsində Azərbaycanın qüdrətli ordusu bu Qələbəyə imza atıb. Azərbaycan dövləti həm uzun illər davam edən erməni işğalına son qoyub, həm də separatizmin və terrorçuluğun kökünü tarixi ərazilərimizdən birdəfəlik kəsib. Ölkəmiz həm də işğalçı Ermənsitanı dəstəkləyən, separatizmi qızışdıran bəzi beynəlxalq siyasi dairələri, Azərbaycana qarşı düşmənçilik siyasəti yürüdən ölkələri yerində oturdub. Məhz həmin qüvvələrin dəstəyi və havadarlığı ilə Ermənistan 2020-ci ilin 10 noyabrında kapitulyasiya aktına imza atarkən üzərinə götürdüyü öhdəlikləri yerinə yetirmirdi.

Ermənsitanın siyasi rəhbərliyi işğalı davam etdirməyə, Qarabağda fəaliyyət göstərən separatçı rejimə dəstək verməyə çalışırdı. Lakin, Azərbaycan öz ordusunun gücü ilə istəyinə nail oldu və dünyada bənzəri olmayan siyasi iradə və qətiyyət, yüksək səviyyədə hərbi peşəkarlıq nümayiş etdirdi. 2020-ci ildə əldə edilən Zəfərdən sonra ölkəmiz üçün yeni bir mərhələ başlandı – dövlət suverenliyinin tam bərpası və ərazi bütövlüyünün təmin olunması. Bu prosesin kulminasiya nöqtəsi isə 2023-cü il sentyabrın 19–20-də həyata keçirilən lokal antiterror tədbirləri oldu. Bu əməliyyatlar nəticəsində Azərbaycan öz suverenliyini bütün ərazilərində, o cümlədən Qarabağ bölgəsində tam bərpa etdi. Bu tarixi hadisə, həmçinin beynəlxalq ictimaiyyətə bir daha nümayiş etdirdi ki, Azərbaycan dövləti öz ərazisində istənilən qeyri-qanuni silahlı birləşməyə, separatizmə və qanunsuzluğa qarşı dərhal və adekvat tədbirlər görmək əzmindədir. Bu bütün dünyaya heç kimin Azərbaycanın suverenliyini poza bilməyəcəyini, ərazi bütövlüyümüzü hədəf ala bilməyəcəyini və ola biləcək bütün tədbirlərə operativ cavab vermək qabiliyyətində olduğumuzu sübut etdi. Eyni zamanda, yeni geosiyasi reallıqlar fonunda Azərbaycan artıq regional lider və qlobal orta güc kimi çıxış edir.

Azərbaycan Prezidenti İlham Əliyevin Dövlət Suverenliyi Gününün təsis edilməsi haqqında sərəncam imzalaması hər birimiz üçün əvəzedilməz sevinc və qürur hissi yaşadır. Bu tarixi Qələbələrimiz Azərbaycan xalqı üçün müstəsna əhəmiyyət daşıyan hadisədir.

Alidə Aslanova

YAP Sabunçu rayon təşkilatının məsləhətçisi

Paylaş:

Baxılıb: 224 dəfə