Heydər Əliyev
yeni azerbaycan logo

Ana səhifə / YAP xəbərləri / YAP Masallı rayon təşkilatı Aparatında Şura iclası keçirilib

YAP Masallı rayon təşkilatı Aparatında Şura iclası keçirilib

05.08.2014 [09:36]

Yeni Azərbaycan Partiyası (YAP) Masallı rayon təşkilatı Aparatında Şura iclası keçirilib. Tədbirdə hesabat məruzəsi ilə çıxış edən YAP Masallı rayon təşkilatının sədri Seyfəddin Əliyev Ulu öndər Heydər Əliyev tərəfindən yaradılan bu siyasi təşkilatın indiyədək qazandığı uğurlardan danışıb.
Çıxışına davam edən natiq, həmçinin, deyib ki, Prezident İlham Əliyevin ölkəyə rəhbərlik etdiyi dövrdə Azərbaycanda bütün sahələrdə böyük tərəqqi baş verib. “Həyatımızda baş verən müsbət dəyişikliklər Ulu öndər Heydər Əliyevin əsasını qoyduğu siyasi kursun Prezident İlham Əliyev tərəfindən uğurla davam etdirilməsinin nəticəsidir. Azərbaycan Prezidentinin yürütdüyü siyasətin kökündə insanların rahat həyat tərzinin, əhalinin sosial-rifah halının daha da yaxşılaşdırılması dayanır”.
“YAP Masallı rayon təşkilatı işini partiyanın Proqram və Nizamnaməsinə, YAP Mərkəzi Aparatının tövsiyə və tapşırıqlarına, partiyanın V qurultayının qərarlarına uyğun olaraq qurub”, - deyən Seyfəddin Əliyev onu da qeyd edib ki, cari ildə ölkəmizin hər yerində olduğu kimi, Masallı rayonunda da aparılan abadlıq, quruculuq işləri sürətlə davam etməkdədir. O, həmçinin, “Məlum olduğu kimi, 2014-cü ildə, ölkəmizin yerli özünüidarəetmə sahəsində əhəmiyyətli xarakter daşıyan bələdiyyə seçkiləri keçiriləcək. Bu seçkilərdə də YAP namizədlərinin parlaq qələbəsini təmin etmək məqsədilə hər bir partiya üzvü öz fəallığını daha da artırmalıdır” - sözlərini də əlavə edib.
O da qeyd olunub ki, hazırda YAP Masallı rayon təşkilatının üzvlərinin sayı 9609 nəfərə çatıb. Onların 2714 nəfərini (28,3 faiz) qadınlar, 2556 nəfərini (26,6 faiz) isə gənclər təşkil edir: “YAP-ın Sədri cənab İlham Əliyevin gənclərə göstərdiyi xüsusi diqqət və qayğının nəticəsidir ki, hesabat ilində partiya sıralarına qəbul edilənlərin əksəriyyəti gənclərdir. Belə ki, 2014-cü ilin 6 ayı ərzində partiya üzvlüyünə qəbul olunan 392 nəfərdən 212 nəfəri (54,1 faiz) gənclərdir”.
Daha sonra YAP Masallı rayon təşkilatı Nəzarət-Təftiş Qrupunun sədri Elman Rəhimov, rayon təşkilatının Şura üzvləri Mirqabil Hüseynov, Əfrail Fərziyev, Qadınlar Şurasının üzvü Naibə Aslanova və başqaları gündəlikdə duran məsələlər ətrafında geniş çıxış ediblər.
Şura iclasında gündəlikdə duran məsələlər ətrafında bir sıra qərarlar qəbul edilib.
S.Loğmanoğlu

Paylaş:
Baxılıb: 883 dəfə

Xəbər lenti

Hamısına bax

YAP xəbərləri

İqtisadiyyat

YAP xəbərləri

Gündəm

Analitik

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30