Azərbaycanda gənclərə xüsusi diqqət və qayğı göstərilir

Bakı:

24 °C

45 %

2 m/s

Əlaqə

AZ RU EN

Ana səhifə / YAP xəbərləri / Azərbaycanda gənclərə xüsusi diqqət və qayğı göstərilir

Azərbaycanda gənclərə xüsusi diqqət və qayğı göstərilir

05.03.2015 [09:46]

YAP Ağcabədi rayon təşkilatı Gənclər Birliyinin IV konfransı keçirilib
Martın 4-də Yeni Azərbaycan Partiyası (YAP) Ağcabədi rayon təşkilatı Gənclər Birliyinin IV konfransı keçirilib. Konfransda Azərbaycan Respublikası Prezidenti Administrasiyasının İctimai-siyasi məsələlər şöbəsinin sektor müdiri, YAP Siyasi Şurasının üzvü Qafar Əliyev, Ağcabədi rayon İcra Hakimiyyətinin başçısı, YAP Siyasi Şurasının üzvü Şahin Məmmədov, YAP Mərkəzi Aparatının məsul işçisi Araz Xudadanov, YAP Ağcabədi rayon təşkilatının sədri Rövşən Əhmədov iştirak ediblər.
Tədbir iştirakçıları öncə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad ediblər. Konfransı YAP Ağcabədi rayon təşkilatının sədri Rövşən Əhmədov açaraq ölkəmizdə həyata keçirilən gənclər siyasəti barədə məlumat verib.
YAP Ağcabədi rayon təşkilatı Gənclər Birliyinin sədr müavini Nicat Axundov hesabat məruzəsi ilə çıxış edib. Onun sözlərinə görə, hazırda YAP Ağcabədi rayon təşkilatı 98 ilk təşkilat ətrafında 11251 nəfər YAP üzvünü birləşdirir ki, onların 4461 nəfərini (39,6 faiz) gənclər, 5091 nəfərini isə (45,2 faiz) qadınlar təşkil edir. Qeyd edilib ki, YAP Ağcabədi rayon təşkilatının keçirdiyi bütün tədbirlərdə gənclər fəal iştirak edirlər: “23 dekabr 2014-cü il tarixdə keçirilən bələdiyyə seçkilərində rayonda YAP tərəfindən irəli sürülən namizədlərdən 244-ü bələdiyyə üzvü seçilib ki, onların da 127 nəfəri gənclərdir”.
Məruzə ətrafında YAP Ağcabədi rayon təşkilatı Gənclər Birliyinin üzvü Elnur Quliyev, Məhsəti Ağayeva, Ağcabədi Bələdiyyəsinin sədr müavini İldırım Əliyev çıxış edərək hesabat dövründə həyata keçirilən işlər barədə konfrans iştirakçılarına məlumat veriblər.
Sonra təşkilati məsələlərə baxılıb. YAP Ağcabədi rayon təşkilatı Gənclər Birliyinin 23 nəfərdən ibarət şurası, 15 nəfərdən ibarət İdarə Heyətinin üzvləri seçilib. İştirakçıların yekdil rəyi ilə Elnur Quliyev YAP Ağcabədi rayon təşkilatı Gənclər Birliyinin sədri, Məhsəti Ağayeva və Nicat Axundov sədr müavinləri seçiliblər. Konfransda YAP Gənclər Birliyinin respublika konfransına nümayəndələr də seçilib.
Konfransda çıxış edən Azərbaycan Respublikası Prezidenti Administrasiyasının İctimai-siyasi məsələlər şöbəsinin sektor müdiri, YAP Siyasi Şurasının üzvü Qafar Əliyev, Ağcabədi rayon İcra Hakimiyyətinin başçısı, YAP Siyasi Şurasının üzvü Şahin Məmmədov yeni seçilən heyətə uğurlar arzulayıb, onlara öz tövsiyələrini çatdırıblar. Natiqlər, həmçinin, dövlətin gənclərə göstərdiyi diqqət və qayğıdan, Ulu öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də, idman həyatında gənclərin fəaliyyətindən danışıblar.
NADİR

Paylaş:

Baxılıb: 969 dəfə