“Milli dövlətçilik təfəkkürünün başlanğıcı”

Bakı:

30 °C

51 %

5 m/s

Əlaqə

AZ RU EN

Ana səhifə / YAP xəbərləri / “Milli dövlətçilik təfəkkürünün başlanğıcı”

“Milli dövlətçilik təfəkkürünün başlanğıcı”

14.07.2015 [09:55]

Qaradağda Ulu öndər Heydər Əliyevin Azərbaycanda birinci dəfə hakimiyyətə gəlməsinin 46-cı ildönümü münasibətilə tədbir keçirilib
Ümummilli lider Heydər Əliyevin 14 iyul 1969-cu ildə Azərbaycan Kommunist Partiyası Mərkəzi Komitəsinin birinci katibi seçilməsinin 46-cı ildönümü ilə əlaqədar Yeni Azərbaycan Partiyası (YAP) Qaradağ rayon təşkilatı və Qaradağ rayon İcra Hakimiyyətinin birgə təşkilatçılığı ilə “Milli dövlətçilik təfəkkürünün başlanğıcı” mövzusunda “dəyirmi masa” keçirilib. Lökbatan qəsəbəsi Heydər Əliyev Mərkəzində keçirilən tədbirin iştirakçıları əvvəlcə Ümummilli liderin abidəsi önünə gül dəstələri düzüblər.
Tədbiri giriş nitqi ilə açan Qaradağ rayon İcra Hakimiyyəti başçısının birinci müavini Emil Abbasov bildirib ki, Ulu öndərin 1969-cu il 14 iyulda Azərbaycanda rəhbərliyə gəlməsi ölkəmizin ən yeni tarixinin dönüş mərhələsinin başlanğıcı idi. Onun sözlərinə görə, həmin dövrdə Heydər Əliyevin siyasi rəhbərliyə gəlişinin əhəmiyyətini, Azərbaycanın sonrakı mərhələdə əldə etdiyi uğurları qiymətləndirmək üçün öncə Ulu öndərin Azərbaycana rəhbərliyə gəlişinə qədərki vəziyyətə nəzər salmaq lazımdır.
Tədbirdə çıxış edən YAP Siyasi Şurasının üzvü, tarix elmləri doktoru, professor, Bakı Dövlət Universitetinin kafedra müdiri İradə Hüseynova vurğulayıb ki, 1969-cu ildə Ulu öndər Heydər Əliyevin hakimiyyətə gəlişi ilə Azərbaycan qısa zaman kəsiyində ittifaq miqyasında iqtisadi baxımdan özünü təmin etməyə qadir olan respublikalar sırasına daxil oldu: “Ulu öndər Heydər Əliyev Azərbaycanda siyasi hakimiyyətdə olduğu birinci dövrdə gələcək müstəqil Azərbaycanın iqtisadi, sosial, mənəvi və psixoloji bazasını yaratdı”.
YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov isə bildirib ki, Ulu öndər Heydər Əliyev Azərbaycanı bütün dünyada tanıdıb: “Ulu öndər Heydər Əliyev Azərbaycanın uzunmüddətli inkişaf proqramını hazırlamışdır və bu gün də ölkəmiz həmin proqrama əsasən inkişaf edir”.
A.Hüseynov qeyd edib ki, bu gün Prezident İlham Əliyev Ulu öndər Heydər Əliyevin siyasi kursunu layiqincə davam etdirir və bu siyasi kursa əsasən ölkəmiz sürətlə inkişaf edir.
Tədbirdə həmçinin, Azərbaycan Dövlət İqtisad Universitetinin İqtisadi məsələlər üzrə prorektoru, hüquq üzrə fəlsəfə doktoru Mikayıl Zeynalov, Azərbaycan Dövlət İqtisad Universitetinin Azərbaycan tarixi kafedrasının müdiri, tarix elmləri doktoru, professor Hidayət Cəfərov və digərləri çıxış edərək Azərbaycanı müstəqil dövlət quruculuğuna aparan yolun öz başlanğıcını məhz 1969-cu ildən - Ulu öndər Heydər Əliyevin hakimiyyətə gəlməsi ilə götürdüyünü bildiriblər. Qeyd olunub ki, Ümummilli liderin təməlini qoyduğu inkişaf strategiyası bu gün Prezident İlham Əliyev tərəfindən uğurla davam etdirilir.

Paylaş:

Baxılıb: 1206 dəfə