YAP Salyan rayon təşkilatının yaranmasının 22-ci ildönümü qeyd edilib

Bakı:

27 °C

51 %

9 m/s

Əlaqə

AZ RU EN

Ana səhifə / YAP xəbərləri / YAP Salyan rayon təşkilatının yaranmasının 22-ci ildönümü qeyd edilib

YAP Salyan rayon təşkilatının yaranmasının 22-ci ildönümü qeyd edilib

22.07.2015 [09:41]

Yeni Azərbaycan Partiyası (YAP) Salyan rayon təşkilatının yaranmasının 22-ci ildönümünə həsr olunmuş yığıncaq keçirilib. Tədbir iştirakçıları öncə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad ediblər.
Yığıncaqda YAP Salyan rayon təşkilatının sədri Rəşad Cəbrayılov rayon təşkilatının yaranmasının 22-ci ildönümü ilə bağlı məruzə ilə çıxış edib. O, bildirib ki, 1992-ci il noyabrın 21-də Ümummilli lider Heydər Əliyevin rəhbərliyi ilə Naxçıvanda YAP-ın yaranması Azərbaycan dövlətinin xilası üçün nicat yoluna çevrildi: “Xalqımız əmin idi ki, görkəmli dövlət xadiminin yaratdığı partiya tezliklə iqtidar partiyasına çevriləcək və Azərbaycan dövlətini bütün bəlalardan qoruyaraq inkişaf və tərəqqiyə çıxaracaq. Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış etdilər və bu məqsədlə Ümummilli liderimiz Heydər Əliyev şəxsiyyəti ətrafında birləşdilər”.
Qeyd olunub ki, YAP təsis edildikdən sonra bölgələrdə, o cümlədən, Salyanda da partiyanın ilk özəkləri formalaşıb və 1993-cü il iyulun 17-də partiyanın rayon təşkilatı yaradılıb.
Çıxış edən Salyan rayon İcra Hakimiyyətinin başçısı Tahir Kərimov bildirib ki, Ulu öndər Heydər Əliyev qısa zaman kəsiyində Azərbaycanda siyasi sabitliyi bərqərar etdi. Yaranan siyasi sabitlik isə Azərbaycan dövlətinin iqtisadi inkişafının əsas dəstəkçisinə çevrildi: “Sonrakı dövrdə Ulu öndər Heydər Əliyev ölkəmizdə siyasi sabitliyin bərqərar olmasına nail oldu. Milli Konstitusiyamızın qəbulu isə ölkədə hüquqi dövlət quruculuğu prosesinin daha da inkişaf etdirilməsinə zəmin yaratdı. İmzalanan “Əsrin müqaviləsi” Azərbaycanın iqtisadi inkişafının, qüdrətli gələcəyinin qarantına çevrildi. Ulu öndər Heydər Əliyev müstəqil Azərbaycanın tarixində 10 il ərzində 50 ildən artıq bir dövrün işini gördü, dövlətimizi gücləndirdi, tanıtdı. Ulu öndər Heydər Əliyevin siyasi kursunun uğurlu davamçısı Prezident İlham Əliyev bu gün milli maraqlarımızın qorunması, ölkəmizin daha da güclənməsi üçün çalışır. Bütün Azərbaycan xalqı inanır ki, Prezident İlham Əliyevin rəhbərliyi ilə həyata keçirilən inkişaf siyasəti ölkəmizi daha böyük qələbələrə aparacaq”.
Tədbirin sonunda partiyanın bir qrup fəalına YAP rayon təşkilatının fəxri fərmanı təqdim olunub.
Pərviz SADAYOĞLU

Paylaş:

Baxılıb: 979 dəfə