84 saylı Füzuli Seçki Dairəsindən YAP-ın namizədi Bahar Muradova seçicilərlə növbəti görüşlərini keçirib

Bakı:

18°C

63%

1m/s

AZ RU EN

Ana səhifə / YAP xəbərləri / 84 saylı Füzuli Seçki Dairəsindən YAP-ın namizədi Bahar Muradova seçicilərlə növbəti görüşlərini keçirib

84 saylı Füzuli Seçki Dairəsindən YAP-ın namizədi Bahar Muradova seçicilərlə növbəti görüşlərini keçirib

14.10.2015 [10:54]

Oktyabrın 11-də 84 saylı Füzuli Seçki Dairəsindən Yeni Azərbaycan Partiyasının (YAP) deputatlığa namizədi, Milli Məclisin sədr müavini, YAP-ın İdarə Heyətinin üzvü Bahar Muradova rayon ərazisindəki 9 saylı Qayıdış qəsəbəsində seçicilərlə görüşüb. Yaxınlıqdakı 6 qəsəbənin əhalisini təmsil edən 400-dən çox seçicinin iştirak etdiyi tədbiri YAP-ın Füzuli rayon təşkilatının sədri Almaz Həşimova giriş sözü ilə açaraq namizədin həyat və fəaliyyəti barədə geniş məlumat verib.
Sonra namizədin vəkilləri çıxış edərək parlament seçkilərinin Azərbaycanın siyasi həyatında və demokratiyanın inkişafında vacib rol oynadığını ifadə edib, seçiciləri bu prosesdə fəal iştirak etməyə və bu seçkilərdə məhz YAP-ın namizədlərinə səs verməyə çağırıblar.
Görüşdə çıxış edən müəllim Mirmehdi İbişov, təqaüdçü Əmir Həsənov, qəsəbə ağsaqqalı Məhəmməd Abbasov, şəhid anası Mahirə Qənbərova və müəllim Vüqar Hacıyev ölkə rəhbərliyinin cəbhə bölgəsində məskunlaşmış məcburi köçkünlərə göstərdiyi diqqət və qayğını yüksək dəyərləndirib və buna görə minnətdarlıqlarını ölkə başçısına çatdırmağı deputatlığa namizəddən xahiş ediblər. Bahar Muradovanın millət vəkili kimi fəaliyyətindən razılıqlarını ifadə edən çıxışçılar bu dəfə də öz səslərini YAP-ın namizədinə verəcəklərini bildiriblər.
Seçicilər qarşısında çıxış edən Bahar Muradova parlament seçkilərində YAP-ın namizədi olduğundan və Milli Məclisdə məhz bu bölgəni təmsil etməsindən qürur duyduğunu bildirib. O, deyib ki, yalnız Heydər Əliyev dühasından doğan ideologiya Azərbaycanın xoşbəxtliyinin təminatı ola bilər və bu siyasətin alternativi mövcud deyil. Azərbaycan dinamik inkişaf yolundadır, onun demokratik, güclü sütunları mövcuddur. Ona görə də bizi yeni, daha yüksək hədəflərə çatdıracağına heç bir şübhə yoxdur.
* * *
Elə həmin gün 4 saylı Qayıdış qəsəbəsində Bahar Muradovanın daha bir görüşü olub. Toplantıya qatılan seçicilər YAP-ın deputatlığa namizədini coşqu ilə qarşılayıblar.
Görüşdə çıxış edən vəkillər 84 saylı Füzuli Seçki Dairəsindən deputatlığa namizəd haqqında danışaraq onun siyasi fəaliyyətini təqdir etdiklərini bildirib, Bahar Muradovanın həm qanunvericilik, həm də digər siyasi sahələrdə fəal mövqe nümayiş etdirdiyini söyləyib, seçiciləri növbəti 5 il müddətinə yenidən onun namizədliyini dəstəkləməyə çağırıblar.
Səmimi mühitdə keçən görüşdə sakinlər öz ürək sözlərini söyləyib, sosial problemlərin həlli və həmçinin rayon əhalisinə göstərilən diqqət və qayğıya görə Prezident İlham Əliyevə təşəkkürlərini ifadə ediblər. Tədbir iştirakçılarından Fazil Babayev, Burcalı Allahyarov, Qiyas Quliyev, Sevil Səfərova və Təbərrik Əsgərxanova öz çıxışlarında Bahar Muradovanın millət vəkili kimi onların etimadlarını hər səviyyədə layiqincə doğrultduğunu bildirib və buna görə də həmyerlilərini bu siyasi kampaniyada da ona səs verməyə dəvət ediblər.
Deputatlığa namizəd Bahar Muradova öz çıxışında Azərbaycan dövlətinin və dövlətçiliyinin keşiyində duran hər kəsə fəal vətəndaşlıq mövqeyinə görə təşəkkür edərək, bundan sonra da Heydər Əliyev ideologiyasına, Onun yorulmaz davamçısı Prezident İlham Əliyevin uğurla apardığı daxili və xarici siyasətə, YAP-ın prinsiplərinə sadiq qalaraq Azərbaycan dövlətinin və xalqının maraqlarını hər zaman hər şeydən üstün tutacağını bəyan edib.
Tədbirdən sonra Bahar Muradova seçiciləri qəbul edib və onların təkliflərini dinləyib.

Paylaş:

Baxılıb: 866 dəfə