Qaradağlıların seçimi YAP-ın namizədi Aydın Hüseynovdur

Bakı:

29 °C

53 %

7 m/s

Əlaqə

AZ RU EN

Ana səhifə / YAP xəbərləri / Qaradağlıların seçimi YAP-ın namizədi Aydın Hüseynovdur

Qaradağlıların seçimi YAP-ın namizədi Aydın Hüseynovdur

22.10.2015 [10:39]

YAP tərəfindən 11 saylı Qaradağ Seçki Dairəsi üzrə namizədliyi irəli sürülmüş Hüseynov Aydın Nəsir oğlunun seçicilərlə növbəti görüşü Qobustan qəsəbəsində keçirilib
Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən 11 saylı Qaradağ Seçki Dairəsi üzrə namizədliyi irəli sürülmüş Hüseynov Aydın Nəsir oğlunun təbliğat-təşviqat kampaniyası çərçivəsində seçicilərlə növbəti görüşü rayonun Qobustan qəsəbəsində keçirilib. Görüşdə çıxış edən təbliğat qrupunun üzvləri və namizədin vəkilləri əvvəlcə ölkəmizdə həyata keçirilən uğurlu siyasət və onun nəticələri barədə məlumat veriblər. Qeyd olunub ki, YAP 660 mindən artıq üzvü, ətrafında birləşdirdiyi ciddi intellektual potensialı və uğurlu fəaliyyəti ilə nəinki ölkəmizin, Cənubi Qafqaz regionunun ən güclü siyasi təşkilatıdır. Eyni zamanda, noyabrın 1-də keçiriləcək seçkilərdə də YAP-ın namizədi Aydın Hüseynovun qalib gələcəyinə şübhə yoxdur. Çünki həm xalqımızın YAP-a böyük dəstək və inamı, həm də partiyamızın namizədinə qaradağlıların hörmət və ehtiramı bu əminliyi daha da gücləndirir.
Tədbirdə çıxış edən 11 saylı Qaradağ Seçki Dairəsi üzrə Yeni Azərbaycan Partiyasının namizədi, partiyanın Siyasi Şurasının üzvü və Qaradağ rayon təşkilatının sədri Aydın Hüseynov əvvəlcə görüşə gələn seçicilərə minnətdarlıq edib. O, daha sonra Azərbaycanda Prezident İlham Əliyevin rəhbərliyi ilə həyata keçirilən iqtisadi siyasətin fonunda ölkəmizin qazandığı nailiyyətləri diqqətə çatdırıb. Onun sözlərinə görə, hazırda respublikamız Prezident İlham Əliyevin rəhbərliyi ilə həyata keçirilən məqsədyönlü siyasət sayəsində özünün dinamik inkişaf dövrünü yaşayır və iqtisadi potensialını ilbəil artırır. O daha sonra deyib ki, YAP yaradıldığı gündən yalnız bir məqsədə - Azərbaycan dövlətçiliyinin möhkəmlənməsinə, inkişafına, xalqımızın rifahına xidmət edib. Aydın Hüseynov həmçinin seçicilərin etimadını qazanıb Milli Məclisə seçiləcəyi təqdirdə əsas diqqət ayıracağı məsələlər və görəcəyi işlər barədə də məlumat verib.
Tədbirdə çıxış edən seçicilər - Qobustan qəsəbəsi Ağsaqqallar Şurasının sədri, Milli qəhraman Yusif Əliyevin atası Hacı Əliyusif Əliyev, Nizami Nəcəfov, Sədr Həsənov, Rəsul İbrahimov və digərləri noyabrın 1-də seçki məntəqələrinə gələrək məhz YAP-ın namizədi Aydın Hüseynova səs verəcəklərini bəyan ediblər.

Paylaş:

Baxılıb: 898 dəfə