YAP Qadınlar Şurasının nümayəndələri Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçiləri ziyarət ediblər

Bakı:

15°C

72%

4m/s

AZ RU EN

Ana səhifə / YAP xəbərləri / YAP Qadınlar Şurasının nümayəndələri Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçiləri ziyarət ediblər

YAP Qadınlar Şurasının nümayəndələri Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçiləri ziyarət ediblər

12.04.2016 [09:59]

Aprelin 9-da Yeni Azərbaycan Partiyası (YAP) Qadınlar Şurasının nümayəndələri Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçiləri ziyarət ediblər. YAP Qadınlar Şurasının üzvləri hərbçilərin vəziyyəti ilə maraqlanıblar. Bildirilib ki, Ermənistan hərbi birləşmələrinin təxribatının qarşısını alarkən yaralanmış hərbçilərin səhhəti diqqət mərkəzindədir və onların sağlamlığının tam bərpa olunması üçün lazımi tədbirlər görülür.
Yaralı hərbçilərlə görüş zamanı YAP Qadınlar Şurasının sədri, partiyanın İdarə Heyətinin üzvü Nurlana Əliyeva onlara Allahdan şəfa arzulayıb. Azərbaycan xalqının bu oğullarla qürur duyduğunu deyən N.Əliyeva düşmən hücumlarının qarşısının alınmasında ordumuzun göstərdiyi gücü xüsusi vurğulayıb. “Bu, onu göstərir ki, Azərbaycan Ordusu çox güclüdür və torpaqlarımızı işğaldan azad etməyə hər an hazırdır. İnanırıq ki, ölkə Prezidenti, Ali Baş Komandan İlham Əliyevin rəhbərliyi ilə torpaqlarımız tezliklə işğaldan azad ediləcək”, - deyən YAP Qadınlar Şurasının sədri belə qəhrəman oğullar böyütdükləri üçün onların valideynlərinə təşəkkür edib.
YAP Siyasi Şurasının üzvü, partiyanın Nəsimi rayon təşkilatının sədri, millət vəkili Məlahət İbrahimqızı bildirib ki, Prezident İlham Əliyev ölkəmizin bütün sahələr üzrə inkişafına xüsusi diqqət göstərir. Bu baxımdan, Silahlı Qüvvələrimizin potensialının daha da gücləndirilməsi yönündə əhəmiyyətli işlər görülür: “Əsgərlərimizdə yüksək vətənpərvərlik ruhunu görmək çox qürurvericidir. Azərbaycanın nəinki güclü ordusu, həm də hərbi sənayesi var. Biz ordumuzla fəxr edirik, yaralı əsgərlərimizə şəfa diləyirik”.
YAP Qadınlar Şurası İdarə Heyətinin üzvü Zərifə Quliyeva isə qeyd edib ki, yaralı əsgərlərimizin sağlamlıqlarına tam qovuşmaları üçün hospitalda lazımi tədbirlər görülür: “Biz bu hərbçilərimizlə, bütövlükdə ordumuzla qürur duyuruq. Hərbimizin gücünə, dövlətimizin gələcəyinə olan ümidlərin bünövrəsi Ümummilli liderimiz Heydər Əliyevin sayəsində möhkəmlənib. Dahi şəxsiyyətin dövlətçiliyimizin güclənməsi istiqamətində başladığı işlər Prezident İlham Əliyev tərəfindən uğurla davam etdirilir”.
N.BAYRAMLI

Paylaş:

Baxılıb: 866 dəfə