YAP gəncliyin inkişafı üçün uğurlu layihələr həyata keçirir

Bakı:

22 °C

70 %

11 m/s

Əlaqə

AZ RU EN

Ana səhifə / YAP xəbərləri / YAP gəncliyin inkişafı üçün uğurlu layihələr həyata keçirir

YAP gəncliyin inkişafı üçün uğurlu layihələr həyata keçirir

25.04.2016 [09:07]

Gülnar Cavadova: Yeni Azərbaycan Partiyasının təqaüdçüsü olmaq sevincimə sevinc qatıb
Azərbaycanın sürətli inkişafı, ölkəmizin bütün sahələrdə əldə etdiyi nailiyyətlər dövlət gənclər siyasətində də özünü bariz şəkildə göstərir. Prezident İlham Əliyevin Fərman və sərəncamları ilə bir sıra sahələr üzrə gənc kadrların məsul dövlət vəzifələrinə təyin olunması, dövlət quruculuğunda gənclərin iştirakına şərait yaradılması, gənc ailələrə kömək göstərilməsi, qaçqın və məcburi köçkün ailələrindən olan yeniyetmə və gənclərin sosial problemlərinin həlli, gənclərin hərbi vətənpərvərlik tərbiyəsi dövlət gənclər siyasətinin əsasını təşkil edir.
Eyni zamanda, bu gün ölkəmizin inkişafında özünəməxsus rolu olan Yeni Azərbaycan Partiyası (YAP) da gəncliyin inkişafına xüsusi diqqət yetirir. Qeyd etmək lazımdır ki, YAP gənclərlə bağlı bir sıra layihələrin də müəllifidir və bu layihələr vasitəsilə gənclərimizə diqqət göstərilir, fəal gənclərin üzə çıxarılıb onların potensialından səmərəli istifadə olunması yönündə addımlar atılır. Partiyamız sosial-mədəni həyatın əsas sahələrinin - elmin, təhsilin və mədəniyyətin inkişafının, gənc nəslin tərbiyəsinin ümumxalq və ümumdövlət işi səviyyəsinə qaldırılması istiqamətində həyata keçirilən dövlət siyasətinə yaxından dəstək göstərir. Bütün sadalanan prinsiplərə hər zaman sadiqliyini nümayiş etdirən Yeni Azərbaycan Partiyasının təşəbbüsü və təşkilatçılığı ilə məktəblilər arasında keçirilən və artıq ənənə halını almış “Heydər Əliyev məktəblilərin gözü ilə” ümumrespublika inşa müsabiqəsi xüsusi diqqət cəlb edir. Məlumat üçün bildirək ki, bu layihənin əsası 2007-ci ildə Yeni Azərbaycan Partiyası, Təhsil Nazirliyi və Azərbaycan Həmkarlar İttifaqları Konfederasiyası tərəfindən qoyulub. Heydər Əliyev Fondu da bu layihəyə qoşularaq gəncliyin inkişafına öz töhfələrini verməkdədir. Sözügedən müsabiqənin qalibləri Ulu öndərin doğum günü ərəfəsində keçirilən təntənəli mərasim zamanı mükafatlandırılırlar. Həmin mükafatlandırmadan başqa, əgər müsabiqənin qalibləri ali məktəblərə qəbul olub tələbə adını qazanarlarsa, onlara ali təhsillərini bitirənədək YAP tərəfindən təqaüd verilir. Artıq YAP-ın təqaüdünü alanların sayı 43 nəfərdir və onlardan ali məktəbləri başa vuranlar da var. Tələbə-gənclərə təqaüdlərin verilməsi bir daha Yeni Azərbaycan Partiyasının gənc nəslin inkişafına göstərdiyi qayğının təcəssümüdür. Bu təqaüdün sahibləri də YAP tərəfindən belə təşəbbüslərin həyata keçirilməsindən qürur duyduqlarını bildiriblər.
YAP-ın təqaüdçülərindən biri də Gülnar Şahin qızı Cavadovadır. 2014-cü ildə sahib olduğu tələbə bileti G.Cavadovaya nəinki onun ali məktəbə qəbul olunmaq arzusunu gerçəkləşdirmək, həm də Yeni Azərbaycan Partiyasının təsis etdiyi təqaüdü alması üçün bir vasitə olub. “Ümummilli liderimizin xatirəsinə həsr edilən müsabiqədə qaliblərdən biri olmağımla fəxr edirəm. Mən dahi şəxsiyyət haqqında düşündüklərimi, müstəqil fikirlərimi yazmışam. Yeni Azərbaycan Partiyasının, Heydər Əliyev ideyalarının daşıyıcısı olan bir təşkilatın təsis etdiyi təqaüdün sahibi olmaq şərəfli, qürurvericidir”, - deyə Gülnar bildirib.
1998-ci ilin fevral ayında Yevlax rayonunda dünyaya gələn və burada 4 saylı orta məktəbdə təhsil alan Gülnar 10-cu sinifdə oxuyarkən “Heydər Əliyev məktəblilərin gözü ilə” inşa-yazı müsabiqəsində iştirak edib və respublika 3-cüsü olub. “Mən 2014-cü ildə qəbul imtahanlarında uğur qazandım, Azərbaycan Texniki Universitetinin Elektronika, telekommunikasiya və radiotexnika mühəndisi fakültəsinə daxil oldum. Hazırda ikinci kursda təhsil alıram. YAP-ın təqaüdçüsü olmaq isə sevincimə sevinc qatıb”, - deyə YAP təqaüdçüsü vurğulayıb.
G.Cavadova hazırda Yeni Azərbaycan Partiyasına üzv olmağa da hazırlaşır. Bu ilin fevral ayında 18 yaşı tamam olan Gülnar artıq partiyaya üzv olmaq üçün müraciət də edib. O, yaxın vaxtlarda Ulu öndərimizin qurucusu olduğu partiyanın üzvü olmaq sevincini də yaşayacaq.
Nardar BAYRAMLI

Paylaş:

Baxılıb: 969 dəfə