Yeni Azərbaycan Partiyası dünənin, bu günün və gələcəyin partiyasıdır

Bakı:

24 °C

66 %

3 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası dünənin, bu günün və gələcəyin partiyasıdır

Yeni Azərbaycan Partiyası dünənin, bu günün və gələcəyin partiyasıdır

12.10.2017 [10:12]

Qaradağ rayonunda YAP-ın yaradılmasının 25-ci ildönümü münasibətilə bu mövzuya həsr olunmuş konfrans keçirilib
Qaradağ rayonunda Yeni Azərbaycan Partiyasının (YAP) yaradılmasının 25-ci ildönümü münasibətilə “Yeni Azərbaycan Partiyası dünənin, bu günün və gələcəyin partiyasıdır” mövzusunda konfrans keçirilib. YAP Qaradağ rayon təşkilatının təşkilatçılığı ilə Dəniz Nəqliyyatı Gəmiqayırma və Liman işləri üzrə Bakı Dövlət Peşə Mərkəzi ərazi ilk partiya təşkilatında keçirilən konfransda çıxış edən Dəniz Nəqliyyatı Gəmiqayırma və Liman işləri üzrə Bakı Dövlət Peşə Mərkəzinin direktoru Şakir Hüseynov YAP-ın yarandığı mürəkkəb şəraitdən, müstəqilliyimizin ilk illərində xalqımızın və dövlətimizin üzləşdiyi problemlərdən, Yeni Azərbaycan Partiyasının qurucusu, xalqımızın Ümummilli lideri Heydər Əliyevin Azərbaycanı bu ağır təlatümlərdən uğurla çıxarmasından danışıb. Natiq Azərbaycan siyasi palitrasının ən güclü və nüfuzlu siyasi təşkilatı olan Yeni Azərbaycan Partiyasının öz sıralarında cəmiyyətin bütün təbəqələrini təmsil edən insanları birləşdirdiyini, partiyamızın Azərbaycan xalqı və dövləti qarşısında müstəsna xidmətlərini qeyd edib.
Tədbirdə çıxış edən YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov əvvəlcə YAP-ın 25 illik yubileyi münasibətilə tədbir iştirakçılarını təbrik edib. Millət vəkili daha sonra YAP-ın ötən 25 ildə keçdiyi çətin və şərəfli yoldan danışıb. Aydın Hüseynov deyib ki, xalqa, vətənə, dövlətçiliyə xidmət edən Yeni Azərbaycan Partiyası Ümummilli lider Heydər Əliyev ideyalarına əsaslanaraq ölkəmizin ictimai-siyasi həyatında fəal iştirak edir, dövlətçiliyimizin möhkəmlənməsinə və dinamik inkişafa töhfələr verir. Onun sözlərinə görə, Yeni Azərbaycan Partiyası iqtidarda olduğu müddətdə Azərbaycanın siyasi və iqtisadi müstəqilliyi daha da möhkəmlənib, ölkəmizin beynəlxalq aləmdə mövqeyi güclənib. Millət vəkili Ulu öndər Heydər Əliyevin müəyyənləşdirdiyi siyasi kursa sadiq qalan ölkə başçısı cənab İlham Əliyevin rəhbərliyi ilə Azərbaycanın gələcəyə doğru inamla irəlilədiyini diqqətə çatdırıb: “Bu müddət ərzində Azərbaycanın siyasi və iqtisadi müstəqilliyi daha da möhkəmlənib, ölkəmizin beynəlxalq aləmdə mövqeyi güclənib. Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin həyata keçirdiyi siyasət ölkəmizə böyük nüfuz qazandırıb, Azərbaycan regionun lider dövlətinə çevrilib. Ölkəmizin iqtisadi cəhətdən qüdrətlənməsi əhalinin sosial şəraitinin yaxşılaşmasına səbəb olub”.
Daha sonra tədbirdə YAP Qaradağ rayon təşkilatının üzvü İmran Şıxəliyev, 253 saylı tam orta məktəbin direktoru Rafiq Şaxverdiyev, 319 saylı tam orta məktəbin tarix müəlliməsi Nuranə Vəliyeva, Dəniz Nəqliyyatı Gəmiqayırma və Liman işləri üzrə Bakı Dövlət Peşə Mərkəzinin müəlliməsi Məlahət Nağıyeva, Dəniz Nəqliyyatı Gəmiqayırma və Liman işləri üzrə Bakı Dövlət Peşə Mərkəzinin 3-cü kurs tələbəsi Xalidə Məmmədova və digərləri çıxış edərək Yeni Azərbaycan Partiyasının 25 illik fəaliyyəti dövründə xalqımızın taleyüklü poblemlərinin həllində müstəsna xidmətlərindən danışıb, Ulu öndərin müəyyənləşdirdiyi siyasi kursa sadiq qalan dövlət başçısı İlham Əliyevin rəhbərliyi ilə partiyanın gələcəyə doğru inamla irəlilədiyini diqqətə çatdırıblar.

Paylaş:

Baxılıb: 807 dəfə