YAP Suraxanı rayon təşkilatı bələdiyyə seçkilərinə 86 namizədlə gedir

Bakı:

23 °C

83 %

6 m/s

Əlaqə

AZ RU EN

Ana səhifə / YAP xəbərləri / YAP Suraxanı rayon təşkilatı bələdiyyə seçkilərinə 86 namizədlə gedir

YAP Suraxanı rayon təşkilatı bələdiyyə seçkilərinə 86 namizədlə gedir

23.10.2009 [09:27]

“Yeni Azərbaycan Partiyası (YAP) Suraxanı rayon təşkilatı 23 dekabr tarixində keçiriləcək bələdiyyə seçkilərinə hazırlıq işlərini yekunlaşdırmaq üzrədir”. Bunu YAP Suraxanı rayon təşkilatının sədri Vüqar Seyidov söyləyib. Onun sözlərinə görə, rayon təşkilatının qarşısında duran bütün vəzifələr yerinə yetirilməkdədir: “Budəfəki bələdiyyə seçkilərinə rayon təşkilatı 86 namizəd (Qaraçuxurdan 17, Hövsandan 15, Əmircandan 15, Yeni Suraxanıdan 13, Bülbülədən 13 və Zığ bələdiyyəsindən 13 nəfər) irəli sürüb. Artıq namizədlərin siyahısı dairə seçki komissiyasına göndərilib və imza toplanmasına start veriləcək. Düşünürəm ki, əvvəlki siyasi kampaniyalarda olduğu kimi, bu dəfə də YAP-ın namizədləri böyük üstünlük əldə edəcəklər. çünki, 1993-cü ildən xalq öz gələcəyini bu partiyaya etibar edib və inamını hər bir siyasi kampaniyada nümayiş etdirir”.
Müxalifətin seçki ilə bağlı müəyyən “tərpənişlərinə” toxunan rayon təşkilatının sədri bildirib ki, iş görmək naminə fəaliyyət göstərmək opponentlərə divident gətirməyəcək: “Dünyadakı proseslər sürətlə dəyişdikcə, cəmiyyətin yeni tələbatları gündəmə gəldikcə, gərək siyasi qüvvələr də fəaliyyətlərində novatorluq etsinlər. Bu novatorluq funksiyasını isə Azərbaycanda hər zaman Yeni Azərbaycan Partiyası həyata keçirib, bu gün bunu edir və gələcəkdə də edəcək. Amma alternativ layihə ortaya qoymağı bacarmayan, sadəcə, demaqogiya ilə məşğul olan müxalifət həmişə olduğu kimi bu dəfə də xalqın etimadından, dəstəyindən məhrum olacaq. Yeni Azərbaycan Partiyası isə, həmişə olduğu kimi, qələbə qazanacaq”.
YAP Suraxanı rayon təşkilatı Gənclər Birliyinin sədri Zəkiyyə Musayeva seçkilərin əhəmiyyətinə toxunaraq vurğulayıb ki, bələdiyyələr gənclərin idarəçilik sahəsində qabiliyyətini göstərmək üçün ideal müstəvidir: “Son zamanlar dövlətin dəstəyi sayəsində gənclərimiz cəmiyyətin ən aktiv üzvlərinə çevrilməkdədirlər. Onların bu fəallığı özünü siyasi kampaniyalarda da göstərir. Qeyd edim ki, ötən seçkilərdə gənclərimizin nümayiş etdirdiyi aktivlik xüsusilə seçildi. Əminəm ki, qarşıdan gələn bələdiyyə seçkilərində də biz Suraxanı rayon gəncləri yenidən fəallıq nümayiş etdirəcək və partiyamızın yüksək nəticələr əldə etməsinə kömək edəcəyik”.
Qadınların cəmiyyətimizdə xüsusi çəkiyə və fəallığa malik olduğunu söyləyən YAP Suraxanı rayon təşkilatı Qadınlar Şurasının sədri Tünzalə Əliyeva isə deyib ki, qadınların budəfəki bələdiyyə seçkilərində namizəd kimi iştirakı yüksək olacaq: “Qadınların cəmiyyətin aktiv üzvləri kimi idarəçilik işlərində irəli sürülməsi, ilk növbədə dövlətimizin gender balansına riayət etməsinə, eyni zamanda, biz qadınlara etimad göstərməsinə dəlalət edir. ümumiyyətlə, Azərbaycan qadını hər zaman ictimai-siyasi proseslərdə fəallıq nümayiş etdirib. Bu, özünü əvvəlki siyasi proseslərdə də göstərib. Heç şübhə etmirəm ki, budəfəki seçkilərdə də Suraxanı rayon qadınları aktivliyi bir qədər də artıraraq partiyamızın qələbəsinə öz töhfələrini verəcəklər”.
Ramil VƏLİBƏYOV

Paylaş:

Baxılıb: 1680 dəfə