YAP Nəsimi rayon təşkilatı konstitusiya günü ilə əlaqədar tədbir keçirib

Bakı:

12 °C

94 %

5 m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatı konstitusiya günü ilə əlaqədar tədbir keçirib

YAP Nəsimi rayon təşkilatı konstitusiya günü ilə əlaqədar tədbir keçirib

10.11.2009 [09:44]

Dünən Bakı Slavyan Universitetində (BSU) Yeni Azərbaycan Partiyası Nəsimi rayon təşkilatı və Demokratik İnkişaf İnstitutu İctimai Birliyinin birgə təşəbbüsü ilə Konstitusiya gününə həsr olunmuş tədbir keçirilib. YAP Nəsimi rayon təşkilatının sədri, Milli Məclisin deputatı Məlahət Həsənova bildirib ki, yaradıcısı Ulu öndərimiz Heydər Əliyev olan müstəqil Azərbaycan dövləti artıq 14 ildir ki, noyabrın 12-ni Konstitusiya günü kimi qeyd edir. Vurğulanıb ki, ümumilli liderimiz Heydər Əliyevin hər bir sahədə olduğu kimi hazırda dünyanın ən demokratik ölkələrinin Əsas Qanunları ilə eyni səviyyədə dayanan Konstitusiyamızın hazırlanmasında da əvəzsiz və müstəsna xidmətləri olub. Heydər Əliyevin sədrliyi ilə yaradılmış Konstitusiya Komissiyasının ilk iclasından başlayaraq 12 noyabr 1995-ci ildə keçirilmiş referendumadək milli liderimiz respublikamızın Əsas Qanununun hazırlanmasına, onun bütün maddələrinin geniş ictimaiyyət tərəfindən müzakirəsinə şəxsən rəhbərlik edib. Qeyd edilib ki, Konstitusiyamızın 23-cü maddəsi dövlət rəmzlərimizdən bəhs edir. Bu maddədinin II bəndi isə birbaşa Azərbaycan dövlətinin müqəddəs rəmzi sayılan üç rəngli bayrağımız haqqındadır. Hər bir vətəndaşımızın and yeri olan üç rəngli bayrağımız 91 il öncə noyabrın 9-da Azərbaycan Demokratik Respublikası (ADR) tərəfindən qəbul edilib. ADR-in qurucularının qaldırdığı bayrağın rəngləri türk milli mədəniyyətinin, müsəlman sivilizasiyasının və müasir Avropanın demokratik əsaslarının simvoludur. Məhz bu xüsusiyyətləri nəzərə alan Ulu öndər Heydər Əliyev hələ Naxçıvan MR Ali Məclisinin sədri olarkən bu bayrağın dövlət rəmzi kimi qəbul olunması barədə təşəbbüs irəli sürmüş və müvafiq qərarın qəbul edilməsinə nail olub.
Tədbirdə çıxış edən Konstitusiya Məhkəməsi sədrinin müavini Sona Salmanova bildirib ki, Ulu öndərin rəhbərliyi ilə hazırlanmış Konstitusiyamız təkcə dövrün tarixi və siyasi reallıqlarını deyil, bütövlükdə xalqın milli-mənəvi dəyərlərinin nəzərə alınması ilə qəbul edilib.
ümumilli liderimiz tərəfindən başlanmış bütün işlərin Prezident İlham Əliyev tərəfindən uğurla davam etdirildiyini vurğulayan S.Salmanova hüquqi islahatların da dövlətimizin başçısının rəhbərliyi ilə müvəffəqiyyətlə aparıldığını qeyd edib.
Tədbirdə çıxış edən Milli Məclisin deputatı Gültəkin Hacıyeva, Azərbaycan Dillər Universitetinin tələbə-gənclər təşkilatının sədri Şahin İsmayılov iştirakçıları bayram münasibətilə təbrik edib, Əsas Qanunumuzun insan haqlarının qorunması, hüquqi və demokratik dövlətin formalaşmasında əhəmiyyətindən danışıblar.
Tədbir BSU tələbələrinin hazırladığı bədii proqramla başa çatıb.

Paylaş:

Baxılıb: 1456 dəfə