Heydər Əliyev
yeni azerbaycan logo

Ana səhifə / YAP xəbərləri / YAP Binəqədi rayon təşkilatında “Qurtuluşdan tərəqqiyə” adlı tədbir keçirilib

YAP Binəqədi rayon təşkilatında “Qurtuluşdan tərəqqiyə” adlı tədbir keçirilib

14.06.2019 [09:33]

Yeni Azərbaycan Partiyası (YAP) Binəqədi rayon təşkilatının inzibati binasında 15 İyun - Milli Qurtuluş Günü və Heydər Əliyev dərslərinin yekunu ilə bağlı “Qurtuluşdan tərəqqiyə” adlı tədbir keçirilib. Binəqədi Rayon İcra Hakimiyyəti, YAP Binəqədi rayon təşkilatı, Bakı Şəhəri üzrə Təhsil İdarəsi və Binəqədi Rayon Gənclər və İdman İdarəsinin birgə təşkilatçılığı ilə keçirilən tədbirdən əvvəl iştirakçılar Ulu Öndər Heydər Əliyevin YAP Binəqədi rayon təşkilatının inzibati binası önündəki abidəsinin qarşısına gül dəstələri düzərək, Ümummilli Liderimizin əziz xatirəsini ehtiramla yad ediblər. Tədbirin rəsmi hissəsinə başlamazdan öncə Heydər Əliyev dərslərinin silsilə tədbirlərindən bəhs edən videoçarx nümayiş etdirilib.
Tədbiri giriş nitqi ilə açan YAP Binəqədi rayon təşkilatının sədri Ramiz Göyüşov Heydər Əliyev dərslərinin Ümummilli Lider Heydər Əliyevin zəngin irsinin araşdırılması, öyrənilməsi və gələcək nəsillərə çatdırılması məqsədilə keçirildiyini bildirib. R.Göyüşovun sözlərinə görə, Heydər Əliyev dərsləri artıq altıncı ildir ki, keçirilir: “Bu il dərslərin formatında bir qədər dəyişikliklər edilərək, mühazirələrə ictimai-siyasi xadimlər, eləcə də idarəetmədə təcrübəsi olan şəxslər cəlb ediliblər”.
Tədbirdə geniş məruzə ilə çıxış edən Bakı Şəhəri üzrə Təhsil İdarəsinin müdir müavini, filologiya üzrə elmlər doktoru, professor Hüseyn Əsgərov Ümummilli Lider Heydər Əliyevin həyat və fəaliyyəti barədə məlumat verib. Qeyd olunub ki, ölkəmizdə təhsilin inkişafı ilə bağlı mühüm qərarlar Ümummilli Liderin adı ilə bağlıdır. Ulu Öndərin təhsilə və yüksək təhsil görmüş ixtisaslı peşəkar kadrlara verdiyi qiymət Onun Azərbaycanın gələcəyi ilə bağlı konsepsiyasının tərkib hissəsi idi.
Tədbirdə çıxış edən Binəqədi rayonu 284 nömrəli tam orta ümumtəhsil məktəbinin direktoru Nizami Novruzov, Binəqədi rayonu 99 nömrəli tam orta ümumtəhsil məktəbinin tarix müəllimi, Heydər Əliyev dərslərinin məruzəçisi Ruslan Məhiyev Ulu Öndərin Azərbaycan dövləti və xalqı qarşısındakı misilsiz xidmətlərindən danışıblar.
Binəqədi rayonu 314 nömrəli tam orta ümumtəhsil məktəbinin 11-ci sinif şagirdi, Heydər Əliyev dərslərinin iştirakçısı Səbinə Nəsibli də çıxışında Ulu Öndərə həsr etdiyi esse yazısını təqdim edib.
Tədbirdə çıxış edən Binəqədi Rayon İcra Hakimiyyəti başçısının müavini Vüsar İsmayılov müstəqil və müasir Azərbaycanın qurucusu və memarı, dahi şəxsiyyət Heydər Əliyevin Azərbaycan dövləti və xalqı qarşısında misilsiz xidmətləri olduğunu bildirib. V.İsmayılov qeyd edib ki, Ulu Öndərin zəngin və çoxşaxəli irsi daim araşdırılmalı, öyrənilməli və gənclərə çatdırılmalıdır.
Sonda il ərzində Heydər Əliyev dərslərində iştirak edən ən fəal 32 şagird və bir məruzəçi müəllimin mükafatlandırılması mərasimi keçirilib.
Tədbir bədii hissə ilə yekunlaşıb.

Paylaş:
Baxılıb: 854 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

Siyasət

İqtisadiyyat

Siyasət

Analitik

79 ildən sonra...

14 Noyabr 10:19

Analitik

3 saatlıq görüş...

14 Noyabr 09:58

Analitik

Şatdaun sona çatdı...

14 Noyabr 09:31  

Ədəbiyyat

Maraqlı

Zəhərli şirinlik...

14 Noyabr 08:52  

MEDİA

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30