YAP Tərtər rayon təşkilatının geniş tərkibli Şura iclası keçirilib

Bakı:

13 °C

54 %

13 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatının geniş tərkibli Şura iclası keçirilib

YAP Tərtər rayon təşkilatının geniş tərkibli Şura iclası keçirilib

17.10.2019 [09:54]

Dünən Yeni Azərbaycan Partiyası (YAP) Tərtər rayon təşkilatının geniş tərkibli Şura iclası keçirilib. Ərazi ilk partiya təşkilat sədrlərinin, Qadınlar Şurası və Gənclər Birliyinin üzvlərinin də iştirak etdiyi iclası giriş sözü ilə açan rayon təşkilatının sədri Ramiz Şabanov oktyabrın 12-də YAP-ın İcra Katibliyində partiyanın rayon və şəhər təşkilat sədrlərinin iştirakı ilə keçirilən ümumrespublika müşavirəsi barədə məlumat verib.
Ramiz Şabanov deyib ki, həmin müşavirədə çıxış edən Baş Nazirin müavini, YAP Sədrinin müavini-İcra katibi Əli Əhmədov son illərdə ölkəmizdə partiyamızın Sədri, Prezident İlham Əliyevin rəhbərliyi ilə möhtəşəm uğurlara imza atıldığını, dövlətimizin beynəlxalq aləmdə nüfuzunun daha da artdığını, iqtisadiyyatımızın sürətli inkişafı nəticəsində ölkənin maliyyə imkanlarının yüksəldiyini bildirib və bütün bunların sayəsində yeni iş yerlərinin yaradılması, əhalinin, sosial qayğıya daha çox ehtiyacı olan əlillərin, şəhid ailələrinin, qaçqın və məcburi köçkünlərin problemlərinin həlli istiqamətində gərəkli addımlar atıldığını, əməkhaqlarının, təqaüdlərin artırılmasını təmin edəcək inqilabi sosial paketin reallaşdırıldığını müşavirə iştirakçılarının nəzərinə çatdırıb.
R.Şabanov əlavə edib ki, həmin müşavirədə partiyamızın Sədr müavini-İcra katibi Əli Əhmədov cari ilin dekabr ayında keçiriləcək bələdiyyə seçkilərinə ciddi hazırlıq işlərinin aparılmasında Yeni Azərbaycan Partiyasının və onun yerli strukturlarının görəcəyi işlər barədə konkret tapşırıqlar və tövsiyələr verib: “Odur ki, YAP Tərtər rayon təşkilatı və onun ərazi ilk partiya təşkilatları dekabrda keçiriləcək bələdiyyə seçkilərinin də demokratik, şəffaf və aşkarlıq şəraitində keçirilməsi, seçkilərdə YAP-ın namizədlərinin mütləq qələbəsinin təmin olunması üçün bütün təşkilati, təbliğat və təşviqat işlərini yüksək səviyyədə təşkil etməli, bələdiyyə üzvlüyünə namizədlikləri irəli sürüləcək şəxslər siyasi cəhətdən yetkin, yaşadıqları və fəaliyyət göstərdikləri ərazilərdə hörmət və nüfuz sahibi olanlar arasından seçilməlidirlər”.
Rayon təşkilatının sədri daha sonra bələdiyyə seçkiləri ilə əlaqədar görüləcək işlərlə bağlı müvafiq tapşırıqlar verib.
İclasda çıxış edən rayon təşkilatının Şura üzvü Kamil Məmmədov, rayon təşkilatı Gənclər Birliyinin sədri Tunarə Məmmədzadə, Şura üzvü Fitat Əliyeva, ərazi ilk partiya təşkilat sədrlərindən Pərviz Mustafayev, Vəli Əliyev və başqaları ölkəmizdə keçirilən bütün seçkilərdə Yeni Azərbaycan Partiyasının namizədlərinin xalq tərəfindən həmişə dəstəkləndiyini, builki bələdiyyə seçkilərində də partiyamızın mütləq qələbə qazanacağına əmin olduqlarını bildiriblər.

Paylaş:

Baxılıb: 690 dəfə