YAP Nərimanov rayon təşkilatında partiyanın yaranmasının 27-ci ildönümü münasibətilə tədbir keçirilib

Bakı:

13 °C

76 %

13 m/s

AZ RU EN

Ana səhifə / YAP xəbərləri / YAP Nərimanov rayon təşkilatında partiyanın yaranmasının 27-ci ildönümü münasibətilə tədbir keçirilib

YAP Nərimanov rayon təşkilatında partiyanın yaranmasının 27-ci ildönümü münasibətilə tədbir keçirilib

21.11.2019 [09:57]

Dünən Yeni Azərbaycan Partiyası (YAP) Nərimanov rayon təşkilatında Yeni Azərbaycan Partiyasının yaranmasının 27-ci ildönümü münasibətilə tədbir keçirilib.
Tədbiri giriş sözü ilə açan YAP Nərimanov rayon təşkilatının sədri Təmraz Tağıyev Yeni Azərbaycan Partiyasının yaranma tarixindən, həmin dövrdəki siyasi proseslərdən, AXC-”Müsavat” hakimiyyətinin xalqı məhvə sürükləyən naşı siyasətindən bəhs açıb. T.Tağıyev bildirib ki, müstəqilliyinə yeni qovuşmuş Azərbaycanın suverenliyini təhlükə qarşısında qoyan AXC-”Müsavat” hakimiyyətinin yürütdüyü yarıtmaz siyasət ölkədə vətəndaş qarşıdurmasına, hərc-mərcliyə yol açdı. Belə bir zamanda Azərbaycan xalqı dövlətimizin xilaskarı olan Ulu Öndər Heydər Əliyevə üz tutdu və Onu yenidən hakimiyyətə dəvət etdi. Bu, tarixi zərurət idi.
Çıxış edən Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu bildirib ki, YAP-ın yaranması Azərbaycanda yeni siyasi münasibətlərin, yeni siyasi sistemin yaradılmasını şərtləndirdi. Çünki o vaxta qədər ölkədə fəaliyyət göstərən müxtəlif siyasi qruplaşmalar siyasi mübarizəni faktiki olaraq çox primitiv səviyyədə aparmağa cəhd etmişdilər: “Məhz belə bir şəraitdə Yeni Azərbaycan Partiyasının Azərbaycan siyasi sisteminə daxil olması normal siyasi partiya və demokratik siyasi sistem haqqında təsəvvür formalaşdırmağa başladı. YAP lokomotiv siyasi güc olmaqla bərabər, sürətlə inkişaf etməyə başladı. Qısa müddətdən sonra hakimiyyətə gələn YAP ölkənin siyasi sisteminin formalaşmasında da güclü təsir göstərdi. Başqa sözlə, YAP Azərbaycanda normal, demokratik siyasi sistemin formalaşmasına şərait yaratdı”.
Millət vəkili vurğulayıb ki, YAP-ın ötən 27 ildə əldə etdiyi böyük nailiyyətlər fonunda tam qətiyyətlə deyə bilərik ki, müstəqil Azərbaycan dövləti ilə birgə addımlayan, dövlətimizin qazandığı uğurlarda böyük pay sahibi olan Yeni Azərbaycan Partiyası öz fəaliyyəti ilə Azərbaycan xalqının etimadını doğruldub.
Çıxış edən Nərimanov rayon İcra Hakimiyyəti başçısının birinci müavini Şahmar İbadov bildirib ki, Yeni Azərbaycan Partiyası bu gün Azərbaycan siyasi sisteminin sütunu olmaqla, həm də müstəqil Azərbaycan dövlətçiliyinin dayağıdır. Heç də təsadüfi deyil ki, Azərbaycan dövlətinin ötən 27 ildə qazandığı böyük nailiyyətlərdə YAP müstəsna rol oynayıb və bu gün də Prezident İlham Əliyevin Sədrliyi ilə hakim partiya olaraq eyni missiya ilə çıxış edir.
Daha sonra tədbirdə çıxış edən Nərimanov rayon Gənclər və İdman İdarəsinin rəisi Nəcəf Novruzov, YAP Nərimanov rayon təşkilatı Gənclər Birliyinin sədr müavini Günay İmanova və başqaları Yeni Azərbaycan Partiyasının ötən 27 il ərzində qazandığı uğurlardan bəhs açıblar. Natiqlər Yeni Azərbaycan Partiyasının Prezident İlham Əliyevin rəhbərliyi ilə bundan sonra da yüksək nailiyyətlərə imza atacağına inamlarını ifadə ediblər.
Sonda Yeni Azərbaycan Partiyasının üzvlüyünə yeni qəbul olan gənclərə partiya vəsiqələri təqdim olunub.

Paylaş:

Baxılıb: 685 dəfə