Deputatlığa namizəd Tahir Rzayevin Ağcabədidə seçicilərlə görüşləri davam edir

Bakı:

12 °C

47 %

6 m/s

Əlaqə

AZ RU EN

Ana səhifə / YAP xəbərləri / Deputatlığa namizəd Tahir Rzayevin Ağcabədidə seçicilərlə görüşləri davam edir

Deputatlığa namizəd Tahir Rzayevin Ağcabədidə seçicilərlə görüşləri davam edir

07.02.2020 [09:50]

Yeni Azərbaycan Partiyasının (YAP) 82 saylı Ağcabədi seçki dairəsi üzrə deputatlığa namizədi Rzayev Tahir Musa oğlunun təbliğat-təşviqat kampaniyası çərçivəsində seçicilərlə görüşləri davam edir. YAP Mərkəzi Seçki Qərargahının Ağcabədi rayon şöbəsindən verilən məlumata görə, ümumilikdə 82 saylı Ağcabədi seçki dairəsi üzrə 9 nəfərin namizədliyi qeydə alınıb. “Onlardan 3-nün namizədliyi müxtəlif partiyalar tərəfindən, 6-nın isə özü tərəfindən irəli sürülüb. Bu namizədlər içərisində seçicilərlə ən çox görüş keçirən isə partiyamızın namizədi Tahir Rzayev olub. Belə ki, bu günə kimi heç bir görüş keçirməyən, yaxud digər rəqibləri haqqında xoşagəlməz məlumatlar yayan bəzi namizədlərdən fərqli olaraq Tahir Rzayev nəzərdə tutulmuş açıq və qapalı yerlərdə seçicilərlə 40-dan artıq görüş keçirib, ümumilikdə 3000 nəfərdən artıq seçici ilə görüşüb”, - deyə məlumatda əlavə edilib.
Tahir Rzayevin kampaniya çərçivəsində növbəti görüşü isə Ağcabədi şəhər Mədəniyyət mərkəzində keçirilib. Görüşü giriş sözü ilə açan YAP Mərkəzi Seçki Qərargahının Ağcabədi rayon şöbəsinin üzvü Nazim Bünyatov ölkəmizin növbəti mühüm siyasi proses ərəfəsində olduğunu bildirib.
Sonra çıxış edən deputatlığa namizədin vəkili Ədalət Hüseynov Tahir Rzayevin tərcümeyi-halı və əmək fəaliyyəti barədə seçicilərə məlumat verib.
Görüşdə çıxış edən deputatlığa namizəd Tahir Rzayev öncə seçiciləri salamlayaraq, onunla görüşə gəldikləri üçün minnətdarlıq edib. Sonra Yeni Azərbaycan Partiyasının seçki proqramı ilə seçiciləri tanış edən namizəd növbəti 5 il üçün fəaliyyət proqramını açıqlayıb. O qeyd edib ki, əsası Ümummilli Lider Heydər Əliyev tərəfindən qoyulan və Prezident İlham Əliyevin rəhbərliyi ilə davam etdirilən siyasət nəticəsində ölkəmiz, o cümlədən regionlarımız inkişaf edib. Bildirilib ki, regionların sosial-iqtisadi inkişafına dair müvafiq Dövlət proqramlarının uğurla icra edilməsi nəticəsində Ağcabədidə də mühüm işlər görülüb.
Tahir Rzayev çıxışında, həmçinin Prezident İlham Əliyev tərəfindən həyata keçirilən islahatların və yürüdülən uğurlu siyasətin xalqın sosial rifahının daha da yüksəldilməsinə xidmət etdiyini vurğulayıb.
Görüşdə çıxış edən seçicilərdən Eldəniz Qənbərov, Nüşabə İbrahimova, Saragül Həsənova, Şirxan Hüseynov, İlqar Hüseynov və başqaları ağcabədili seçicilərin bu seçkilərdə də YAP-ın namizədinə səs verəcəklərini bəyan ediblər.

Paylaş:

Baxılıb: 660 dəfə