Yevlaxda Ümummilli Lider Heydər Əliyevin anadan olmasının 97-ci ildönümü münasibətilə videokonfrans formatında tədbir keçirilib

Bakı:

10 °C

87 %

6 m/s

AZ RU EN

Ana səhifə / YAP xəbərləri / Yevlaxda Ümummilli Lider Heydər Əliyevin anadan olmasının 97-ci ildönümü münasibətilə videokonfrans formatında tədbir keçirilib

Yevlaxda Ümummilli Lider Heydər Əliyevin anadan olmasının 97-ci ildönümü münasibətilə videokonfrans formatında tədbir keçirilib

10.05.2020 [20:45]

Ümummilli Lider Heydər Əliyevin anadan olmasının 97-ci ildönümü münasibətilə Yeni Azərbaycan Partiyası (YAP) Yevlax rayon təşkilatının təşəbbüsü ilə videokonfrans formatında tədbir keçirilib. Videokonfransı giriş sözü ilə açan YAP Yevlax rayon təşkilatının Aparat rəhbəri Rafiq Əliyev Ulu Öndər Heydər Əliyevin Azərbaycan xalqı və dövləti qarşısında misilsiz xidmətlərindən danışıb.
Çıxışında bu videokonfransa qatılanlar arasında rayon təşkilatının fəal gənclərinin çoxluq təşkil etdiyini deyən Rafiq Əliyev bildirib ki, Azərbaycanda dövlət gənclər siyasətinin əsası Ümummilli Liderimiz Heydər Əliyev tərəfindən qoyulub.

Sonra Ulu Öndər Heydər Əliyevin həyat və fəaliyyətini əks etdirən videoçarx nümayiş etdrilib.

Çıxış edən millət vəkili, YAP Yevlax rayon təşkilatının sədri İlham Məmmədov Ümummilli Lider Heydər Əliyevin Azərbaycana rəhbərlik etdiyi hər iki dövrdə görülən misilsiz işlərdən ətraflı bəhs edib. Ulu Öndərin 1969-cu ildə Azərbaycan Kommunist Partiyası Mərkəzi Komitəsinin birinci katibi seçiləndən sonra respublika üçün görülən işlər barədə geniş məlumat verən İlham Məmmədov, həmçinin 1990-cı illərin ictimai-siyasi hadisələrindən, 1993-cü ilin iyun hadisələri ərəfəsində respublikamızda yaranmış ağır vəziyyətdən, belə bir dövrdə xalqın təkidli tələbi ilə siyasi hakimiyyətə qayıdan Ümummilli Lider Heydər Əliyevin xilaskarlıq missiyasından danışıb. Millət vəkili deyib ki, Azərbaycanın az qala itirilməkdə olan müstəqilliyi Ulu Öndərin müdrik siyasəti nəticəsində qorunub saxlanılıb, ölkəni bürüyən özbaşınalıq və xaos aradan qaldırılıb, dağılmış iqtisadiyyat bərpa edilib, siyasi sabitliyə və iqtisadi inkişafa nail olunub.

Millət vəkili, həmçinin dahi rəhbərin ideyalarının Azərbaycan Prezidenti İlham Əliyev tərəfindən uğurla həyata keçirildiyini deyib.

Daha sonra çıxış edən DQİDK-nin Yevlax bölgəsi üzrə şöbənin əməkdaşı, YAP Yevlax rayon təşkilatının Gənclər Birliyinin üzvü Fərid Vaqifli, Yevlax rayon Gənclər və İdman idarəsinin əməkdaşı Etibar Məmmədov və başqaları Ulu Öndər Heydər Əliyevin ikinci dəfə siyasi hakimiyyətə qayıdışından sonra əsası qoyulan və bu gün uğurla davam etdirilən gənclər siyasətindən danışıblar. Qeyd olunub ki, müstəqil Azərbaycanın qurucusu, xalqımızın Ümummilli Lideri Heydər Əliyevin azərbaycançılıq məfkurəsini öyrənmək hər bir Azərbaycan vətəndaşının, xüsusən də gənclərin vətəndaşlıq borcudur.

Sonda gəncləri maraqlandıran suallar cavablandırılıb və videokonfrans öz işini müzakirələrlə davam etdirib.

Paylaş:

Baxılıb: 716 dəfə