Heydər Əliyev
yeni azerbaycan logo

Ana səhifə / YAP xəbərləri / Sahil Hüseynzadə: Gənclərimiz Ali Baş Komandanın hər bir əmrini yerinə yetirməyə hazırdır

Sahil Hüseynzadə: Gənclərimiz Ali Baş Komandanın hər bir əmrini yerinə yetirməyə hazırdır

14.07.2020 [08:33]

“İşğalçı Ermənistanın hakimiyyəti daxili problemlərdən diqqəti yayındırmaq üçün cəbhə xəttində növbəti dəfə təxribata əl atdı. Heç şübhəsiz ki, bu təxribatı həyata keçirənlərin əsas niyyəti beynəlxalq ictimaiyyəti yenidən çaşdırmaq idi. Vətənpərvər Azərbaycan Ordusu düşmənə layiqli cavab verərək, onu daha ağır itkilərə məruz qoydu. Mövcud vəziyyətdə xalqı qarşısında ağ bayraq qaldıran Ermənistan hakimiyyəti, tezliklə Azərbaycan Ordusu qarşısında da ağ bayraq qaldıracaq”.
Bu fikirləri Yeni Azərbaycan Partiyası (YAP) Biləsuvar rayon təşkilatı Gənclər Birliyinin sədr müavini Sahil Hüseynzadə deyib.
S.Hüseynzadə bildirib ki, hazırda ölkəmizin bütün bölgələrindən vətənpərvər gənclər orduya getmək üçün çoxsaylı müraciətlər edirlər. Gənclərimiz Ali Baş Komandanın hər bir əmrini yerinə yetirməyə hazırdır. Onun sözlərinə görə, Tovuz istiqamətində gedən döyüşlərdə şəhid olan əsgərlərimizin dəfn mərasimi Azərbaycan xalqının, xüsusən gənclərin aktiv iştirakı ilə yerinə yetirildi: “Mənim yaşadığım Biləsuvar rayonunun Aşağı Cürəli kəndi də bu döyüşlərdə şəhid verdi. Baş leytenant Rəşad Mahmudov vətənpərvər insanlarımızın çiyinlərində torpağa tapşırıldı. Şəhidlərimizin axan qanı torpağımızı müqəddəsləşdirməklə bərabər, bizlərə də böyük cəsarət və ruh yüksəkliyi verir. İnanırıq ki, Ali Baş Komandanımızın verəcəyi istənilən qərarın icrası bizlərin ən müqəddəs borcudur”.

Paylaş:
Baxılıb: 518 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30