Teymur Babazadə: Prezident İlham Əliyevin təşəbbüsünün beynəlxalq miqyasda dəstəklənməsi Azərbaycanın növbəti böyük uğurudur

Bakı:

10 °C

76 %

8 m/s

AZ RU EN

Ana səhifə / YAP xəbərləri / Teymur Babazadə: Prezident İlham Əliyevin təşəbbüsünün beynəlxalq miqyasda dəstəklənməsi Azərbaycanın növbəti böyük uğurudur

Teymur Babazadə: Prezident İlham Əliyevin təşəbbüsünün beynəlxalq miqyasda dəstəklənməsi Azərbaycanın növbəti böyük uğurudur

18.07.2020 [01:30]

“Azərbaycan koronavirusla mübarizə prosesində mühüm beynəlxalq təşəbbüslərlə çıxış edir. Prezident İlham Əliyev istər Türk Şurasının, istərsə də Qoşulmama Hərəkatının videokonfrans formatında keçirilən Zirvə görüşlərində bildirib ki, pandemiya beynəlxalq səciyyəli bir məsələdir və ona münasibət də beynəlxalq səviyyədə olmalıdır. Bütün ölkələr bu məsələdə həmrəylik nümayiş etdirməlidir. Cənab Prezidentin pandemiya ilə mübarizəyə həsr olunmuş BMT Baş Assambleyasının xüsusi sessiyasının keçirilməsi beynəlxalq birlik tərəfindən dəstəkləndi”.

Bu fikirləri Yeni Azərbaycan Partiyası (YAP) Lənkəran rayon təşkilatı Gənclər Birliyinin sədri Teymur Babazadə deyib.

T.Babazadə bildirib ki, bu hadisə Azərbaycanın dünya miqyasında böyük nüfuza sahib olduğunun bariz nümunəsidir. Onun sözlərinə görə, təşəbbüsün dəstəklənməsi həmçinin Prezident İlham Əliyevin dünyada şəxsi nüfuzunun və liderlik keyfiyyətinin göstəricisidir: “Azərbaycan Prezidentinin bu təşəbbüsü ölkəmizin koronavirusla mübarizə tarixində rolunu daha da yüksəldəcək. Ermənistanın isə bu məsələyə qeyri-insani münasibət göstərməsi, mühüm bir təşəbbüsə etiraz etməsi işğalçı ölkəni dünya ictimaiyyətinin gözündə aqressor, xoşməramlı istənilən təklifə qarşı çıxan, bədniyyətli ölkə kimi tanıdacaq, onları beynəlxalq miqyasda daha çətin vəziyyətə salacaq. İnfeksiyalar əvvəl-axır keçir, müharibələr başa çatır. Amma həmin dövrdə hansı dövlətin, xalqın, liderin hansı davranış sərgiləməsi tarixdə qalır. Azərbaycanın bu müstəvidə pozitiv davranışı da dünya tarixində qalacaq”.

T.Babazadə söyləyib ki, Azərbaycan Respublikası COVID-19-a qarşı mübarizədə qlobal həmrəylik nümunəsi kimi Ümumdünya Səhiyyə Təşkilatına könüllü iyanə ayırıb, 30-dan çox ölkəyə hümanitar yardım göstərib: “Bütün dünyanı bürüyən pandemiyanın davam etməsi bir daha göstərir ki, dünya ölkələrinin dövlət və hökumət başçıları səviyyəsində BMT Baş Assembleyasının xüsusi sessiyasi çərçivəsində bir araya gəlməsinə, COVID-19 bəlasından çıxış yollarının müzakirə edilməsinə və həlli yollarının tapılmasına böyük ehtiyac var. Azərbaycan Prezidenti cənab İlham Əliyev Qoşulmama Hərəkatının onlayn Zirvə Görüşündə çıxışı zamanı qlobal həmrəyliyin nümunəsi kimi pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində xüsusi sessiyanın keçirilməsi təklifi ilə çıxış etməsi, BMT-nin 130-a qədər üzv dövləti tərəfindən, BMT-nin Baş Katibi cənab Antonio Quterreş tərəfindən bu təşəbbüsün dəstəklənməsi, beynəlxalq ictimayyət tərəfindən ölkəmizə olan böyük etimadın, Azərbaycanın ildən-ilə artan beynəlxalq nüfuzunun göstəricisidir. Bu, eyni zamanda Azərbaycan Prezidenti cənab İlham Əliyevin beynəlxalq aləmdə əldə etdiyi növbəti böyük uğurudur. Şübhə yoxdur ki, BMT-nin xüsusi sessiyasının keçirilməsi pandemiya ilə mübarizədə mühüm rol oynayacaq”.

Paylaş:

Baxılıb: 581 dəfə