Məleykə Ağayeva: Xalq-iqtidar birliyi Azərbaycan dövlətinin ən böyük nailiyyətlərindən biridir

Bakı:

29 °C

48 %

4 m/s

AZ RU EN

Ana səhifə / YAP xəbərləri / Məleykə Ağayeva: Xalq-iqtidar birliyi Azərbaycan dövlətinin ən böyük nailiyyətlərindən biridir

Məleykə Ağayeva: Xalq-iqtidar birliyi Azərbaycan dövlətinin ən böyük nailiyyətlərindən biridir

15.08.2020 [00:41]

“Milli birlik, taleyüklü məqamlarda öz dövlətinin və Prezidentinin ətrafında güclü həmrəylik nümayiş etdirmək Azərbaycan xalqının ən yüksək keyfiyyətlərindən biridir. Biz Azərbaycan xalqının ümummilli məsələlərdə vahid mövqedən çıxış etməsinin hər zaman şahidi olmuşuq. Bu da son nəticədə dövlətimizin gücünü artıran mühüm strateji faktor qismində çıxış edir”.

Bu fikirləri Yeni Azərbaycan Partiyası (YAP) Sabirabad rayon təşkilatının sədri Məleykə Ağayeva deyib.

M.Ağayeva bildirib ki, xalqımızın sıx həmrəylik nümayiş etdirdiyi ümummilli məsələlərdən biri də Dağlıq Qarabağ problemidir. Onun sözlərinə görə, dövlət və cəmiyyət bəhs olunan problemin həllində vahid mövqedən çıxış edərək prinsipial yanaşma ortaya qoyur: “Torpaqlarımız işğalçılardan təmizlənməli, ərazi bütövlüyümüz təmin olunmalıdır. Azərbaycan Ordusunun Tovuz istiqamətində düşmən təxribatının qarşısını qətiyyətlə alması cəmiyyətdə yüksək əhval-ruhiyyə yaradıb. 2020-ci il iyulun 14-15-də Azərbaycan Ordusuna dəstək məqsədilə keçirilmiş aksiyalar cəmiyyətimizdə vətənpərvəlik ruhunun yüksək olduğunu bir daha nümayiş etdirdi. Aksiya iştirakçılarının vətənpərvərliyi, onların səfərbərlik elan olunması istəyi, ordu sıralarında qulluq etmək niyyəti sevindirici və qürurverici haldır. Müharibə şəraitində yaşadığımız indiki dövrdə orduya dəstək hər bir vətəndaşın borcudur və bu məqsədlə müxtəlif tədbirlər, aksiyalar keçirilə bilər. Prezident İlham Əliyev çıxışlarında dəfələrlə bildirib ki, bizim ordumuzun uğurlu əməliyyatı və əldə edilmiş nəticələr, hərbi qələbə, təbii olaraq Azərbaycan ictimaiyyətində ruh yüksəkliyi yaratdı, xalqımızı coşdurdu. Sözsüz ki, bu məsələdə bütün xalqımız həmrəydir. Xalqımızın bir arzusu var ki, bu da torpaqlarımızın işğaldan azad olunması, məcburi köçkünlərin öz yurdlarına qayıtmasıdır. Bu yolda vətəndaşlarımız döyüşə getməyə hazır olduğunu bildirirlər”.

M.Ağayevanın sözlərinə görə, sabirabadlılar da Prezidentimizi və ordumuzu dəstəklədiklərini qətiyyətlə bəyan ediblər: “Onlar torpaqlarımızın azadlığı uğrunda döyüşə getmək üçün müraciət edirlər. Ötən günlərdə Səfərbərlik və Hərbi Xidmətə çağırış üzrə Dövlət Xidmətinin Sabirabad rayon şöbəsinin qarşısında böyük canlanma var idi. Gənclərimiz Ali Baş Komandanımıza və Silahlı Qüvvələrimizə dəstək ifadə etmək üçün Azərbaycan Ordusunun sıralarına yazılırlar”.

Paylaş:

Baxılıb: 698 dəfə