Fərid Vaqifli: Hamımız həmrəy olmalı və Azərbaycanı sağlam gələcəyə birgə aparmalıyıq

Bakı:

9 °C

87 %

7 m/s

Əlaqə

AZ RU EN

Ana səhifə / YAP xəbərləri / Fərid Vaqifli: Hamımız həmrəy olmalı və Azərbaycanı sağlam gələcəyə birgə aparmalıyıq

Fərid Vaqifli: Hamımız həmrəy olmalı və Azərbaycanı sağlam gələcəyə birgə aparmalıyıq

01.09.2020 [09:00]

“2020-ci ilin əvvəlindən başlayaraq bütün dünyanı cənginə alan COVID-19 pandemiyası təəssüflər olsun ki, ölkəmizdən də yan keçmədi. Buna baxmayaraq, Azərbaycan dövləti Prezident İlham Əliyevin rəhbərliyi ilə vətəndaşların sağlamlığı və təhlükəsizliyini üstün tutaraq bir sıra təxirəsalınmaz və qabaqlayıcı addımlar atıb. Belə ki, ölkə rəhbərinin tapşırığı ilə Nazirlər Kabineti yanında Operativ Qərargah yaradılıb və ölkə ərazisində karantin rejimi elan edilib”.
Bu fikirləri Yeni Azərbaycan Partiyası (YAP) Yevlax rayon təşkilatı Gənclər Birliyinin sədr müavini Fərid Vaqifli deyib.
Onun sözlərinə görə, ölkədə xüsusi karantin rejiminin tətbiqi, vətəndaşların sağlamlığı və təhülkəsziliyi baxımından mühüm tədbirlərin görülməsi virusun daha geniş yayılmasının qarşısını alıb: “Prezident İlham Əliyevin müvafiq Sərəncamı ilə modul tipli xəstəxanalar tikilib. Ən müasir avadanlıqlarla təchiz edilmiş xəstəxanalar peşəkar həkim personalı ilə koronavirusla mübarizədə mühüm amildir. Bu istiqamətdə atılan mühüm addımlardan biri isə qısa müddət ərzində dezinfeksiyaedici vasitə, tibbi maska və tibb işçiləri üçün xüsusi geyim istehsal edən müəssisələrin fəaliyyətə başlamasıdır”.
F.Vaqifli deyib ki, aparılan uğurlu sosial-iqtisadi siyasət, vaxtında qəbul edilmiş düzgün qərarların hesabına digər ölkələrdən fərqli olaraq Azərbaycanda iqtisadi böhran baş verməyib: “Çünki dövlət tərəfindən də atılan bir sıra addımların mərkəzində vətəndaşımızın təhlükəsizliyini və sağlamlığını qorumaq, onların sosial müdafiəsinə dəstək göstərmək, sahibkarlara dəyən zərərin azaldılması üçün vergi, bank və digər sahələrdə bəzi imtiyaz və güzəştlərlə təmin etmək dayanır”.
“Vətəndaşlarımız da dövlətimizin qəbul etdiyi bu qərarlara hörmətlə yanaşmaqla, eyni zamanda özlərinin, yaxınlarının sağlamlığını və gələcəyini bu xəstəliyin ağır nəticələrindən qorumuş olurlar. Dövlət bizi qoruduğu kimi, biz də sosial məsafə saxlamaqla, qoruyucu vasitələrdən istifadə etməklə və şəxsi gigiyena qaydalarına riayət etməklə özümüzü qorumalıyıq. Əminliklə deyə bilərəm ki, bu qaydalara əməl etsək, bu çətin sınaqdan uğurla çıxacağıq. Tezliklə ölkəmizdə həyatın öz ənənəvi axarına düşməsi, təhsil müəssisələrində zəng səslərinin eşidilməsi üçün vətəndaş məsuliyyəti nümayiş etdirməliyik. Bunun üçün hamımız həmrəy olmalı və Azərbaycanı sağlam gələcəyə birgə aparmalıyıq”, - deyə F.Vaqifli qeyd edib.

Paylaş:

Baxılıb: 608 dəfə