YAP Göygöl rayon təşkilatı Qadınlar Şurasının videokonfrans formatında növbəti iclası keçirilib

Bakı:

13 °C

76 %

2 m/s

AZ RU EN

Ana səhifə / YAP xəbərləri / YAP Göygöl rayon təşkilatı Qadınlar Şurasının videokonfrans formatında növbəti iclası keçirilib

YAP Göygöl rayon təşkilatı Qadınlar Şurasının videokonfrans formatında növbəti iclası keçirilib

09.09.2020 [08:54]

Yeni Azərbaycan Partiyası (YAP) Göygöl rayon təşkilatı Qadınlar Şurasının videokonfrans formatında növbəti iclası keçirilib. Tədbiri giriş sözü ilə açan YAP Göygöl rayon təşkilatı Qadınlar Şurasının sədri Nuranə Quliyeva deyib ki, bu gün bütün dünya ölkələri kimi Azərbaycan da koronavirus pandemiyası ilə mübarizə aparır: “Ölkəmizdə yeni növ koronavirus (COVID-19) infeksiyasına qarşı aparılan mübarizə çərçivəsində həyata keçirilən sistemli tədbirlər, vətəndaşların mövcud qaydalara əməl etməsi nəticəsində müsbət nəticələr əldə olunub. Hazırda Azərbaycan yoluxma və ölüm hallarının sayının azalmasına, habelə virusa yoluxanların və sağalananların nisbətinə görə ən yaxşı nəticələrin müşahidə edildiyi ölkələr sırasındadır”.
Tədbirdə qonaq qismində iştirak edən Milli Məclisin deputatı Pərvin Kərimzadə isə deyib ki, koronavirusa qarşı mübarizə tədbirlərinə başlanıldığı ilk gündən Prezident İlham Əliyev ölkə vətəndaşların təhlükəsizliyi və sağlamlığının qorunmasını bir nömrəli vəzifə kimi qarşıya qoyub, bütün diqqəti bu məsələyə yönəldib: “Dövlət başçısının birbaşa göstərişi və imzaladığı sənədlər əsasında əhalinin sağlamlığının qorunması ilə bağlı tədbirlər görülüb, Nazirlər Kabineti yanında Operativ Qərargah fəaliyyətə başlayıb, karantin zonaları yaradılıb, müasir tibb müəssisələri ayrılıb, yeni xəstəxanalar inşa edilib, zəruri tibbi avadanlıqlar alınıb”.
P.Kərimzadənin sözlərinə görə, dövlət başçısı tərəfindən yaradılan Koronavirusla Mübarizəyə Dəstək Fonduna bütün təbəqələrdən olan vətəndaşların ianələr köçürməsi dövlət-xalq birliyinin daha bir bariz göstəricisi olub: “Eyni zamanda, Prezident İlham Əliyevin və Birinci vitse-prezident Mehriban xanım Əliyevanın virusun ölkəmizdə yayılmasının qarşısının alınmasına vaxtında həssas münasibət göstərmələri, ölkə vətəndaşlarına müraciətləri xalqın pandemiya ilə mübarizəyə səfərbəyliyi üçün böyük stimul olub”.
Tədbirdə çıxış edən Göygöl Rayon İcra Hakimiyyətinin İctimai-siyasi və humanitar məsələlər üzrə şöbə müdiri Kəmalə İbrahimova, Göygöl şəhər 4 nömrəlitam orta məktəbin direktoru Ayişə İsgəndərova və Yeni Qızılca kənd tam orta məktəbinin direktoru Ofeliya Rəhimova Prezident İlham Əliyevin rəhbərliyi ilə ölkəmizin daxili və xarici siyasətində əldə edilən uğurlardan və əhalinin sosial müdafiəsinin gücləndirilməsinə yönəlmiş tədbirlərdən, pandemiya dövründə islahatlar prosesinin genişləndirilməsindən, kiçik və orta sahibkarlara maliyyə yardımının edilməsindən və iş yerlərinin saxlanılması üçün dövlət dəstəyinin göstərilməsindən bəhs ediblər. O da vurğulanıb ki, ölkənin pandemiya ilə mübarizəyə qalxdığı vaxtda xarici havadarlarının arxasında gizlənən “beşinci kolon”un nümayəndələri, xaricdəki anti-Azərbaycan qüvvələrlə sinxron addımlar atan radikal müxalifət təmsilçiləri pozuculuq fəaliyyətləri ilə ölkəmizdə görülən tədbirlərə kölgə salmağa çalışırlar. Ancaq onların bu cəhdləri həmişəki kimi iflasa məhkumdur.

Paylaş:

Baxılıb: 588 dəfə