Sevda Abdullayeva: Təhsilə yüksək səviyyədə münasibət gələcəyimizə ən böyük qayğıdır

Bakı:

19 °C

52 %

1 m/s

Əlaqə

AZ RU EN

Ana səhifə / YAP xəbərləri / Sevda Abdullayeva: Təhsilə yüksək səviyyədə münasibət gələcəyimizə ən böyük qayğıdır

Sevda Abdullayeva: Təhsilə yüksək səviyyədə münasibət gələcəyimizə ən böyük qayğıdır

12.09.2020 [00:11]

“Azərbaycanda təhsilin inkişafı daim dövlətin xüsusi diqqət mərkəzindədir. Bugünlərdə Prezident İlham Əliyevin Bakı şəhərindəki 251 nömrəli orta məktəbə gedərək, orada aparılan əsaslı təmir işləri ilə tanış olması, məktəbin yeni korpusunun açılışında iştirak etməsi göstərir ki, təhsil və onun problemlərinin həlli dövlətimizin başçısı üçün prioritet istiqamətlərdən biri olaraq qalır”.

Bu fikirləri Yeni Azərbaycan Partiyası (YAP) Nizami rayon təşkilatı Qadınlar Şurasının sədri Sevda Abdullayeva deyib.

Sevda Abdullayeva bildirib ki, bu gün təhsilin bütün pillələrində - uşaq bağçalarında, məktəbdənkənar müəssisələrdə, orta məktəblərdə, kolleclərdə, peşə təhsilində, ali təhsil sahəsində, ali təhsildən sonrakı təhsil, əlavə təhsil sahəsində yeni layihələrin reallaşdırılması istiqamətində mühüm addımlar atılır. Təhsil sahəsində həyata keçirilən islahatlar - təhsildə infrastrukturun yenilənməsi, maddi-texniki bazanın möhkəmləndirilməsi, ümumtəhsil məktəblərinin kadr potensialının və tədrisin keyfiyyətinin yüksəldilməsi xüsusi qeyd edilməlidir.

Onun sözlərinə görə, təhsil infrastrukturunun yenilənməsi də daim dövlətin diqqət mərkəzindədir və bu istiqamətdə görülən məqsədyönlü işlər ardıcıl xarakter daşıyır. Təsadüfi deyil ki, son 17 il ərzində 3500-dən çox məktəb binası tikilib və ya əsaslı təmir olunub ki, bunun da nəticəsində 1 milyondan çox şagirdin təlim şəraiti əhəmiyyətli şəkildə yaxşılaşıb.

“Bu gün ölkəmizdə fəaliyyət göstərən məktəbəqədər, ümumi, peşə, orta ixtisas və ali təhsil müəssisələrinin geniş şəbəkəsi, güclü elmi-pedaqoji kadr potensialı mövcuddur. Təhsilin inkişafı ilə bağlı mühüm strategiya hazırlanıb, dövlət proqramları qəbul olunub. Elə son illərdə təhsilə ayrılan büdcə xərclərinə baxsaq, dövlətin təhsil sahəsinin inkişafında nə qədər maraqlı olduğunu görmək mümkündür. Həmçinin ölkəmizdə aparılan təhsil siyasətinin həyata keçməsində Heydər Əliyev Fondunun müstəsna fəaliyyəti var və bu fəaliyyət hazırda da uğurla davam edir. Fondun “Uşaq evləri və internat məktəblərinin inkişafı” Proqramı, “Yeniləşən Azərbaycana yeni məktəb”, “Təhsilə dəstək” layihələri ölkəmizdə təhsilin inkişafı istiqamətində görülən işlərə böyük töhfələr verib. Bütövlükdə, təhsilə yüksək səviyyədə münasibət isə gələcəyimizə ən böyük qayğıdır”, - deyə S.Abdullayeva vurğulayıb.

Paylaş:

Baxılıb: 560 dəfə