Heydər Əliyev
yeni azerbaycan logo

Ana səhifə / YAP xəbərləri / Mehriban Abasquliyeva: Vətən müharibəsində Azərbaycanın qələbəsi xalqımızın böyük zəfəri kimi tariximizə qızıl hərflərlə yazıldı

Mehriban Abasquliyeva: Vətən müharibəsində Azərbaycanın qələbəsi xalqımızın böyük zəfəri kimi tariximizə qızıl hərflərlə yazıldı

22.12.2020 [09:47]

“Vətən müharibəsində Azərbaycanın qələbəsi xalqımızın böyük zəfəri kimi tariximizə qızıl hərflərlə yazıldı. 8 noyabrın hər il Zəfər Günü kimi qeyd edilməsi isə bu möhtəşəm tarixi əbədiləşdirir”. Bu fikirləri qəzetimizə açıqlamasında Yeni Azərbaycan Partiyası (YAP) Sabunçu rayon təşkilatının sədri Mehriban Abasquliyeva deyib.
Mehriban Abasquliyeva bildirib ki, dekabrın 10-da Azadlıq meydanında keçirilən Zəfər paradı da qələbəmizin təntənəsini özündə əks etdirirdi. Müzəffər Ali Baş Komandan, Prezident İlham Əliyevin Zəfər paradındakı çıxışı Vətən müharibəsi dövrünün, rəşadətli Ordumuzun gücünün dərin təhlili kimi xarakterizə olunur. Rayon təşkilatının sədrinin sözlərinə görə, Zəfər paradı bütün dünyaya Azərbaycan-Türkiyə dostluğunun sarsılmaz və əbədi olduğunu bir daha sübut etdi. Türkiyə Prezidenti Rəcəb Tayyib Ərdoğanın Zəfər paradında iştirakı tarixi hadisədir.
M.Abasquliyeva qeyd edib ki, Azadlıq meydanında keçirilən Zəfər paradı həm də Ordumuzun qüdrətini, Ermənistanın necə rəzil günə düşdüyünü bir daha gözlər önünə sərdi. Azərbaycan Silahlı Qüvvələri quruda, suda və havada döyüş tapşırığını yerinə yetirmək, ölkəni istənilən hücumdan müdafiə etmək qüdrətinə malik olduğunu bir daha sübut etdi. Müzəffər Ordumuz Azadlıq meydanında qürurla addımladı. Azərbaycan əsgəri böyük ruh yüksəkliyi ilə bu paradda keçid etdi.
“Bu gün bütün dünya Azərbaycanın gücünü gördü. Tarixi Qələbəmizin zirvə nöqtəsini - Zəfər paradını reallaşdırmaqla biz həm də yeni dövrə qədəm qoyduğumuzu bir daha sübut etdik. Azərbaycan son dövrlərdə neçə-neçə regional təşkilatların yaradıcısı olub, böyük tədbirlərə ev sahibliyi edib. Artıq çoxdan sübut olunub ki, ölkəmiz Cənubi Qafqazın lideridir və Azərbaycan olmadan bu regionda heç bir inkişafdan söhbət gedə bilməz. Qələbə sevincini, bu tarixi günləri bizə yaşadan Müzəffər Ali Baş Komandana böyük minnətdarlıq hissimizi çatdırır, Vətən müharibəsi şəhidlərinin ruhu qarşısında baş əyir, qazilərimizə cansağlığı arzu edirik”, - deyə M.Abasquliyeva söyləyib.

Paylaş:
Baxılıb: 677 dəfə

Xəbər lenti

Hamısına bax

YAP xəbərləri

Gündəm

Gündəm

Gündəm

İqtisadiyyat

MEDİA

İqtisadiyyat

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31