Anar Məmmədov: Kommunikasiyaların bərpası region dövlətlərinin maraqlarına cavab verir

Bakı:

28 °C

39 %

5 m/s

Əlaqə

AZ RU EN

Ana səhifə / YAP xəbərləri / Anar Məmmədov: Kommunikasiyaların bərpası region dövlətlərinin maraqlarına cavab verir

Anar Məmmədov: Kommunikasiyaların bərpası region dövlətlərinin maraqlarına cavab verir

22.01.2021 [09:29]

“Ermənistan-Azərbaycan Dağlıq Qarabağ münaqişəsi artıq arxada qaldı. Təəssüflər olsun ki, 30 il müddətində erməni vandalları işğal etdikləri torpaqlarımızda yalnız dağıntılar törədib, tarixi, dini abidələrimizlə yanaşı, ekologiya və təbii sərvətlərimizə qarşı yırtıcı, ziyanverici mövqe tutublar”. Bu fikirləri qəzetimizə açıqlamasında Milli Məclisin deputatı Anar Məmmədov deyib.
Anar Məmmədov bildirib ki, Azərbaycan Prezidenti İlham Əliyev xalqımıza qarşı törədilən bu vəhşilikləri dünya ictimaiyyətinə çatdırmaqla yanaşı, qısa zaman ərzində bu bölgələrin dünyanın ən abad, müasir, inkişaf etmiş regionuna çevrilməsi barədə də mesajını verdi.
Millət vəkili onu da deyib ki, yanvarın 11-də Moskvada keçirilən üçtərəfli görüş Azərbaycanın maraqları çərçivəsindən kənara çıxmayıb: “Azərbaycan hərb meydanında olduğu kimi, diplomatik arenada da, müzakirələrdə də üstün mövqedədir və bu qalibiyyəti güzəştə getmək niyyəti yoxdur. Hər zaman xalqın və dövlətin maraqlarını Ümummilli Lider Heydər Əliyevin siyasi kursunun layiqli davamçısı kimi hər şeydən üstün tutaraq Azərbaycanı iqtisadi, siyasi cəhətdən dünyanın ən öndə gedən ölkələrindən birinə çevirməklə yanaşı, Ali Baş Komandan kimi xalqımıza Zəfər bəxş edən Prezident İlham Əliyev görüşdən sonra verdiyi bəyanatda imzalanmış sənədin məqsədinin bölgədə sülhün, iqtisadiyyatın inkişafına yönəldiyini qeyd etdi. Kommunikasiyaların bərpası Azərbaycan, Ermənistan, Rusiya və digər region dövlətlərinin maraqlarına cavab verir. Çünki 30 ildən sonra Azərbaycan Ermənistan ərazisindən keçən nəqliyyat kommunikasiyaları vasitəsilə Azərbaycan Respublikasının Naxçıvan Muxtar Respublikası ilə əlaqə imkanına, Ermənistan da Azərbaycan ərazisindən keçməklə Rusiyaya, İrana dəmir yolu çıxışı imkanına malik olacaq. Həmçinin Azərbaycan Naxçıvan Muxtar Respublikası ərazisindən keçməklə Türkiyə bazarına çıxış əldə edəcək, Türkiyənin və Rusiyanın dəmir yolu arteriyaları da birləşəcək. Kommunikasiya xətlərinin açılışı, ilk növbədə, Azərbaycanla yanaşı region ölkələrinin də iqtisadi inkişafına təsir edəcək. 11 yanvar tarixində imzalanan üçtərəfli bəyanat bölgədə təhlükəsizliyin möhkəmlənməsinə müsbət təsir etməklə yanaşı, Azərbaycanın siyasi müstəvidə uğurunun və düşmən üzərində qələbəsinin davamıdır”.

Paylaş:

Baxılıb: 801 dəfə