Heydər Əliyev
yeni azerbaycan logo

Ana səhifə / YAP xəbərləri / YAP Səbail rayon təşkilatının 2021-ci il üçün iş planı təsdiqlənib

YAP Səbail rayon təşkilatının 2021-ci il üçün iş planı təsdiqlənib

22.01.2021 [09:30]

Yeni Azərbaycan Partiyası (YAP) Səbail rayon təşkilatının Şura və İdarə Heyətinin onlayn formatda iclası keçirilib. İclasda rayon təşkilatının 2021-ci il üçün iş planı, eləcə də təşkilatın Qadınlar Şurası, Gənclər Birliyi və Nəzarət-Təftiş Komissiyasının illik fəaliyyət planları müzakirə edilib.
YAP Səbail rayon təşkilatının sədri, professor Şəmsəddin Hacıyev bildirib ki, Azərbaycan Respublikasının Prezidenti İlham Əliyev işğaldan azad olunan Şuşa şəhərinə səfər edərək Azərbaycan xalqının və dövlətimizin gücünü, qələbə əzmini, siyasi iradəsini, şanlı Qarabağ Zəfərimizi bir daha bütün dünyaya nümayiş etdirdi. O qeyd edib ki, 2020-ci il özünəməxsus tarixi əhəmiyyəti olan “Zəfər ili” kimi Azərbaycanın müstəqillik tarixinə, ictimai-siyasi həyatına qızıl hərflərlə əbədi həkk olunub, müzəffər Ali Baş Komandanımızın rəhbərliyi ilə qəhrəman Azərbaycan Ordusu döyüş meydanında əzəli düşmənimizin belini qırdı, işğalçı Ermənistanın ordusunu məhv etdi və hərbi qələbələr nəticəsində siyasi arenada da düşməni təslim olmağa vadar etdi: “Beləliklə, Azərbaycan xalqının 28 illik həsrətinə son qoyuldu, Azərbaycan torpaqları mənfur düşmənin işğalından azad olundu, ərazi bütövlüyümüz və dövlət sərhədlərimiz bərpa edildi. Ölkə başçısı İlham Əliyev informasiya müharibəsində də Azərbaycan həqiqətlərini cəsarətlə bəyan etdi. Hər bir azərbaycanlı Prezidentimizlə, Ordumuzla qürur duyur və şanlı, möhtəşəm Qarabağ Zəfərimizlə fərəhlənir”.
Dünyanı bürüyən COVID-19 pandemiyasının mənfi nəticələri istisna olmaqla, 2020-ci ilin ümumilikdə Azərbaycan üçün uğurlu il olduğunu diqqətə çatdıran Ş.Hacıyev qeyd edib ki, Səbail rayonundan olan şəhid ailələri və qazilər daim diqqət mərkəzində saxlanılır və bundan sonra da bu diqqət davam etdiriləcək.
Sonra rayon təşkilatının 2021-ci il üçün iş planı müzakirə olunub. Müzakirələrdən sonra YAP Səbail rayon təşkilatının 2021-ci il üçün iş planı yekdilliklə qəbul edilib.
Daha sonra YAP Səbail rayon təşkilatı Qadınlar Şurasının sədri Təranə Kərimova, təşkilatın Gənclər Birliyinin sədri Riyad Rüstəmli və Nəzarət-Təftiş Komissiyasının sədri Səbuhi Gülməmmədov 2021-ci il üçün təklif olunan fəaliyyət planları haqqında məlumat veriblər. Müzakirələrdən sonra illik fəaliyyət planları qəbul olunub.

Paylaş:
Baxılıb: 765 dəfə

Xəbər lenti

Hamısına bax

YAP xəbərləri

Gündəm

Gündəm

Gündəm

İqtisadiyyat

MEDİA

İqtisadiyyat

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31