Nizami rayonunda mini-futbol turnirinə start verilib

Bakı:

13 °C

76 %

8 m/s

Əlaqə

AZ RU EN

Ana səhifə / YAP xəbərləri / Nizami rayonunda mini-futbol turnirinə start verilib

Nizami rayonunda mini-futbol turnirinə start verilib

29.04.2010 [11:02]

Sədaqət Vəliyeva: Bu tipli tədbirlərin keçirilməsində əsas məqsəd ümummilli lider Heydər Əliyevin irsini, Onun zəngin dövlətçilik ideyalarını təbliğ etməkdir
Azərbaycan xalqının ümummilli lideri Heydər Əliyevin anadan olmasının 87-ci ildönümü ilə əlaqədar olaraq, respublika ərazisində bir çox növdə idman yarışları keçirilir. Bu işdə Yeni Azərbaycan Partiyasının (YAP) rayon və şəhər təşkilatları daha çox fəallıq nümayiş etdirərək, Ulu öndərimizin zəngin dövlətçilik ideyalarını, irsini təbliğ edir, gələcək nəsillərin vətəpərvər və sağlam, Vətənə sadiq ruhda yetişməsinə öz müsbət töfhələrini verirlər.
Belə rayon təşkilatlarından biri də dünən ümummilli lider Heydər Əliyevin anadan olmasının 87-ci ildönümü ilə bağlı mini-futbol turnirinə start verən YAP Nizami rayon təşkilatıdır.
Nizami rayon İcra Hakimiyyətinin və YAP Nizami rayon təşkilatının birgə təşkilatçılığı ilə keçirilən futbol turnirinin açılış mərasimində çıxış edən rayon təşkilatının sədri Sədaqət Vəliyeva yarışların keçirilməsi məqsədlərindən danışıb: “Bu tipli tədbirlərin keçirilməsində əsas məqsəd ümummilli lider Heydər Əliyevin irsini, Onun zəngin dövlətçilik ideyalarını təbliğ etməkdir. Ulu öndərin siyasi kursunu uğurla davam etdirən cənab Prezident İlham Əliyev xalqımızın gələcək davamçıları olacaq nəsillərin sağlam, vətənpərvər ruhda yetişməsinə böyük diqqət ayırır. Biz də bu addımla həm ümummilli lider Heydər Əliyevin irsini təbliğ edir və cənab Prezident İlham Əliyevin siyasi kursuna dəstək verməyə çalışırıq”.
Tədbirdə çıxış edən rayon İcra Hakimiyyətinin başçısının müavini Gülnaz İsrafilova Nizami rayonunda bir çox idman növləri üzrə yarışların keçirildiyini diqqətə çatdırıb: “Ulu öndər Heydər Əliyevin anadan olmasının 87-ci ildönümü ərəfəsində idman yarışlarının keçirilməsi xüsusi əhəmiyyət daşıyır. çünki, biz bununla həm ümummilli lider Heydər Əliyevin irsini təbliğ edirik, həm insanların mənalı istirahətini qurur, həm də gənclərimizin pis vərdişlərdən kənarlaşdırmaqla Vətənə sadiq ruhda yetişməsinə öz töfhəmizi veririk”.
YAP Siyasi Şurasının üzvü Misirxan Vəliyev ölkədə gedən abadlıq-quruculuq işlərindən söz açıb, Prezident İlham Əliyevin idman sahəsinə ayırdığı diqqət və qayğının nəticəsində dövlətimizin idman ölkəsi kimi tanınmasından danışıb.
Heydər Əliyev adına BNEZ-in direktoru Elman İsmayılov və Nizami rayon Gənclər və İdman İdarəsinin rəisi Qiyas Nəcəfov turnir iştirakçılarına uğurlar arzulayıblar.
Qeyd edək ki, 14 komandanın qatıldığı turnirin final oyunu mayın 4-də keçiriləcək.
Ramil VƏLİBƏYOV

Paylaş:

Baxılıb: 1350 dəfə