Yeni Azərbaycan Partiyası Tovuz rayon təşkilatının X hesabat konfransı keçirilib

Bakı:

19 °C

88 %

6 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Tovuz rayon təşkilatının X hesabat konfransı keçirilib

Yeni Azərbaycan Partiyası Tovuz rayon təşkilatının X hesabat konfransı keçirilib

11.08.2021 [09:22]

Avqustun 10-da Yeni Azərbaycan Partiyası (YAP) Tovuz rayon təşkilatının videoformatda X hesabat konfransı keçirilib.
Əvvəlcə müasir müstəqil Azərbaycan dövlətinin qurucusu, Yeni Azərbaycan Partiyasının yaradıcısı, Ulu Öndər Heydər Əliyevin və torpaqlarımızın azadlığı uğrunda şəhid olan Vətən oğullarının əziz xatirəsi bir dəqiqəlik sükutla yad edilib.
Konfransın gündəliyi təsdiqləndikdən sonra YAP Tovuz rayon təşkilatının sədri Məzahir Bayramov hesabat məruzəsi ilə çıxış edib. Məzahir Bayramov qeyd edib ki, konfransın Azərbaycanın Vətən müharibəsindəki tarixi Zəfərini və postmüharibə dövrünün reallıqları fonunda müstəqilliyimizin ən şərəfli tarixini yaşadığımız bir zamanda keçirilməsi hər birimizdə qürur hissi doğurur. Hesabat dövrü Azərbaycanın uğurlarında öz payı, rolu olan Yeni Azərbaycan Partiyası üçün çox əlamətdar hadisələrlə zəngin olub. Dövlətimizin inkişafına və möhkəmlənməsinə, Vətən müharibəsindəki tarixi Zəfərimizə töhfələr verən YAP VII qurultayından sonra yeni tarixi dövrə qədəm qoyub.
M.Bayramov bildirib ki, hesabat dövründə rayon təşkilatının sosial bazasının genişləndirilməsi üçün xeyli iş görülüb. Hesabat dövründə partiya sıralarına 788 nəfər yeni üzv qəbul olunaraq ümumi say 8000 nəfərə çatıb. Onların 4018 nəfəri qadınlar, 2881 nəfəri isə gənclərdir.
Sonra Yeni Azərbaycan Partiyası Tovuz rayon təşkilatının Nəzarət-Təftiş Qrupunun sədri Niyazi Tağıyevin hesabatı dinlənilib.
Müzakirələr zamanı çıxış edən Tovuz Rayon İcra Hakimiyyətinin başçısı Məmməd Məmmədov, Milli Məclisin deputatı Ülviyyə Ağayeva, YAP Tovuz rayon təşkilatı İdarə Heyətinin üzvü Fazil Məhərrəmov, təşkilatın Gənclər Birliyinin sədr müavini Vüqar Əhmədov, rayon təşkilatının İdarə Heyətinin üzvü, Şəhriyar küçəsi ərazi ilk partiya təşkilatının sədri Paşa Muradov hesabat dövründə görülən işlərdən bəhs ediblər.
Konfransda çıxış edən Yeni Azərbaycan Partiyasının Mərkəzi Aparatının Təşkilat şöbəsinin müdiri Əhliman Tağıyev bildirib ki, milyonların partiyası olduğunu uğurları ilə təsdiqləyən YAP-ın gələcəyinə inam böyükdür.
Ə.Tağıyev vurğulayıb ki, bu gün bütün Azərbaycan xalqı, Yeni Azərbaycan Partiyasının hər bir üzvü dövlətimizin başçısı, Ali Baş Komandan İlham Əliyevin qətiyyəti sayəsində Azərbaycan Ordusunun qazandığı Zəfərin sevincini yaşayır. Yeni Azərbaycan Partiyasının hər bir üzvü cənab İlham Əliyevin ətrafında sıx birləşərək, azad edilmiş torpaqlarda yeni həyatın bərpasına öz töhfələrini verməyə səy göstərir.
Partiyanın VII qurultayında qəbul olunan qərarların yeni çağırışlarla vəhdət təşkil etdiyini önə çəkən Ə.Tağıyev YAP Tovuz rayon təşkilatına gələcək fəaliyyətində uğurlar arzulayıb və tövsiyələrini çatdırıb.
Konfransda YAP Tovuz rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 809 dəfə