Yeni Azərbaycan Partiyası Lerik rayon təşkilatının X hesabat konfransı keçirilib

Bakı:

16 °C

72 %

6 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Lerik rayon təşkilatının X hesabat konfransı keçirilib

Yeni Azərbaycan Partiyası Lerik rayon təşkilatının X hesabat konfransı keçirilib

17.08.2021 [14:18]

Avqustun 16-da Yeni Azərbaycan Partiyası (YAP) Lerik rayon təşkilatının videoformatda X hesabat konfransı keçirilib.

Əvvəlcə müasir, müstəqil Azərbaycan dövlətinin qurucusu, Yeni Azərbaycan Partiyasının yaradıcısı, Ümummilli Lider Heydər Əliyevin və Azərbaycanın ərazi bütövlüyü uğrunda şəhid olan Vətən oğullarının əziz xatirəsi bir dəqiqəlik sükutla yad edilib.

Konfransın gündəliyi təsdiqləndikdən sonra YAP Lerik rayon təşkilatının sədri Cəlil Baxşıyev hesabat məruzəsi ilə çıxış edib. C.Baxşıyev qeyd edib ki, Ulu Öndər Heydər Əliyevin formalaşdırdığı təməl üzərində inşa edilən və dinamik inkişaf edən Azərbaycanda həyata keçirilən irimiqyaslı layihələr və Dövlət proqramları ölkəmizin tərəqqisinə xidmət edən uğurlu addımlardır. Son 18 ildə Yeni Azərbaycan Partiyasının Sədri, Prezident İlham Əliyevin uğurla həyata keçirdiyi siyasət nəticəsində Azərbaycanın ən yeni tarixi qızıl hərflərlə yazılır.

C.Baxşıyev qeyd edib ki, hazırda YAP Lerik rayon təşkilatı 52 ərazi ilk partiya təşkilatında 4197 üzvü birləşdirir. Hesabat dövründə partiya sıralarına 920 nəfər qəbul olunub ki, onlardan 372 nəfərini qadınlar, 518 nəfərini isə gənclər təşkil edir.

Sonra YAP Lerik rayon təşkilatının Nəzarət-Təftiş Qrupunun sədri Malik Mirzəyevin hesabat məruzəsi dinlənilib.

Müzakirələr zamanı Milli Məclisin deputatı İqbal Məmmədov, YAP Lerik rayon təşkilatı İdarə Heyətinin üzvü, əməkdar müəllim Gültəkin Şıxəliyeva, rayon təşkilatı İdarə Heyətinin üzvü, rayon Ağsaqqallar Şurasının sədri Elxan Qənbərov, rayon təşkilatının Şura üzvü Natiq İsaqov hesabat dövründə görülən işlərdən bəhs ediblər.

Konfransda YAP Mərkəzi Aparatının Təşkilat şöbəsinin müdiri Əhliman Tağıyev çıxış edərək bildirib ki, Yeni Azərbaycan Partiyasının xalq, dövlət qarşısındakı böyük xidmətləri bu nəhəng təşkilatın cəmiyyətdəki mövqelərini get-gedə daha da möhkəmləndirir, insanların bu partiyanın ideoloji-siyasi xəttinə dəstəyini gücləndirir.

Ə.Tağıyev vurğulayıb ki, bu gün Azərbaycan tarixinin ən güclü, ən qüdrətli dövrünü yaşayır. 44 günlük Vətən müharibəsindən alnıaçıq çıxan Azərbaycan dövləti böyük Zəfər günlərini qeyd edir. Azərbaycan bölgədə və dünyada yeni reallıqlar yaradıb. Vətən müharibəsindən qalib çıxan Azərbaycan 30 illik işğala son qoyaraq ərazi bütövlüyünü bərpa edib. Ölkəmiz özünün iqtisadi, siyasi çəkisinə görə fərqli bir dövlətdir. Yəni bütövlükdə, Azərbaycan fərqli bir reallıq yaradıb və bu yeni reallıqlara uyğun qarşımızda yeni çağırışlar, vəzifələr durur.

Ə.Tağıyev YAP Lerik rayon təşkilatına gələcək fəaliyyətində uğurlar arzulayıb.

Konfransda YAP Lerik rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 623 dəfə