YAP Sabirabad rayon təşkilatı Qadınlar Şurasının toplantısı keçirilib

Bakı:

25 °C

65 %

7 m/s

Əlaqə

AZ RU EN

Ana səhifə / YAP xəbərləri / YAP Sabirabad rayon təşkilatı Qadınlar Şurasının toplantısı keçirilib

YAP Sabirabad rayon təşkilatı Qadınlar Şurasının toplantısı keçirilib

07.10.2010 [09:10]

Dünən Yeni Azərbaycan Partiyası (YAP) Sabirabad rayon təşkilatının Qadınlar Şurasının iclası keçirilib. İclasda əsasən qarşıdan gələn parlament seçkiləri və bu istiqamətdə həyata keçirilən hazırlıq işləri, qadınların bu seçkilərdə fəallığının daha da artırılması haqqında müzakirələr aparılıb. YAP Sabirabad rayon təşkilatı Qadınlar Şurasının sədri Məleykə Həsənova bildirib ki, əsası Ulu öndər Heydər Əliyev tərəfindən qoyulan və bu gün Prezident İlham Əliyev tərəfindən uğurla inkişaf etdirilən siyasi kurs Azərbaycanın sürətli inkişafına ciddi əsaslar yaradıb və bu gün bu kursun uğurla icra olunması nəticəsində Azərbaycan dünyanın ən sürətlə inkişaf edən ölkələrindən biridir: “Hazırda ölkəmizdə bütün sahələri əhatə edən qlobal dəyişikliklər baş verib. Dövlətimizin artan iqtisadi qüdrəti bütün sahələrdə böyük islahatların aparılmasına imkan verir. O cümlədən, Azərbaycan qadınlarının da bütün problemləri öz həllini tapmaqdadır və bu məsələ ilə bağlı mütərəqqi siyasət həyata keçirilir”.
Cəmiyyətin aparıcı qüvvələrindən biri olan qadınların ictimai-siyasi həyatımızdakı rolundan bəhs açan M.Həsənova qeyd edib ki, Azərbaycan qadını hər zaman sabit və inkişaf edən dövlətçiliyi dəstəkləyib: “Yeni Azərbaycan Partiyasının üzvü olan hər bir Azərbaycan qadını, hər bir azərbaycanlı ana dövlətinin qüdrətlənməsi, vətəndaş cəmiyyətinin daha da güclənməsi istiqamətində öz üzərinə düşən məsuliyyəti dərk edir. çünki dövlətin kiçik forması olan ailədə birliyin yaranması məhz ananın üzərinə götürdüyü missiyadır. Mən ümidvaram ki, qarşıdan gələn parlament seçkilərində də Azərbaycan qadınları birmənalı olaraq ölkəmizin iqtisadi-sosial inkişafını əsas götürəcək və dövlətimizin güclənməsinə öz töhfələrini verəcəklər”.
Daha sonra çıxış edən partiya rayon təşkilatının sədri Nadir Quliyev də qadınların cəmiyyətdə tutduğu aparıcı mövqedən bəhs edib. Natiq bildirib ki, bu gün Azərbaycan qadını birmənalı şəkildə ölkəmizin inkişafını təmin edən siyasi kursu-Ulu öndər Heydər Əliyev siyasətini dəstəkləyir. Təmsil etdiyi partiyanın qadınlarımızın və gənclərimizin cəmiyyətdəki fəallığının artırılması yönündə tədbirlər həyata keçirdiyini söyləyən N.Quliyevin sözlərinə görə, bu məqsədlə, ötən ilin bələdiyyə seçkilərində və bu il keçiriləcək parlament seçkilərində qadınların da namizəd qismində iştirakını təmin edib. O, daha sonra qarşıdan gələn parlament seçkilərinə toxunub. Rayon təşkilatının sədri bildirib ki, bu seçki marafonunda qadınlar da üzərinə düşən məsuliyyəti nəzərə almalı və işlərinin öhdəsindən layiqincə gəlməlidirlər. Nadir Quliyev qarşıdan gələn parlament seçkiləri ilə bağlı bir sıra məsələlərə də toxunub.
AQŞİN

Paylaş:

Baxılıb: 1500 dəfə