Lənkəranlılar YAP-ın mütləq qələbəsinə əmindirlər

Bakı:

30 °C

51 %

11 m/s

Əlaqə

AZ RU EN

Ana səhifə / YAP xəbərləri / Lənkəranlılar YAP-ın mütləq qələbəsinə əmindirlər

Lənkəranlılar YAP-ın mütləq qələbəsinə əmindirlər

19.10.2010 [09:20]

YAP-ın 75 saylı Lənkəran-Masallı seçki dairəsi üzrə deputatlığa namizədi Cavanşir Paşazadənin seçicilərlə görüşü keçirilib
Dünən Yeni Azərbaycan Partiyası tərəfindən 75 saylı Lənkəran-Masallı seçki dairəsi üzrə deputatlığa namizədliyi irəli sürülmüş Cavanşir Paşazadə Lənkəran rayonunun Nərimanabad, Balıqçılar qəsəbəsinin, Liman şəhərinin və Boladi, Vilvan, Xarxatan kəndlərinin seçiciləri ilə görüş keçirib. Cavanşir Paşazadə seçicilər qarşısında geniş çıxış edib. Natiq YAP-ın siyasi nüfuzundan, partiyanın lideri, Prezident İlham Əliyevin həyata keçirdiyi iqtisadi inkişaf strategiyasından, sosial rifah siyasətinin uğurlarından ətraflı bəhs edib.
YAP-ın 75 saylı Lənkəran-Masallı seçki dairəsi üzrə deputatlığa namizədi C.Paşazadə ölkəmizdə genişmiqyaslı quruculuq işlərinin həyata keçirildiyini söyləyib. O bildirib ki, Prezident İlham Əliyevin rəhbərliyi ilə həyata keçirilən uğurlu daxili və xarici siyasət bütövlükdə Azərbaycan xalqı, ictimaiyyəti tərəfindən çox yüksək səviyyədə qiymətləndirilir. Artıq ölkəmiz iqtisadi inkişafın yeni keyfiyyət mərhələsinə daxil olub. Yeni mərhələnin əsas hədəfi, milli iqtisadiyyatın rəqabət qabiliyyətliliyinin yüksəldilməsinə və dünya təsərrüfat sisteminə səmərəli inteqrasiyasına nail olmaqla ölkədə dinamik sosial-iqtisadi inkişafın davamlılığını təmin etməkdən ibarətdir. Azərbaycan Respublikasının Prezidenti cənab İlham Əliyevin imzaladığı fərmanlarda, təsdiq etdiyi iqtisadi siyasət sənədlərində bu hədəfin reallaşması üçün yerinə yetirilməsi zəruri olan əsas vəzifələr müəyyənləşdirilib. Bunlara ölkənin malik olduğu iqtisadi potensialın gücləndirilməsi və bu potensialın kompleks şəkildə səmərəli reallaşdırılması, qeyri-neft sektorunun inkişaf etdirilməsi, hər bir regionun malik olduğu potensialdan tam və səmərəli istifadə olunması, regionların inkişafının tarazlaşdırılması, çoxlu sayda yeni iş yerlərinin açılmasına şərait yaradılması, sahibkarlığın inkişaf etdirilməsi, sosial xidmətlərin həcminin, keyfiyyətinin və ünvanlılığının əhəmiyyətli dərəcədə artırılması, yoxsulluğun azaldılması kimi vəzifələri aid etmək mümkündür. Bütün bunlar YAP-a olan inamı və etibarı möhkəmləndirir. Bu və digər faktorlar onu deməyə əsas verir ki, YAP noyabrın 7-də keçiriləcək seçkilərdə mütləq səsçoxluğu ilə qalib gələcək.
Lənkəranlılar YAP-ın namizədinə və onun mənsub olduğu partiyaya münasibətlərini bildiriblər və həqiqətən, Ulu öndər Heydər Əliyevin yaratdığı partiyanın ölkənin tarixində müstəsna rol oynadığını vurğulayıblar. Tədbirdə çıxış edən seçicilərdən İman Mikayılov, Elgiz Vəliyev, İntiqam Əsgərov, Xətail İbrahimov, Salman Dadaşov və digərləri ötən beş il ərzində Cavanşir Paşazadənin deputat kimi fəaliyyətindən razı qaldıqlarını bildiriblər. Seçicilər qeyd ediblər ki, C.Paşazadə ötən illər ərzində onların etimadını doğruldub, lənkəranlıların arzu və istəklərini parlament tribunasından ifadə edib. Ona görə də, Lənkəran seçiciləri yenidən Cavanşir Paşazadəni deputat görmək istəyirlər. YAP-ın irəli sürdüyü bütün namizədlər kimi C.Paşazadə də layiqli deputat olmağa qadirdir. Onlar bu istəklərini noyabrın 7-də seçki məntəqələrinə gedərək səsvermə zamanı bir daha təsdiq edəcəklər.
ELBRUS

Paylaş:

Baxılıb: 1515 dəfə