Yeni Azərbaycan Partiyası xalqın partiyasıdır

Bakı:

25 °C

65 %

11 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası xalqın partiyasıdır

Yeni Azərbaycan Partiyası xalqın partiyasıdır

22.10.2010 [11:48]

YAP-ın 124 saylı Şuşa-Ağdam-Xocalı-Xocavənd seçki dairəsindən millət vəkilliyinə namizədi Elman Məmmədov Sabunçu rayonu Ramana 450 qəsəbəsində məskunlaşmış Şuşa rayonundan olan qaçqın və məcburi köçkünlərlə görüşüb
Yeni Azərbaycan Partiyasının (YAP) parlament seçkilərində irəli sürdüyü namizədlərin təbliğat-təşviqat kampaniyası davam edir. Namizədlər və onların vəkilləri yerlərdə seçicilərlə görüşlər keçirirlər. YAP-ın 124 saylı Şuşa-Ağdam-Xocalı-Xocavənd seçki dairəsindən millət vəkilliyinə namizədi Elman Məmmədov dünən Sabunçu rayonu Ramana 450 qəsəbəsində məskunlaşmış Şuşa rayonundan olan qaçqın və məcburi köçkünlərlə görüşüb.
Görüşdə çıxış edən YAP Şuşa rayon təşkilatının sədri Təvəkkül Əliyev Yeni Azərbaycan Partiyasının Azərbaycanın inkişafındakı xidmətlərindən danışıb. O, eyni zamanda, qarşıdan gələn parlament seçkilərinin əhəmiyyətinə də toxunub: “Bildiyiniz kimi, ölkəmiz növbəti parlament seçkiləri ərəfəsindədir. 124 saylı Şuşa-Ağdam-Xocalı-Xocavənd seçki dairəsindən yenidən partiyamız tərəfindən etimad göstərilərək namizədliyi irəli sürülmüş Elman Məmmədov sizlərlə görüşə gəlib. Mən əminəm ki, sizlər onu çox yaxşı tanıyırsınız. çünki Elman Məmmədov hər zaman öz elinin, obasının içində olub, insanların problemlərinin həllinə çalışıb. Mən əminəm ki, Şuşa seçiciləri bu dəfə də Elman Məmmədova etimad göstərəcək, ona səs verəcək”.
çıxış edən YAP-ın 124 saylı Şuşa-Ağdam-Xocalı-Xocavənd seçki dairəsindən namizədi Elman Məmmədov bildirib ki, ötən illər ərzində Azərbaycanda sürətli inkişaf dinamikası müşahidə olunub və bunun nəticəsində də yeni nailiyyətlər əldə edilib: “Əsası Ulu öndərimiz Heydər Əliyev tərəfindən qoyulan bu siyasət Prezident İlham Əliyev tərəfindən uğurla davam etdirilir. Mənim millət vəkili kimi ən böyük işim yurd-yuvasından didərgin düşmüş həmyerlilərimin yanında olmağımdır. Bu gün Azərbaycanda qaçqın və məcburi köçkünlərin problemlərinin həlli ilə bağlı mühüm dövlət proqramları həyata keçirilir, işlər görülür. Mən də dövlətimizin həyata keçirdiyi siyasətin yerlərdə icra olunması istiqamətində üzərimə düşən vəzifənin öhdəsindən layiqincə gəlməyə çalışıram. İnanıram ki, şuşalı seçicilər bu seçkilərdə də öz layiqli namizədlərini seçəcəklər”.
Yeni Azərbaycan Partiyasının hər zaman dövlətçiliyimizin keşiyində dayandığını deyən Elman Məmmədov qarşıdan gələn parlament seçkilərində də partiyanın namizədlərinin uğuruna inandığını deyib: “Yeni Azərbaycan partiyası xalqın partiyasıdır. 520 mindən artıq üzvü olan bu təşkilatın sıralarında Azərbaycanın nüfuzlu ziyalıları, vətəndaşları təmsil olunur. Bu beş ildə çalışmışam ki, əlimdən gələni edim. Hətta, dairəmizin seçicisi olmayan qaçqın və məcburi köçkünləri də mənə müraciət edəndə onların problemlərinin həllinə çalışıram. İnanıram ki, şuşalı seçicilər bir nəfər kimi qarşıdan gələn seçki prosesində aktiv iştirak edəcəklər və öz namizədlərini dəstəkləyəcəklər”.
YAP-ın seçki proqramında qaçqın və məcburi köçkünlərin sosial müdafiəsi ilə bağlı geniş müddəaların olduğunu qeyd edən natiq bu təkliflərin gerçəkləşməsi, aparılan işlərin davam etdirilməsi üçün bütün seçiciləri YAP-ın namizədlərini dəstəkləməyə çağırıb: “Son beş ildə Milli Məclisdə öz yurd-yuvalarından qaçqın və məcburi köçkün düşmüş insanların sosial rifahının yüksəldilməsi ilə bağlı bir sıra müzakirələr aparılıb, qanun layihələri işlənib. Hörmətli seçicilərimiz YAP-ın namizədlərini dəstəkləyəcəyi təqdirdə bu işlər davam etdiriləcək”.
Ramil VƏLİBƏYOV

Paylaş:

Baxılıb: 1428 dəfə