Azərbaycan bir daha dünyaya nümayiş etdirdi ki, sülh istəyir

Bakı:

17 °C

72 %

4 m/s

Əlaqə

AZ RU EN

Ana səhifə / YAP xəbərləri / Azərbaycan bir daha dünyaya nümayiş etdirdi ki, sülh istəyir

Azərbaycan bir daha dünyaya nümayiş etdirdi ki, sülh istəyir

10.10.2022 [16:29]

Ramil Orucov,

YAP Gəncə şəhər təşkilatının sədri

Cənubi Qafqazın nəhəng enerji və nəqliyyat infrastrukturlarının müəllifi, regionun söz sahibi Azərbaycan daha bir ilkə imza atdı. Bakıda, işğaldan azad edilmiş Ağdam şəhərində 44 ölkədən 130-dan artıq nümayəndənin qatıldığı beynəlxalq şəhərsalma tədbirinə, "Azərbaycan Milli Şəhərsalma Forumu"na haqq, ədalət savaşından, 44 günlük Vətən müharibəsindən qalib çıxan ölkəmiz yüksək səviyyədə evsahibliyi etdi. İki gün davam edən mötəbər tədbirin məhz Ağdamda, erməni vandalizminin qurbanı olan şəhərdə keçirilməsi təsadüfən seçilməmişdi. Dünyanın 44 ölkəsindən gələn nümayəndələrin iştirak etdiyi bu beynəlxalq tədbir həm də rəmzi məna daşıyıb, dünyaya bir sıra vacib mesajlar ünvanlayıb. Beynəlxalq ictimaiyyət bir daha erməni vəhşiliyinin, barbarlığının, eyni zamanda 30 il düşmən tapdağı altında qalan Qarabağın qısa zaman ərzində sürətlə bərpa edilərək qurulduğunun şahidi olub.

Ağdamda "Dayanıqlı İnkişaf Məqsədləri" və "Yeni Şəhər Gündəliyi" - postmünaqişə dövründə bərpa və yenidənqurmanın aparıcı qüvvəsi kimi" mövzusunda keçirilən forumda çıxış edən Prezident cənab İlham Əliyev erməni vandallarının 30 il ərzində törətdikləri cinayətlərə xüsusi ilə toxunaraq bildirib:”Biz Azərbaycan Milli Şəhərsalma Forumunu burada - Ağdam şəhərinin bir zamanlar yerləşdiyi məkanda təşkil edirik. İndi görə bilərsiniz ki, bir zamanlar həyat dolu olan şəhərdən heç nə qalmayıb. O, dağıdılıb, işğal dövründə dağıdılıb. O, Birinci Qarabağ müharibəsi dövründə dağılmamışdı. O, sonradan, demək olar ki, 30 il ərzində daşları bir-bir sökülməklə dağıdılıb, bütün binalar viran qoyulub və sökülüb, daşlar oğurlanıb və satılıb”.

Azərbaycan həqiqətlərinin dünyaya çatdırılmasında müsbət rolu olan toplantıda erməni vandalizminə diqqət çəkildi, Azərbaycanın qətiyyətli mövqeyi bir daha bəyan edildi, işğaldan azad edilmiş Qarabağ və Şərqi Zəngəzur iqtisadi rayonlarında aparılan şəhərsalma, bərpa və quruculuq işləri dünya ictimaiyyətinin nəzərinə çatdırıldı. Heç bir beynəlxalq maliyyə qurumundan yardım almadan işğaldan azad edilmiş ərazilərin bərpası üçün ölkəmizdə prioritet istiqamət olan dayanıqlı şəhərsalma sahəsində əldə edilmiş nailiyyətlərin dünya ictimaiyyətinin diqqətinə çatdırılması beynəlxalq tədbirin diqqətçəkən məqamlarından oldu. Beynəlxalq tədbirdə xarici qonaqlar öz növbələrində ölkə Prezidentimiz cənab İlham Əliyevin Ağdamı yenidən bərpa etmək sadiqliyinə, hazırlanan layihələrə və ayrılmış ehtiyatlara heyran olduğunu da etiraf ediblər.

Azərbaycan-Ermənistanın delimitasiya komissiyalarının vaxt itirmədən hazırda mövcud olmayan sərhədlərin müəyyənləşdirilməsi istiqamətində aktiv işləyəcəyinə ümid etdiyini bildirən ölkəmizin Prezidenti cənab İlham Əliyev sülh prosesi ilə bağlı müəyyən nikbinliyimiz olduğunu da qeyd edib: “Biz ədavətə, qarşılıqlı nifrətə son qoymaq və yeni sülh səhifəsi açmaq istəyirik. Biz müvəffəq olacağıq ya yox, bunu görəcəyik. Əmin deyiləm, lakin ən azından biz bu istiqamətdə irəliləyirik”.

Azərbaycan bir daha dünyaya nümayiş etdirdi ki, Ermənistan tərəfindən 30 illik işğala, işğal dövründə törədilmiş dağıntılara, vəhşiliklərə baxmayaraq, yenə sülh istəyir və sülh müqaviləsinin imzalaması təklifi ilə çıxış edir.

Ölkəmizdə ilk dəfə məhz Ağdam şəhərində həyata keçən Milli Şəhərsalma Forumu həm də şəhərsalma sahəsində dünyanın müxtəlif ölkələrindən olan sahə mütəxəssislərinin təcrübələrinin bölüşülməsində uğurlu platforma olmaqla yanaşı beynəlxalq və çoxtərəfli əməkdaşlıq üçün yeni imkanlar yaratdı.

Paylaş:

Baxılıb: 499 dəfə