20 Yanvar faciəsinin 33-cü ildönümünə həsr olunmuş tədbir keçirilib

Bakı:

21 °C

78 %

4 m/s

Əlaqə

AZ RU EN

Ana səhifə / YAP xəbərləri / 20 Yanvar faciəsinin 33-cü ildönümünə həsr olunmuş tədbir keçirilib

20 Yanvar faciəsinin 33-cü ildönümünə həsr olunmuş tədbir keçirilib

19.01.2023 [17:26]

Mənzil İnşaatı Dövlət Agentliyi və YAP Nəsimi Rayon Təşkilatının 20 Yanvar faciəsinin 33-cü ildönümünə həsr olunmuş birgə tədbiri keçirilmişdir.

Məlumdur ki, bu il xalqımızın öz azadlığı və müstəqilliyi uğrunda mübarizəsinin şanlı səhifəsi olan 20 Yanvar faciəsinin 33 illiyi qeyd edilir.

Belə ki, 1990-cı ilin 20 yanvarında keçmiş SSRİ rəhbərliyinin tapşırığı və ermənipərəst Sovet Ordusu ölkəmizdə öz istiqlaliyyəti uğrunda mübarizə aparan mülki və dinc insanlara qarşı amansızcasına cinayət hadisəsi törətmişdir. Buna baxmayaraq əli silahsız, amma vətənpərvər soydaşlarımız Bakıya yeridilmiş qoşunun qarşısında çəkilməmişdir.

Bildiyimiz kimi, hər il xalqımız minnətdarlıqla bu qəhramanlıq tarixini yüksək səviyyədə qeyd edir, faciənin qurbanlarını hörmət və ehtiramla yad edir və faciəni törədənlərin beynəlxalq tribunalarda mühakimə olunaraq, cavab vermələrini tələb edirlər. Bu il Azərbaycan xalqının qan yaddaşına əbədi yazılan bu qəhramanlıq tarixinin 33-cü ildönümüdür və bu münasibətlə möhtərəm Prezidentimiz cənab İlham Əliyev tərəfindən Sərəncam imzalanmışdır. Bu Sərəncamdan irəli gələrək hazırda ölkəmizdə və onun hüdudlarından kənarda xalqımızın əzmkarlıqla apardığı azadlıq mücadiləsinin 33 illiyinə həsr olunmuş tədbirlər planı həyata keçirilir.

Yeni Azərbaycan Partiyası Nəsimi rayon təşkilatının və Azərbaycan Respublikasının Mənzil İnşaatı Dövlət Agentliyi birgə keçirdiyi bu görüşün məqsədi də çağdaş müstəqilliyimizin qazanılmasında qəhrəmanlıq tariximiz olan “20 Yanvar”-ın xüsusi rolunun və əhəmiyyətinin bir daha gənc nəsillərə çatdırılmasıdır.

Tədbirdə YAP Nəsimi rayon təşkilatının sədri Azər Süleymanov və YAP Nəsimi rayon təşkilatının Mənzil İnşaat Dövlət Agentliyi üzrə ərazi partiya təşkilatının sədr müavini, partiya fəalları və rayon ərazisində yaşayan 20 Yanvar şəhid ailələri və əlilləri iştirak edirdi.

YAP Nəsimi rayon təşkilatının sədri Azər Süleymanov tədbiri giriş nitqi ilə açaraq qeyd etdi ki, 20 Yanvar faciəsinin qurbanları daim dərin hörmət və ehtiramla yad edilir və Azərbaycan Respublikasının Prezidenti İlham Əliyev cənabları 20 Yanvar şəhidlərinin xatirəsinin əbədiləşdirilməsi, adlarının uca tutulması, o cümlədən onların ailələrinin sosial müdafiəsinin gücləndirilməsiməsələlərini daim diqqət mərkəzində saxlayır. Təsadüfi deyil ki, cənab Prezidentin son imzaladığı sosial islahatlar paketi çərçivəsində 20 yanvar şəhid ailələri müavinəti 20% və əlilliyi müəyyən edilmiş şəxslərin müavinətləri isə 15% artırıldı.

20 Yanvar Cəmiyyətinin Nəsimi rayon şöbəsinin sədri Tahir Fətullayev çıxışında dövlətimizin 20 Yanvar əlillərinə və şəhid ailələrinə göstərdiyi qayğıdan danışaraq bildirdi ki, bu istiqamətdə Nəsimi rayonunda böyük işlər görülür.

Rayon təşkilatının inzibati binasında keçirilən tədbirin sonunda təşkilatçılar tərəfindən onlara müvafiq yardım edildi

Paylaş:

Baxılıb: 619 dəfə