Ermənistanın növbəti diplomatik məğlubiyyəti

Bakı:

25 °C

65 %

11 m/s

Əlaqə

AZ RU EN

Ana səhifə / YAP xəbərləri / Ermənistanın növbəti diplomatik məğlubiyyəti

Ermənistanın növbəti diplomatik məğlubiyyəti

19.08.2023 [12:27]

Rəsmi İrəvan xasiyyətinə sadiqliyini nümayiş etdirərək iştirakçılara saxta məlumat verməklə Avropa İttifaqını və BMT Təhlükəsizlik Şurasını oyuncaq quruma çevirmək planı bu dəfə də uğursuzluqla nəticələndi.

Ermənistan nümayəndələrinin ölkəmizə qarşı səsləndirdiyi həqiqətdən kənar, qərəzli fikirləri iclas iştirakçıları tərəfindən yalnış məlumat kimi yadda qaldı.

Azərbaycana qarşı gülünc ittihamlarla dolu qarayaxma kampaniyası çərçivəsində çıxış edən Ermənistan nümayəndəsi ölkəmizi humanitar fəlakət yaratmaqda və bunun fonunda Xankəndidə guya ərzaq böhranına görə ölüm hallarının qeydə alınması kimi həqiqətə uyğun olmayan məlumatları ermənisayağı şəkildə xüsusi bir yazıqlıqla vurğuladı . Hər kəsə məlumdur ki, Ermənistanın nümayəndəsinin çıxışı tam böhtan və yalan üzərində qurulmuşdu. Belə ki, humanitar fəlakət təkcə Xankəndidə yaşayan ermənilər üçün xarakterik deyil, Ermənistanın bütün yaşayış yerlərində mövcuddur.
İşsizlik, əhalinin sosial durumunun acınacaqlı olması, ərzaq məhsullarının gündən-günə bahalaşması, inflyasiyanın artması fəlakət sayılmalıdır ki, bu da hazırki Ermənistanda hökm sürür.

Son vaxtların statistikası ondan xəbər verir ki, Ermənistanda hökm sürən bu ağır vəziyyətə dözüş gətirə bilməyən vətəndaşlar Ermənistanı kütləvi şəkildə tərk edir.

Xronologiyaya nəzər saldıqda ortada belə sual yaranır ki, bütün bunları yaranması səbəbi Azərbaycandır? Ermənistanın siyasi rəhbərliyi bütün uğursuzluqların səbəbini Azərbaycanda görür.

10 noyabr 2020-ci ildə imzalanmış məlum müqaviləyə əsasən bölgədə davamlı sülhün əldə olunması istiqamətində Ermənistanın siyasi rəhbərliyi tələb olunan şərtlərdən yayınaraq müqavilə şərtlərini pozmağa çalışır və bu da özünü açıq şəkildə göstərir. Bu baxımdan, BMT Təhlükəsizlik Şurasının 16 avqust 2023- cü il tarixində keçirilmiş növbədənkənar iclasında Ermənistanın sülh gündəliyinə sadiq olmaması müzakirələrdə daha qabarıq görünürdü.

Azərbaycanın diplomatik nümayəndəsi tərəfindən Ermənistanın boş və mənasız tələblərinə tutarlı və dəqiq arqumentlərin gətirilməsi ermənilərin “humanitar böhran”, “blokada” altında növbəti siyasi manipulyasiya cəhdini iflasa uğratdı.

BMT Təhlükəsizlik Şurasında ermənilərin dediyi kimi Laçın-Xankəndi yolunun "bağlanmasından" sonra guya Xankəndində yaranmış humanitar böhranın müzakirəsi növbəti dəfə Ermənistanın yalanlarını üzə çıxartdı və müzakirələr Azərbaycanın diplomatik qələbəsi ilə başa çatdı.
Bir sözlə, 44 günlük Vətən müharibəsində olduğu kimi, bu dəfə də diplomatik masada Azərbaycan haqlı tərəf olaraq qalib gəldi.

YAP Tərtər rayon təşkilatının sədri Eldar Əsədov

Paylaş:

Baxılıb: 674 dəfə