Vaşinqton separatizmə rəvac verir: məkrli siyasətin gerçək mahiyyəti

Bakı:

27 °C

78 %

0 m/s

Əlaqə

AZ RU EN

Ana səhifə / YAP xəbərləri / Vaşinqton separatizmə rəvac verir: məkrli siyasətin gerçək mahiyyəti

Vaşinqton separatizmə rəvac verir: məkrli siyasətin gerçək mahiyyəti

16.09.2023 [22:31]

Natiq Quluzadə

YAP Zəngilan rayon təşkilatının sədri

ABŞ öz riyakar sifətini bir daha göstərdi. İkili standartlarla münasibətlər quran, üzdə demokratiyadan, haqq-ədalətdən dəm vuran ABŞ-nin bu riyakarlığı zatən hamıya bəlli bir məsələdir. Lakin bəzən insan haqları, ədalət mövzusunda gur-gur guruldayan Amerika Birləşmiş Ştatları özünə sərf etməyəndə susur və qeyd edilən dəyərlər arxa plana keçir.

ABŞ harada olursa, orada çiçəklənən, rifah halının yaxşılaşmasını göstərən bir nəsnə olduğuna kimsə nümunə gətirə bilməz. Elə gözlərimiz önündə, Misirdə, Liviyada, Tunisdə, İraqda, Əfqanıstanda baş verənlərə nəzər salmaq kifayətdir. ABŞ-nin yağlı vədləri ilə inqilaba qoşulan xalqların indi hansı gündə olduğunu hamı yaxşı bilir.
Zaman-zaman Azərbaycanda radikal müxalifəti şirnikləndirib hakimiyyətə gətirəcəyi vədi ilə xaos yaratmağa cəhd göstərən "Sem dayı" indi də başqa yola əl atıb. Qardaş Türkiyəni bir neçə il bundan əvvəl məhvə sürükləmək planı baş tutmadıqdan sonra bölgədə indi də ermənilərə dəstək verib yeni qan ocaqları yaratmağa çalışan da ABŞ-dir.

Onun-bunun əlində yüz illərdir oyuncağa çevrilən ermənilər də Yaxın Şərq ölkələrinin gününə düşməyə namizəddir. Onlar hələ də başa düşmürlər ki, ABŞ Ermənistanı ikinci Ukrayanaya çevirib pul qazanmaq üçün yeni imkanlar axtarışındadır.

Azərbaycan ABŞ-nin necə “ədalət mücəssəməsi” olduğunu hələ 1992-ci ildən bilir və unutmamışıq. Təcavüzə məruz qalan biz olsaq da, "təcavüzkar" adı ilə 907-ci düzəliş Azərbaycana qarşı tətbiq olunanda bilindi ki, ABŞ Cənubi Qafqazda xristian missionerliyindən başqa bir işlə məşğul deyildir.

İndi də suveren hüququmuz olan sərhəd-keçid məntəqələri haqqında mənasız tələblər irəli sürən ABŞ senator və konqresmenləri bilməlidir ki, Azərbaycan öz ərazisinə daxil olan yüklərin nədən ibarət olduğunu, kimin gəlib-getdiyini bilmək haqqına sahibdir. Tək bircə bu fakt sübut edir ki, ABŞ-nin ikili standartlarının maskalanmış sifəti aydınlaşmış olsun.

Sözdə separatizmin əleyhinə olan ermənipərəst dairələr Qarabağdakı bir ovuc erməninin “seçki” keçirməsinə münasibətini elə ifadə etdi ki, etməsə daha yaxşı olardı. Candərdi, şifahi şəkildə guya bu seçkini tanımadığını ən kiçik məmurun dili ilə səsləndirib ardınca tələblər irəli sürməyin heç bir əhəmiyyəti yoxdur.

Sonda bildirməliyik ki, qeyd edilənlər inkarolunmaz faktlardır. Azərbaycan xalqı 44 günlük Vətən müharibəsində öz sözünü demiş xalq olaraq nə milli dəyərlərinə, nə də əbədi və əzəli torpaqlarına kimsənin sahiblənməsinə imkan verməyəcəkdir!

Paylaş:

Baxılıb: 655 dəfə