Zəfərə gedən yol

Bakı:

25 °C

65 %

11 m/s

Əlaqə

AZ RU EN

Ana səhifə / YAP xəbərləri / Zəfərə gedən yol

Zəfərə gedən yol

13.10.2023 [16:20]

Bu gün Yeni Azərbaycan Partiyası Beyləqan rayon təşkilatı Ölkə Prezidenti, Yeni Azərbaycan Partiyasının sədri cənab İlham Əliyevin Prezidentlik dövrünün 20 illik siyasi fəaliyyətinə baxış və Zəfərə gedən yol mövzusunda konfrans keçirdi

Konfrans başlamazdan əvvəl tədbir iştirakçıları Ulu Öndər Heydər Əliyevin abidəsi önünə gül dəstələri düzərək dahi şəxsiyyətin xatirəsini ehtiramla yad etdilər.

Konfrans rayon təşkilatının Ərazi Partiya Təşkilat sədrləri ilə birlikdə YAP Beyləqan rayon təşkilatının inzibati binasında davam etdirildi.

Konfransı giriş sözü ilə açan YAP Beyləqan rayon təşkilatının sədri Müşfiq Səfərov konfransın gündəliyinə uyğun olaraq geniş məruzə ilə çıxış etdi. O, bildirdi ki, Prezident İlham Əliyevin xalqın mütləq əksəriyyətinin səsini qazanmaqla müstəqil Azərbaycan dövlətinin başçısı seçildiyi 2003-cü ilin 15 oktyabr tarixindən 20 il ötür. 2003-2023-cü illər Azərbaycan dövlətinin inkişafa başlayıb, zəfərlə bitən ən şərəfli dövrüdür.

Cənab İlham Əliyev 2003-cü ilin 15 oktyabr tarixində xalqın səsinin mütləq əksəriyyətini qazanaraq keçirilmiş seçkilərdə yüksək səs çoxluğu ilə Azərbaycan Respublikasının Prezidenti seçildi. Həmin tarixdən etibarən, Azərbaycan xalqı öz səsini Ümummilli Lider Heydər Əliyev siyasətinin davam etdirilməsinə, ölkədə sülhün və sabitliyin qorunmasına vermişdir. Dövlət başçısı ölkəmizin beynəlxalq əlaqələrini genişləndirməklə, beynəlxalq arenadakı nüfuzunu artırmaqla onu həm də regionda və dünyada müstəqil xarici siyasət yürüdən ölkə, etibarlı tərəfdaş kimi tanıdıb. Prezident İlham Əliyevin uzaqgörən daxili və xarici siyasətinin məqsədi müstəqil Azərbaycan dövlətinin hərtərəfli inkişafı, xalqımızın firavan həyatı, ölkənin 30 ilə yaxındır ki, pozulmuş ərazi bütövlüyünün bərpası idi. Bu istiqamətdə atılan hər bir addım Azərbaycanı Qarabağın azadlığına yaxınlaşdırırdı. Şübhəsiz ki, bütün istiqamətlərdə qazanılan uğurların, əldə edilən nailiyyətlərin bir hədəfi var idi: - işğal altında olan torpaqlarımız düşməndən azad edilsin və Azərbaycanın bütün sərhədləri boyunca üçrəngli bayrağımız dalğalansın! 27 sentyabr 2020-ci il tarixdə başlanan 44 günlük Vətən müharibəsi dövründə, eləcə də, 19-20 sentyabr 2023 - cü il tarixdə başlanan lokal antiterror əməliyyatı bir daha sübut etdi ki, Azərbaycanın bütün siyasi təzyiq və təhdidlərə sinə gəlməsi, dövlət başçısının beynəlxaq arenada qətiyyətli siyasət yürütməsinin nəticəsidir. Qazanılan Qələbə uzun illər ərzində davam edən hazırlıq işlərinin, habelə, dövlətin qüdrətinin artırılması istiqamətində atılan addımların nəticəsidir. Beləliklə, dövlət başçısı tərəfindən yürüdülən praqmatik siyasət, rəşadətli Azərbaycan ordusunun gücü və xalqın dəstəyi vəhdət təşkil edərək tarixi ədaləti bərpa etdi.

Digər çıxış edənlər İcra Hakimiyyəti Ərazi Partiya Təşkilatının sədri Yeganə Məmmədova, Şəhər 1 saylı Ərazi Partiya Təşkilatının sədri Mehman Əliyev və Araz qəsəbə Ərazi Partiya Təşkilatının sədri Zaur Qədirov Ölkə Prezidenti, Silahlı Qüvvələrin Ali Baş Komandanı, cənab İlham Əliyevin Azərbaycan dövlətinin inkişafı üçün apardığı məqsədyönlü dövlət siyasaətinin regiondakı qüdrətindən və bu siyasətin nəticəsində ölkəmizin beynəlxalq aləmdəki nüfuzunun artmasından söz açdılar.

Paylaş:

Baxılıb: 493 dəfə