YAP fəalları ilə görüş keçirilib

Bakı:

27 °C

39 %

5 m/s

Əlaqə

AZ RU EN

Ana səhifə / YAP xəbərləri / YAP fəalları ilə görüş keçirilib

YAP fəalları ilə görüş keçirilib

02.11.2023 [13:24]

Yeni Azərbaycan Partiyası Nəsimi rayon təşkilatının sədri Azər Süleymanov “Abbasqulu Bakıxanov küçəsi 23” üzrə (Azərbaycan Tibb Universiteti) ərazi partiya təşkilatında partiya fəalları ilə görüş keçirib. Görüşdə Azərbaycan Tibb Universitetinin prorektoru Sabir Əliyev açılış nitiq ilə çıxış edərək, Prezident İlham Əliyevin hakimiyyətdə olduğu illər ərzində bütün sahələrdə, xüsusilə də dövlət idarəçiliyində əldə etdiyi uğurlar, sosial-iqtisadi nailiyyətlərdən danışaraq bu yolda Yeni Azərbaycan Partiyasının rolunu xüsusi vurğulayıb. Həmçinin Azərbaycan vətəndaşlarının mövcud siyasi kursa inamı və etimadı günü-gündən möhkəmləndiyini də qeyd edib.
Görüşdə Yeni Azərbaycan Partiyası Nəsimi rayon təşkilatının sədri Azər Süleymanov çıxış edərək, YAP-ın VII Qurultayından sonra partiyanın yeni Proqram və Nizamnaməsi tələblərinə uyğun olaraq yerli və ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsində hər bir partiya üzvünün məsuliyyətinin artırılmasının vacibliyindən danışmışdır. Həmçinin sədr müasir dövrümüzdə sosial şəbəkələrdən düzgün, operativ qaydada istifadənin, həyata keçirilən dövlət siyasətinin təbliği və təşfiqində fəal iştirakın, ölkəmizin milli maraqlarının daima ən yüksək səviyyədə müdafiə etməli olduqlarının önəmindən danışıb. Azər Süleymanov son 20 ildə ölkəmizin siyasi, sosial-iqtisadi və mədəni sahələrdə əldə etdiyi uğurların, dövlətimiz və xalqımız üçün ən böyük zirvə olan 44 günlük Vətən müharibəsində qazanılmış Zəfərin dövlətçilik tariximizdə şanlı yer almasını vurğulayıb. O, qeyd etmişdir ki, əldə olunan uğurlarda Yeni Azərbaycan Partiyasının fəaliyyəti danılmazdır. Çünki sıralarında 800 mindən çox fəal, dövlətə və dövlətçiliyə sadiq insanları öz ətrafında birləşdirən Yeni Azərbaycan Partiyası "dünənin, bu günün və gələcəyin" partiyası adını ləyaqətlə doğruldaraq, ölkəmizin ictimai-siyasi müstəvisində öz nüfuzunu durmadan artırmaqdadır. Sədr çıxışının sonunda, partiya üzvlərinə Yeni Azərbaycan Partiyasının sədri, ölkə Prezidenti cənab İlham Əliyevin yürütdüyü daxili və xarici siyasətin, çıxış və nitqlərindən irəli gələn vəzifələrin, verdiyi Fərman və Sərəncamların əhali arasında, sosail media platformalarında geniş təbliği və izahı istiqamətində görüləcək işlər barədə konkret tapşırıq və tövsiyələrini verib.
Daha sonra Yeni Azərbaycan Partiyası Nəsimi rayon təşkilatının məsləhətçisi Aynur Poluyeva çıxış edərək, Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin həyata keçirdiyi siyasət nəticəsində ölkəmizin böyük nüfuz qazanmasından, regionun lider dövlətinə çevrilməsindən, partiyanın fəaliyyəti dövründə ölkəmizin beynəlxalq aləmdə mövqeyinin möhkəmlənməsindən danışıb. Həmçinin o, Müzəffər Ali Baş Komandanın dərindən düşünülmüş “Dəmir yumruq” əməliyyatı ilə 30 ilə yaxın bir müddətdə işğal edilmiş ərazilərin 44 gün ərzində gedən döyüşlər nəticəsində qazanılmış Zəfərindən danışaraq, cəanb Prezidentin prosesi yüksək peşəkarlıqla idarə etməsinin Qələbəmizi şərtləndirən əsas amil olmasını vurğulayıb. Son olaraq, sosial şəbəkə fəallarının dövlət siyasətimizin, eləcə də partiyamızın geniş şəkildə təbliği istiqamətində gördüyü işlərdən, üzvlərin bu yöndəki ümumi şəkildə fəaliyyətlərindən danışarq, bu istiqamətdə müzakirələr aparılıb.
Görüşün sonunda Yeni Azərbaycan Partiyası Nəsimi rayon təşkilatının sədri Azər Süleymanov bir qrup yeni partiya üzvlərinə partiya biletlərini təqdim etdi.

Paylaş:

Baxılıb: 608 dəfə