Acizliyin göstəricisi

Bakı:

28 °C

47 %

13 m/s

Əlaqə

AZ RU EN

Ana səhifə / YAP xəbərləri / Acizliyin göstəricisi

Acizliyin göstəricisi

21.12.2023 [18:57]

Əsasını xalqımızın Ümummilli lideri Heydər Əliyevin qoyduğu və Prezident cənab İlham Əliyevin dövrün tələblərinə uyğun olaraq davam etdirdiyi daxili və xarici siyasətin nəticəsidir ki, bu gün ölkəmizdə bütün sahələr uğurla inkişaf edir. Azərbaycan beynəlxalq aləmdə yüksək nüfuza malikdir. Ölkəmizlə əməkdaşlıq etməyə can atan dövlətlərin sayı günü - gündən artır. Dunya dövlətləri Azərbaycana böyük etimad və hörmət göstərir.

2023-cü ildə xalqın yüksək dəstəyi ilə Azərbaycan Respublikasının Prezidenti seçilmiş cənab İlham Əliyev seçki öncəsi verdiyi bütün vədləri yerinə yetirərək, xalqın böyük etimadını, sonsuz sevgisini qazanmışdır.

Prezident, Müzəffər Ali Baş Komandanın rəhbərliyi ilə 2020-ci ildə ərazi bütövlüyümüz, 2023-cü ilin sentyabr ayında isə suverenliyimiz tam təmin edilmişdir. Bununla da xalqımız birmənalı olaraq o qənaətə gəlmişdir ki, ölkəmiz yalnız cənab İlham Əliyevin rəhbərliyi ilə davamlı inkişafa və uğurlara nail ola bilər.

Ölkə başçısının 07 dekabr 2023- cü il tarixli Sərəncamı ilə 07 fevral 2024-cü ildə ölkəmizdə Növbədənkənar Azərbaycan Respublikası Prezidenti seçkilərinin keçirilməsi elan edilmişdir.

Xalq arasında zərrə qədər dəyəri, hörməti olmayan, düşmən maraqlarına xidmət edən radikal müxalifət hər zamanki kimi ermənipərəst dairələrin sifarişi, tapşırığı ilə fəaliyyət göstərir, ölkəmizin yüksələn imicinə xələl gətirməyə çalışırlar. Təbii ki, vaxtilə hakimiyyətdə olanda ölkəmizi uçuruma aparan, müstəqilliyimizi təhlükə altına atan AXCP –Musavat cütlüyünün 2024-cü il fevralın 7-də Azərbaycanda keçiriləcək növbədənkənar prezident seçkisində iştirakdan imtina etməsi heç kəsdə təəccüb doğurmadı. Çünki Azərbaycan xalqı bunları gözəl tanıyır və kimlərə xidmət etdiklərini, kimlərin sifarişi ilə fəaliyyət göstərdiklərini yaxşı bilir.

Radikal müxalifət özlüyündə belə görüntü yaratmaq istəyirlər ki, guya hakim Yeni Azərbaycan Partiyası növbədənkənar prezident seçkilərinə rəqibsiz gedir. Bununla da beynəlxalq aləmdə Azərbaycan haqqında mənfi imic formalaşdırmağa, ölkəmizin demokratik imicinə zərbə vurmağa çalışırlar. Təbii ki, Azərbaycanda müxalif siyasi partiya var ki, onlar hər cəhətdən AXCP və Müsavat Partiyasından xeyli irəlidədirlər.

Prezident cənab İlham Əliyevin xalq arasında, beynəlxalq aləmədə mövcud olan yüksək nüfuzu , onun rəhbərliyi ilə 30 il işgal altında olan torpaqlarımzın düşmən tapdağından azad edilməsi, ölkəmizin yüksələn imici, əldə etdiyi möhtəşəm uğurlar radikalları çox narahat edir.

AXCP sədri Əli Kərimli başda olmaqla radikallar çox yaxşı bilirlər ki, xalqın mütləq əksəriyyəti cənab İlham Əliyevi dəstəkləyir və dövlət başçısının ölkədə yüksək nüfuzu və hörməti vardır. Onu da yaxşı bilirlər ki, özlərinin xalq arasında zərrə qədər dəyər və hörmətləri yoxdur. AXCP-Musavat cütlüyünün seçkiləri “baykot” etməsinin əsas səbəblərindən biri də məhz bu amillərdir.

Heç şübhəsiz ki, radikal müxalifətin 7 fevral 2024- cü ildə keçiriləcək növbədənkənar Prezident seçkilərini “boykot” qərarı seçki prosesinə və seçkinin nəticələrinə heç bir təsiri olmayacaq. Azərbaycan növbəti dəfə azad, ədalətli, şəffaf şəkildə seçkisini keçirəcək. Xalqımız bir daha məntəqələrə gedərək ən layiqli namizədə səs verəcək.

Sahib Şükürov

YAP Göyçay rayon təşkilatının sədri

Paylaş:

Baxılıb: 631 dəfə