Bu gün Azərbaycan regionun lider dövlətidir

Bakı:

27 °C

65 %

10 m/s

Əlaqə

AZ RU EN

Ana səhifə / YAP xəbərləri / Bu gün Azərbaycan regionun lider dövlətidir

Bu gün Azərbaycan regionun lider dövlətidir

26.01.2024 [10:44]

YAP Ağdam rayon təşkilatının sədri

Mansur Quliyev

Azərbaycanın beynəlxalq təşkilatların fəal üzvü olması ölkəmizi nüfuzlu beynəlxalq tədbirlərin keçirildiyi məkana çevirmişdir. Azərbaycan beynəlxalq aləmdə etibarlı və strateji tərəfdaş kimi tanınmışdır. Ölkəmizin nüfuzlu beynəlxalq tədbirlərə evsahibliyi etməsi bu inamın göstəricisidir.

Müasir dünya siyasətində etibarlı tərəfdaş kimi tanınan, Cənubi Qafqaz regionunun lider ölkəsi olan Azərbaycan həm ikitərəfli münasibətlər, həm də beynəlxalq təşkilatlar çərçivəsində səmərəli və qarşılıqlı faydalı əməkdaşlıq əlaqələrini uğurla davam etdirir. Respublikamızın xarici siyasətinin səciyyəvi xüsusiyyətlərindən biri bu strateji kursun müstəqillik və suverenlik prinsiplərinə əsaslanmasıdır.

2001-ci ildən Azərbaycan AŞPA-yə üzvdür və bu müddət ərzində ölkəmiz üzrinə götürdüyü bütün öhdəlikləri layiqincə yerinə yetirmişdir. Azərbaycan Beynəlxalq hüququn norma və prinsiplərinə hər zaman hörmətlə yanaşan qüdrətli dövlətdir.

Təəssüf hissi ilə qeyd etmək lazımdır ki, AŞPA Azərbaycana problem yaratmaq, ölkəmizi gözdən salmaqdan başqa heç nə etməyib. Qərbdəki anti-Azərbaycan qüvvələr bu qurumdan ölkəmizə qarşı təzyiq vasitəsi kimi istifadə ediblər və bu gün də eyni siyasət davam edir. Bu gün Azərbaycana qarşı səslənən ittihamların heç bir əsası yoxdur. Nümayəndə Heyətinin bəyanatında da qeyd edildiyi kimi, 2001-ci ildən 2020-ci ilə qədər olan müddət ərzində AŞPA işğalçı Ermənistanı Avropa Şurasının əsas dəyər və prinsiplərinə zidd hərəkətlərinə görə cavab vermək barədə qınamadı.

Xüsusilə vurğulamaq lazımdır ki, bu gün regionda dayanıqlı sülhün, təhlükəsizliyin təmin olunması istiqamətində Azərbaycan hökuməti tərəfindən böyük işlər görülür, bu ardıcıl tədbirləri gözü götürməyən qüvvələr də öz məkrli oyunlarını davam etdirərək beynəlxalq nüfuzlarından istifadə edir, ölkəmizə qarşı qərəzli münasibət nümayiş etdirir, Cənubi Qafqazda sülhün təmin olunması prosesinə ciddi zərbə vururlar. Artıq bütün dünya Azərbaycanın haqlı tərəf olduğunu qəbul edir, beynəlxalq təşkilatlar da mütəmadi olaraq ölkəmizin sülh çağırışlarını yüksək qiymətləndirirlər. Lakin, Avropanın bir sıra dövlətlərini mövcud yanaşmalar qıcıqlandırır, bu da öz növbəsində məğlubiyyəti həzm edə bilməyən ermənipərəst qüvvələrin daha amansız və ədalətsiz fəaliyyətini davam etdirməsinə gətirib çıxarır.

Lakin nə AŞPA, nə də digər ermənipərəst qüvvələr Azərbaycanı öz haqq yolundan döndərə bilməz və bu cür ermənipərəst qüvvələr unutmamalıdırlar ki, Azərbaycan 30 il bundan əvvəlki dövlət deyil, bu gün Azərbaycan regionun lider dövlətidir və Beynəlxalq müstəvidə də əsas söz sahibi olan qüdrətli dövlətdir.

Təsadüfi deyil ki, Azərbaycanın iştirakı olmadan bu gün regionda heç bir layihə gerçəkləşdirilə bilməz. Hazırda Azərbaycan sahib olduğu bütün bu üstünlüklərlə milli dövlətlərin, o cümlədən güc mərkəzlərinin uzunmüddətli perspektiv üçün əməkdaşlıq münasibətlərini inkişaf etdirmək istədiyi tərəfdaş ölkələrdəndir.

Paylaş:

Baxılıb: 616 dəfə