Azərbaycan xalqı Türkiyənin qardaşlıq dəstəyini heç vaxt unutmayacaq

Bakı:

25 °C

65 %

11 m/s

Əlaqə

AZ RU EN

Ana səhifə / YAP xəbərləri / Azərbaycan xalqı Türkiyənin qardaşlıq dəstəyini heç vaxt unutmayacaq

Azərbaycan xalqı Türkiyənin qardaşlıq dəstəyini heç vaxt unutmayacaq

21.02.2024 [11:20]

YAP Ağdam rayon təşkilatının sədri

Mansur Quliyev

Ümummilli lider Heydər Əliyevin Azərbaycan -Türkiyə dostluğunun, qardaşlığının əbədi və daimi olduğunu təcəssüm etdirən "Biz bir millət, iki dövlətik" müdrik kəlamı hər iki dövlətin sarsılmaz dostluq və qardaşlıq münasibətlərinə böyük stimul vermiş oldu.

Xüsusilə qeyd etmək lazımdır ki, Ulu öndər Heydər Əliyev Türkiyə ilə əlaqələrin qurulmasına hər zaman böyük əhəmiyyət verib.

Fevralın 7-də ölkəmizdə keçirilmiş Prezident seçkilərindən sonra ölkə Prezidenti cənab İlham Əliyevin ilk rəsmi səfər kimi ənənəvi olaraq məhz qardaş Türkiyəni seçməsi ənənəvi əhəmiyyət kəsb edir. Qədim tarixi köklərə əsaslanan Azərbaycan Türkiyə münasibətləri bu gün yüksələn xətt üzrə inkişaf etməkdədir. Ulu öndər Heydər Əliyevin dilindən səslənmiş “Bir millət, İki dövlət” kəlamı bu gün iki qardaş ölkə arasında olan sarsılmaz həmrəyliyin simvoluna çevrilmişdir.

Bu gün bu uğurlu siyasi kurs cənab İlham Əliyevin və cənab Rəcəb Tayyib Ərdoğanın qardaşlığı timsalında özünün ən yüksək inkişaf mərhələsindədir.

Prezident cənab İlham Əliyevin 19 fevral 2024-cü il tarixində Türkiyənin paytaxtı Ankarada rəsmi səfəri zamanı mətbuata verdiyi bəyanat zamanı söylədiyi fikirlər hər iki ölkə arasında qardaşlıq münasibətlərinin sağlam təməllər üzərində qurulmasının barız nümunəsi idi. Prezident cənab İlham Əliyev bildirdi ki, “Azərbaycan tək deyil, Türkiyə Azərbaycanın yanındadır. Bu, siyasi və mənəvi dəstək bizə yetərli oldu və 30 il ərzində sülh vasitəsilə həll edə bilmədiyimiz tarixi məsələmizi biz savaş meydanında cəmi 44 gün ərzində həll etdik. Azərbaycan xalqı bu qardaşlıq dəstəyini heç vaxt unutmayacaq. Bu gün söhbət əsnasında mən demişdim ki, ondan əvvəl də Türkiyə-Azərbaycan əlaqələri qardaşlıq əlaqələri idi.”

Bu gün Türkiyə əhəmiyyətli sosial-iqtisadi və elmi-texniki tərəqqi, hərtərəfli inkişaf yolu keçərək dünya miqyasında müstəqil siyasət yürüdən güc mərkəzinə çevrilib. Xalqlarımızın istək və iradəsindən qaynaqlanan Azərbaycan və Türkiyə münasibətləri bu gün ən yüksək səviyyədədir. Dostluq və qardaşlıq zəmini üzərində qurulan dövlətlərarası münasibətlərin bu səviyyəyə gəlib çatmasında Azərbaycan Respublikasının Prezidenti İlham Əliyevin, Türkiyə Respublikasının Prezidenti Rəcəb Tayyib Ərdoğanın misilsiz xidmətləri var. Çoxşaxəli ikitərəfli əlaqələrin daha da möhkəmləndirilməsi yolunda dövlət başçılarının qətiyyətli siyasəti, qardaş ölkənin Azərbaycanın əzəli torpaqlarının işğaldan azad edilməsi uğrunda haqq işinə bütün müstəvidə açıq, tərəddüdsüz mənəvi və siyasi dəstəyi xalqımız tərəfindən yüksək qiymətləndirilir.

Qeyd etmək lazımdır ki, 2021-ci il 15 iyun tarixində Şuşa şəhərində Azərbaycan Respublikasının Prezidenti cənab İlham Əliyev və Türkiyə Respublikasının Prezidenti cənab Rəcəb Tayyib Ərdoğanın imzaladıqları “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” Qardaşlığın rəmzi olan bir Bəyyannamədir. Müttəfiqlik haddinda imzalanmış bu Bəyannamə iki qardaş ölkə arasında əlaqələri ən yüksək səviyyəyə qaldırır və Bəyənnamədə göstərilən bütün müddəalar keyfiyətcə daha yüksək səviyyəli əməkdaşlığın təminatıdır. İmzalanmış Bəyənnamə tarixə əsaslanır və möhkəm təmələ malikdir.

Türkiyə-Azərbaycan münasibətləri daha artıq dəyərlərə sahibdir. Azərbaycan Türkiyə dostluğu və qardaşlığı bundan sonrada əbədi olaraq yaşayacaq və yeni yeni birgə uğurlara, zəfərlərə imza atacaqdır.

Paylaş:

Baxılıb: 592 dəfə