Azərbaycan sülh prosesinə hər zaman sadiqdir

Bakı:

24 °C

57 %

8 m/s

Əlaqə

AZ RU EN

Ana səhifə / YAP xəbərləri / Azərbaycan sülh prosesinə hər zaman sadiqdir

Azərbaycan sülh prosesinə hər zaman sadiqdir

05.03.2024 [12:27]

Fevralın 28-də Azərbaycan Respublikasının Prezidenti İlham Əliyev Alman İqtisadiyyatının Şərq Komitəsinin sədri Mixael Harmsın rəhbərlik etdiyi nümayəndə heyətini qəbul edib.

Dövlətimizin başçısı görüşdə alman iş adamları ilə ötən il Berlində, bu yaxınlarda isə Münxendə keçirdiyi görüşləri məmnunluqla xatırladaraq, indi də böyük nümayəndə heyətinin ölkəmizə səfər etməsinin önəmindən bəhs edərək, bu səfəri yüksək qiymətləndirib. Əlaqələrimizin yaxşı göstəricisi kimi dəyərləndirib.

“Azərbaycan öz suverenliyini və ərazi bütövlüyünü təmin edib”, - deyən Prezident İlham Əliyev vurğuladı ki, bununla bağlı bizi hər hansı günahlandırma cəhdləri tamamilə əsassız və qərəzlidir. Dövlətimizin başçısı çıxışında ölkəmiz öz ərazi bütövlüyünü və suverenliyini təmin edərkən, digər ölkələrin atdığı addımlardan fərqli heç bir addım atmadığını, bu gün ikili standartların bir sıra beynəlxalq institutlar, o cümlədən Avropa İttifaqı üçün adi hala çevrildiyini təəssüf hissi ilə qeyd edib.

Prezident İlham Əliyev Azərbaycanın sülh prosesinə hər zaman sadiq olduğunu bildirib. Dövlətimizin başçısı həmcinin diqqətə çatdırıb ki, ikinci Qarabağ müharibəsi başa çatdıqdan sonra sülh danışıqları təşəbbüsü ilə çıxış edən də məhz ölkəmiz olub.

Ölkə başçısı çıxışında Azərbaycan həqiqətlərini, mövcud reallıqları, ermənilərin illər boyu ölkəmizə, xalqımıza törətdiyi vəhşiliklərdən, hərbi cinayətlərdən bəhs edərək qeyd edib ki, Ölkəmizin əraziləri 30 il Ermənistanın işğalı altında olub. Ermənilər torpaqlarımızın 20 faizini işğal edərək həmin əraziləri dağıdıblar, o vaxt 1 milyona yaxın soydaşımız məcburi köçkün vəziyyətinə düşdü. Torpaqlarımızı işğal altında saxlayan Ermənistan bu müddətdə BMT Təhlükəsizlik Şurasının məlum qətnamələrinə, beynəlxalq hüququn normalarına, o cümlədən humanitar normalara məhəl qoymadı.

Görüşdə Azərbaycana qarşı sərgilənən qərəzli münasibətdən, ikili standartlardan bəhs edən, ərazi bütövlüyümüzü və suverenliyimizi bərpa etdikdən sonra Avropa Şurası Parlament Assambleyası Azərbaycan nümayəndə heyətinin səs hüququndan məhrum edilməsinə münasibət bildirən Prezident İlham Əliyev təəssüf hissi ilə bildirib ki, bu qərar Almaniya parlamentinin üzvünün təşəbbüsü ilə qəbul olunub və o şəxs Kansler Şoltsun rəhbərlik etdiyi partiyanın üzvüdür. Ölkə başçısı Almaniya Kanslerinin qərəzsizlik nümayiş etdirdiyini, onun rəhbərlik etdiyi partiyanın üzvü isə AŞPA-da 2 qeyri-xristian ölkəsindən biri olan Azərbaycanı uzaqlaşdırmaq istədiyini və bunu nümayişkaranə və məqsədyönlü şəkildə etdiyini açıq şəkildə bildirib. Cənab Prezident bu qərəzli münasibətdən sonra Azərbaycanın bu qurumun sessiyalarında iştirak etməmək qərarına gəldiyini, əgər bir il ərzində nümayəndə heyətimizin hüquqları bərpa olunmazsa, ölkəmiz Avropa Şurasından tamamilə çıxmaq barədə məsələyə ciddi şəkildə baxa biləcəyini bəyan edib.

“Azərbaycanın özünü təmin edən ölkədir”, - deyən Prezident İlham Əliyev bildirdi ki, ölkəmizdə gedən proseslər və həyata keçirilən işlər Azərbaycanın normal həyatını təmin edir.

Paylaş:

Baxılıb: 616 dəfə