“Milli Yaddaşın Suverenliyə Çağırışı – Soyqırım və Qərbi Azərbaycan Həqiqətləri” mövzusunda panel iclas keçirilir

Bakı:

21 °C

100 %

0 m/s

AZ RU EN

Ana səhifə / Xəbər lenti / “Milli Yaddaşın Suverenliyə Çağırışı – Soyqırım və Qərbi Azərbaycan Həqiqətləri” mövzusunda panel iclas keçirilir

“Milli Yaddaşın Suverenliyə Çağırışı – Soyqırım və Qərbi Azərbaycan Həqiqətləri” mövzusunda panel iclas keçirilir

09.04.2025 [17:48]

Səbail rayonunda “Konstitusiya və Suverenlik İli” çərçivəsində “Milli Yaddaşın Suverenliyə Çağırışı – Soyqırım və Qərbi Azərbaycan Həqiqətləri” mövzusunda panel iclas keçirilib. Tədbirdə Səbail Rayon İcra Hakimiyyəti başçısının müavinləri, RİHBA-nın məsul əməkdaşları, Yeni Azərbaycan Partiyası Səbail rayon təşkilatı, Qərbi Azərbaycan İcmasının Müşahidə Şurası və İdarə Heyəti, millət vəkilləri, elm xadimləri, ziyalılar, rayonun idarə, müəssisə, təşkilat rəhbərləri və rayon ictimaiyyətinin nümayəndələri, rayon ərazisində yerləşən universitetlərin tələbələri iştirak ediblər.

Tədbirdən öncə Ümummilli lider Heydər Əliyevin büstü önünə gül dəstələri düzülərək əziz xatirəsi ehtiramla yad edilib. Qərbi Azərbaycanın mədəniyyəti, coğrafiyası və tarixi həqiqətlərinə məxsus fotolar sərgilənib.
Sonra şəhidlərin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Tədbirdə Qədim və əzəli torpağımız olan Qərbi Azərbaycanda xalqımıza qarşı həyata keçirilmiş tarixi ədalətsizlikləri və gerçəklikləri əks etdirən sənədli videoçarx nümayiş olunub. (İnterşum ver)

Çıxış edən Səbail Rayon İcra Hakimiyyəti başçısının müavini Kəmalə Həşimova, Qərbi Azərbaycan İcması İdarə Heyətinin sədri, Milli Məclisin deputatı, filologiya üzrə fəlsəfə doktoru, dosent Əziz Ələkbərli, Qərbi Azərbaycan İcması Müşahidə Şurasının sədri, fizika-riyaziyyat elmləri doktoru, professor Misir Mərdanov, Millət Vəkili Nigar Arpadarai qeyd ediblər ki, Qərbi Azərbaycan bizim dədə-baba torpağımızdır və azərbaycanlılar oradan dəfələrlə deportasiya olunmuş, qəddarcasına etnik təmizləmə siyasətinə məruz qalmışlar. Coğrafi mövqe, tarixi miqrasiya reallıqları, toponimika və bir çox digər əlamətlər Azərbaycanın bu yerlərə, onun tarixi və mədəni irsinə haqqını aşkar şəkildə təsdiqləyir. Bu gün Azərbaycan dövləti tarixi faktların beynəlxalq səviyyədə tanıdılması və milli maraqlarımızın qorunması üçün ardıcıl addımlar atır. Prezident cənab İlham Əliyevin rəhbərliyi ilə aparılan qətiyyətli siyasət və regionda yaranan yeni geosiyasi reallıqlar bizə daha da güclü hüquqi və siyasi əsaslar qazandırır.

Daha sonra panel iclas Qərbi Azərbaycan İcması İdarə Heyəti sədrinin müavini, Milli Məclisin deputatı, siyasi elmlər doktoru, professor Hikmət Babaoğlu, Qərbi Azərbaycan İcması Qadınlar Şurasının sədri, Milli Məclisin deputatı, tarix üzrə fəlsəfə doktoru Məlahət İbrahimqızı, Qərbi Azərbaycan İcması Gənclər Şurasının və Milli Məclisin Gənclər və İdman Komitəsinin sədri Şahin İsmayılov və Qərbi Azərbaycan İcması İdarə Heyətinin üzvü, Keşişkənd rayon İcmasının sədri, filologiya elmləri doktoru, professor Mahirə Hüseynovanın iştirakı ilə Qərbi Azərbaycana qayıdış, Qərbi Azərbaycan həqiqətlərinin təbliği və s. mövzular ətrafında müzakirələrlə davam edib.
Müsahibə

Sonda tədbir iştirakçılarını maraqlandıran suallar rəsmilər tərəfindən cavablandırılıb.

Leyla Səməndər

Paylaş:

Baxılıb: 664 dəfə