Azərbaycan tarixinin önəmli hadisələrindən biri

Bakı:

23 °C

68 %

16 m/s

Əlaqə

AZ RU EN

Ana səhifə / Xəbər lenti / Azərbaycan tarixinin önəmli hadisələrindən biri

Azərbaycan tarixinin önəmli hadisələrindən biri

09.12.2023 [10:50]

Günel ABBASOVA

“Ölkəmizdə növbədənkənar prezident seçkilərini Zəfər seçkisi adlandıra bilərik. Prezident İlham Əliyevin Sərəncamı ilə 2024-cü il 7 fevralda növbədənkənar prezident seçkisinin keçirilməsi və səbəbləri çox aydındır”.

Bu fikirləri yeniazerbaycan.com-a açıqlamasında Milli Məclisin üzvü Vüqar İskəndərov bildirib.

Onun sözlərinə görə, 44 günlük Vətən müharibəsi və 2023-cü ildə həyata keçirilən lokal antiterror tədbirləri nəticəsində ərazi bütövlüyümüzün və suverenliyimizin bərpası həm bölgəmizdə, həm də ölkəmizdə yeni reallıqlar yaradıb: “Qeyd etməliyik ki, növbədənkənar seçkilərin keçirilməsi dünyada qəbul olunmuş siyasi təcrübədir. Ona görə də növbədənkənar seçkilərin keçirilməsi vətəndaşlarımızın siyasi iradələrini yenidən və vaxtından əvvəl ifadə etməsi kimi anlaşılmalıdır. Artıq yeni eradır, yeni dövrdür və yeni çağırışlar var. Azərbaycan qlobal anlamda yeni reallıqlar yaradan ölkə imicini qazanıb. Bu kontekstdən baxsaq, yeniliklərə cavab vermək üçün yeniləşən, inkişaf edən Azərbaycanda bu seçkinin keçirilməsi vacib idi. Əvvəla, Prezident Müzəffər, Ali Baş Komandan İlham Əliyev ən əsası qətiyyətli siyasətçidir. Bu növ erkən seçki ilə İlham Əliyevin həm özünə inamının, həm xalqın siyasi dəstəyindən əminliyinin, həm də indiyə qədər dediyi sözlərə bir-bir əməl etməyinin bariz nümunəsidir. İndiyə qədər Prezident nəyi deyibsə, mərhələli şəkildə zərgər dəqiqliyi ilə onu uğurla həyata keçirib. Bu seçki həm də müstəqilliyimizi qazandıqdan sonra müstəqil Azərbaycanın bütün suveren ərazisində keçiriləcək.

Bu, Bütöv Azərbaycanın seçkisidir və artıq öz ata-baba yurduna qayıtmış vətəndaşlarımız həmin ərazidən ölkə prezidentinə səs verəcək, seçim edəcək. Bu gözəl hissləri yaşamaq, onun tərkib hissəsi olmaq, təbii ki, hər bir azərbaycanlı üçün qürur mənbəyidir. Digər məsələ seçkilərdə bərabər imkanların təşkil edilməsidir. Seçki Məcəlləsinə əsasən, ölkəmizdə Prezidentin növbədənkənar prezident seçkilərini elan etdiyi gündən başlayaraq bir həftədən gec olmayan müddətdə seçkilər MSK tərəfindən çərşənbə günü təyin edilir və 60 gün müddətində keçirilir. Əslində bütün namizədlərə hüquqlar verilir və hər biri bərabər öhdəliklər daşıyırlar. Təbii ki, namizədlərin fəaliyyəti üçün hər birinə bərabər şərait təmin edilir, o cümlədən təbliğat təşviqatın aparılması üçün mediadan bərabər istifadə şərtləri də müəyyənləşdirilir. Bütün bu məsələləri ümumiləşdirsək, 2024-cü il 7 fevral növbədənkənar prezident seçkiləri Azərbaycan tarixinin çox önəmli hadisələrindən biri kimi yadda qalacaq, müasir, müstəqil, bütöv Azərbaycanın tarixində müstəsna rol oynayacaq”.

Paylaş:

Baxılıb: 615 dəfə