İqlim Dəyişikliyi Konfransı

Bakı:

26 °C

56 %

11 m/s

Əlaqə

AZ RU EN

Ana səhifə / Xəbər lenti / İqlim Dəyişikliyi Konfransı

İqlim Dəyişikliyi Konfransı

05.03.2024 [11:01]

COP5 harada keçirilib?

Günel ABBASOVA

Birləşmiş Millətlər Təşkilatının beşinci İqlim Dəyişikliyi Konfransı 25 oktyabr - 5 noyabr 1999-cu il tarixləri arasında Almaniyanın Bonn şəhərində keçirilib. Bu görüş sadəcə formal xarakterli müzakirələrdən ibarət oldu və əsas nəticələrə gəlmək mümkün olmadı.

Bill Klinton hələ bu konfrans baş tutmazdan əvvəl BMT Baş Assambleyasında çıxış edərək bildirmişdi ki, inkişaf etmiş və inkişaf etməkdə olan ölkələr qlobal iqlim dəyişikliyini dayandırmaq üçün hərəkətə keçməlidir.

Beynəlxalq iqlim dəyişikliyi danışıqlarının yekunu Almaniyanın Bonn şəhərində İqlim Dəyişikliyi üzrə Çərçivə Konvensiyasının (FCCC) Tərəfləri və Amerika Birləşmiş Ştatlarının 1997-ci il Kioto Protokolunun tam fəaliyyətini təşkil etmək üçün bir araya gəldiyi zaman başladı.

Konfransda əsas məqsəd Kiotoda başlanmış mühüm işi başa çatdırmaq üçün lazımi irəliləyişə nail olmaq idi. Çünki istər Bonnda, istərsə də digər konfranslarda irəliləyişin əldə edilməməsi iqlimimizi qorumaq üçün mühüm fürsəti əldən vermək demək idi.

Bu səbəbdən ABŞ görüşdən əvvəl ümid edirdi ki, COP5-də keçən ilki konfransda qəbul edilmiş Buenos-Aires Fəaliyyət Planında qeyd olunan işləri tamamlamaq üçün aydın fəaliyyət planı üzərində razılaşdırma olacaq. Bu səbəbdən COP6-ya qədər müzakirələrin sürətini artırmaq üçün çoxsaylı addımlar atıldı. Xüsusilə, Kioto mexanizmləri (yəni emissiyaların ticarəti, ümumi tətbiq və Təmiz İnkişaf Mexanizmi) ilə bağlı danışıqlar mətnini hazırlamaq üçün mandat əldə etməyə çalışdılar.

Bununla yanaşı, Amerika Birləşmiş Ştatları Protokol üçün qənaətcil qaydalar üzərində öz israrını sürdürməyə davam etdi. Çünki ABŞ düşünürdü ki, ölkələr Kiotonun emissiya ticarəti kimi çevik, bazara əsaslanan mexanizmlərindən tam istifadə etməkdə sərbəst olmalıdırlar. Əks halda mexanizmlərdəki kəmiyyət məhdudiyyətləri yalnız istixana qazlarının azaldılmasını hamı üçün bahalaşdıracaq və ətraf mühitə heç bir faydası olmayacaq.

Bu görüş həmçinin inkişaf etməkdə olan əsas ölkələrin Kioto Protokolunda əhəmiyyətli şəkildə iştirakını təmin etməyə yönəlmişdi. Bunun qarşılığında ABŞ inkişaf etməkdə olan ölkələrin öz iqtisadiyyatlarını inkişaf etdirmək və vətəndaşlarının rifahını yaxşılaşdırmaq səylərini tam dəstəklədiyini ifadə edirdi. Və bildirirdi ki, bu məqsədə ötən əsrin israfçı və çirkləndirici təcrübələrini təkrarlamadan nail olmaq olar. Bu mənada Kioto Protokolunun Təmiz İnkişaf Mexanizmi və inkişaf etmiş və inkişaf etməkdə olan ölkələr arasında digər tərəfdaşlıqlar vasitəsilə davamlı inkişaf imkanları yaratmağa sadiqliyinə də inam artırdı . Eləcə də 1998-ci ildə Buenos-Airesdə əldə edilmiş irəliləyiş, o cümlədən Argentina və Qazaxıstanın könüllü emissiya hədəflərini yerinə yetirmək üzrə öhdəlikləri tərəfləri ruhlandırır və Bonnda daha da böyük irəliləyiş əldə ediləcəyinə ümid yaratmışdı.

Bu da onu göstərir ki, tərəflər həm istixana qazlarının tullantılarını azaltmaq üçün güclü daxili tədbirlər vasitəsilə, həm də möhkəm, sərfəli qlobal strategiya üzərində razılığa gəlmək üçün digər ölkələrlə işləmək yolu ilə iqlim dəyişikliyi probleminin öhdəsindən gəlməyə sadiqdir.

Paylaş:

Baxılıb: 597 dəfə